完整藏文原文 · 德格版页 当前仅加载第 37 函德格 394a 版页；藏文 NFD、目录标记与异常页序保留在来源切片中，重复版页行以稳定序号区分。
ཀྱི་བུ། ཁོ་བོས་ནི་ཚེ་དེ་འདྲ་བ་གཅིག་གིས་དེ་བཞིན་གཤེགས་པ་ཆུ་ཀླུང་གངྒཱ་སུམ་ཅུ་རྩ་བརྒྱད་ཀྱི་དྲུང་དུ་ཚངས་པར་སྤྱོད་པ་སྤྱད་དེ། བདག་གིས་དེ་བཞིན་གཤེགས་པ་ལ་ལའི་ཞམ་རིང་དུ་ནི་ཉིན་ཞག་གཅིག་དུ་ཚངས་པའི་སྤྱོད་པ་སྤྱད་
D44.037.0394a01.01དོ། །ལ་ལར་ནི་ཉིན་ཞག་བདུན་དུ། ལ་ལར་ནི་ཟླ་བ་ཕྱེད་དུ། ལ་ལར་ནི་ཟླ་བ་གཅིག་ཏུ། ལ་ལར་ནི་ལོ་གཅིག་ཏུ། ལ་ལར་ནི་ལོ་བརྒྱར། ལ་ལར་ནི་ལོ་སྟོང་དུ། ལ་ལར་ནི་ལོ་བརྒྱ་ཕྲག་སྟོང་དུ། ལ་ལར་ནི་ལོ་བྱེ་བར། ལ་ལར་ནི་ལོ་བྱེ་
D44.037.0394a02.01བ་ཁྲག་ཁྲིག་དུ། ལ་ལར་ནི་ལོ་བརྗོད་དུ་མེད་པའི་ཡང་བརྗོད་དུ་མེད་པར། ལ་ལར་ནི་བསྐལ་པ་བར་མར། ལ་ལར་ནི་བསྐལ་པ་ཕྱེད་དུ། ལ་ལར་ནི་བསྐལ་པར། བདག་གིས་དེ་བཞིན་གཤེགས་པ་ལ་ལའི་ཞམ་རིང་དུ་ནི། བསྐལ་པ་
D44.037.0394a03.01བརྗོད་དུ་མེད་པའི་ཡང་བརྗོད་དུ་མེད་པར་ཚངས་པའི་སྤྱོད་པ་སྤྱད་དེ། བསྐལ་པ་བགྲང་བའི་ཚུལ་འདི་ཉིད་ཀྱིས། དེ་བཞིན་གཤེགས་པ་ཐམས་ཅད་ལས་ཆོས་བསྟན་པ་ཐོས་ཏེ། གདམས་ངག་དང་། རྗེས་སུ་བསྟན་པ་ཡང་དག་
D44.037.0394a04.01པར་བླངས་སོ། །སྨོན་ལམ་གྱི་རྒྱུན་ཡོངས་སུ་སྦྱངས་སོ། །ཡང་དག་པར་བསྒྲུབ་པའི་ཡུལ་ལ་ཞུགས་སོ། །སྤྱོད་པའི་དཀྱིལ་འཁོར་ཡོངས་སུ་སྦྱངས་སོ། །ཕ་རོལ་ཏུ་ཕྱིན་པ་རྒྱ་མཚོ་ཡོངས་སུ་རྫོགས་པར་བྱས་སོ། །
D44.037.0394a05.01མངོན་པར་རྫོགས་པར་འཚང་རྒྱ་བའི་རྣམ་པར་འཕྲུལ་པ། ཡོངས་སུ་ཤེས་པར་བྱས་སོ། །དེ་དག་གི་ཆོས་ཀྱི་འཁོར་ལོ་འཁོར་བ་ཕན་ཚུན་མ་འདྲེས་པ་དག་ཀྱང་ཡོངས་སུ་བཟུང་ངོ་། །དེ་དག་གི་སྟོབས་མཉམ་པ་ཉིད་ཀྱང་།
D44.037.0394a06.01ཁོང་དུ་ཆུད་པར་བྱས་སོ། །དེ་དག་གིས་བསྟན་པ་ཡང་དམ་པའི་ཆོས་ཟད་པའི་མཐར་ཐུག་གི་བར་དུ་ཡོངས་སུ་བཟུང་ངོ་། །ཁོ་བོས་དེ་བཞིན་གཤེགས་པ་དེ་དག་ཐམས་ཅད་ཀྱི་སྔོན་གྱི་སྨོན་ལམ་རྣམས་ཀྱང་སྨོན་ལམ་གྱི་དཀྱིལ་འཁོར་གྱི་ཏིང་ངེ་
D44.037.0394a07.01