完整藏文原文 · 德格版页 当前仅加载第 37 函德格 128a 版页；藏文 NFD、目录标记与异常页序保留在来源切片中，重复版页行以稳定序号区分。
དེ་བཞིན་གཤེགས་པའི་སྐུ་སེམས་ཅན་ཐམས་ཅད་སྙེད་དུ་འཇུག་པར་བྱའོ། །དེ་ཅིའི་ཕྱིར་ཞེ་ན། དེ་ནི་འདི་ལྟར་དེ་བཞིན་གཤེགས་པ་རྣམས་ཀྱི་མངོན་པར་རྫོགས་པར་བྱང་ཆུབ་པའི་སྐུ་དེ་དག་ནི་
D44.037.0128a01.01མི་འཇིག་པའི་ཚུལ་གྱིས། ཡོད་ནས་མ་སྐྱེས་པའི་ཕྱིར་རོ། །སྐྲའི་རྩེ་མོ་གཅིག་ལ་ཇི་ལྟར་ཁོང་དུ་ཆུད་པར་བྱ་བ་དེ་བཞིན་དུ། ཆོས་ཀྱི་དབྱིངས་མ་ལུས་པ་ཐམས་ཅད་དུའང་ཁོང་དུ་ཆུད་པར་བྱ་སྟེ། གནས་གང་ན་དེ་བཞིན་གཤེགས་
D44.037.0128a02.01པ་མི་བཞུགས་པ་དེ་ལྟ་བུ་ནི་གང་ཡང་མེད་པར་མོས་པར་བྱའོ། །དེ་ཅིའི་ཕྱིར་ཞེ་ན། དེ་ནི་དེ་བཞིན་གཤེགས་པ་རྣམས་ཀྱི་མངོན་པར་རྫོགས་པའི་བྱང་ཆུབ་ཀྱིས་ཐམས་ཅད་དུ་ཁྱབ་པའི་ཕྱིར་ཏེ། དེ་བས་ན་སྟོབས་དང་མཐུ་དང་ཉམས་ཀྱི་
D44.037.0128a03.01ཚུལ་ཇི་ལྟ་བ། དེ་བཞིན་དུ་དེ་བཞིན་གཤེགས་པ་རྣམས་ཀྱི་སྙིང་པོ་བྱང་ཆུབ་དང་། བྱང་ཆུབ་ཀྱི་ཤིང་དང་། གདན་སེང་གེའི་ཁྲི་དང་། མངོན་པར་རྫོགས་པའི་བྱང་ཆུབ་རྣམ་པ་ཐ་དད་པའང་དེ་བཞིན་གཤེགས་པའི་སྟོབས་ལ་
D44.037.0128a04.01འཇུག་པའི་ཚུལ་གྱིས་ཁོང་དུ་ཆུད་པར་བྱའོ། །ཀྱེ་རྒྱལ་བའི་སྲས་གཞན་ཡང་། བྱང་ཆུབ་སེམས་དཔའ་སེམས་དཔའ་ཆེན་པོས་རང་གི་སེམས་ཀྱི་ཚུལ་གྱིས། དེ་བཞིན་གཤེགས་པ་ཐམས་ཅད་ཀྱི་མངོན་པར་རྫོགས་པའི་བྱང་ཆུབ་ཁོང་
D44.037.0128a05.01དུ་ཆུད་པར་བྱའོ། །དེ་ཅིའི་ཕྱིར་ཞེ་ན། དེ་བཞིན་གཤེགས་པའི་མངོན་པར་རྫོགས་པའི་བྱང་ཆུབ་དང་། བྲལ་བའི་སེམས་དེ་ལྟ་བུ་གང་ཡང་མེད་དེ། རང་གི་སེམས་ཀྱིས་ཇི་ལྟ་བ་བཞིན་དུ་སེམས་ཅན་མ་ལུས་པ་ཐམས་ཅད་ཀྱི་སེམས་
D44.037.0128a06.01མང་པོ་འབྱམ་ཀླས་པ་རྣམས་ལས་ཀྱང་། དེ་བཞིན་གཤེགས་པ་རྣམས་ཀྱི་མངོན་པར་རྫོགས་པའི་བྱང་ཆུབ་ཁོང་དུ་ཆུད་པར་བྱ་སྟེ། ཀྱེ་རྒྱལ་བའི་སྲས་དེ་ལྟར་བྱང་ཆུབ་སེམས་དཔའ་སེམས་དཔའ་ཆེན་པོས་དེ་བཞིན་གཤེགས་པ་དགྲ་བཅོམ་
D44.037.0128a07.01