完整藏文原文 · 德格版页 当前仅加载第 37 函德格 176b 版页；藏文 NFD、目录标记与异常页序保留在来源切片中，重复版页行以稳定序号区分。
ཏུ་འགྱུར་བའི་ཕྱག་རྒྱ་གཉིས་པའོ། །ཀྱེ་རྒྱལ་བའི་སྲས་གཞན་ཡང་བྱང་ཆུབ་སེམས་དཔའ་སངས་རྒྱས་ཀྱི་ཆོས་ཟབ་མོ་ཐམས་ཅད་མཁྱེན་པ་ཉིད་དང་ལྡན་པ་བསྟན་པའི་ཚེ། ཁོང་ནས་ཤེས་པས་འཇུག་ཅིང་མོས་པ་དང་། ཡིད་ཆེས་པ་དང་། དགའ་བ་དང་
D44.037.0176b01.01མངོན་པར་དད་པར་འགྱུར་བ་འདི་ནི་བླ་ན་མེད་པ་ཡང་དག་པར་རྫོགས་པའི་བྱང་ཆུབ་ཏུ་འགྱུར་བའི་ཕྱག་རྒྱ་གསུམ་པའོ། །ཀྱེ་རྒྱལ་བའི་སྲས་གཞན་ཡང་བྱང་ཆུབ་སེམས་དཔའ་རང་གི་ཤེས་པས་བདག་ཤེས་པར་བྱེད་ཅིང་ཐམས་ཅད་མཁྱེན་པ་ཉིད་དུ་སེམས་བསྐྱེད་པ་
D44.037.0176b02.01ལྷག་པའི་བསམ་པས། སངས་རྒྱས་སུ་འགྱུར་བར་བྱའོ། །བླ་ན་མེད་པ་ཡང་དག་པར་རྫོགས་པའི་བྱང་ཆུབ་ཏུ། མངོན་པར་འཚང་རྒྱ་བར་བྱའོ། །དགའ་བ་དང་མོས་པ་དང་སྤྲོ་བ་ཆེན་པོས་བྱུང་བའི་སེམས་བསྐྱེད་པ་དང་།
D44.037.0176b03.01མོས་པ་ཆེན་པོའི་རྒྱུས། རྣམ་པར་འཕེལ་བའི་བརྩོན་འགྲུས་ཆེན་པོས་འགྲོ་བ་ལྔའི་རྒྱུད་དུ་འཁོར་ཞིང་ཉོན་མོངས་པའི་སེམས་ཅན་རྣམས་རབ་ཏུ་དགྲོལ་བར་བྱའོ། །སྙམ་པ་འདི་ནི་བླ་ན་མེད་པ་ཡང་དག་པར་རྫོགས་པའི་བྱང་ཆུབ་ཏུ་འགྱུར་བའི་ཕྱག་རྒྱ་བཞི་པའོ། །ཀྱེ་
D44.037.0176b04.01རྒྱལ་བའི་སྲས་གཞན་ཡང་བྱང་ཆུབ་སེམས་དཔའ་དེ་བཞིན་གཤེགས་པའི་ཡེ་ཤེས་མུ་མེད་པ་ལ་འཇུག་ཀྱང་དེ་བཞིན་གཤེགས་པའི་ཡེ་ཤེས་ལས་མཚམས་ཀྱིས་དཔོག་པ་མི་བྱེད་ཅིང་སངས་རྒྱས་བཅོམ་ལྡན་འདས་ཚད་མེད་པ་རྣམས་ལས་དེ་བཞིན་གཤེགས་པའི་
D44.037.0176b05.01ཡེ་ཤེས་ཀུན་ཏུ་མཐའ་ཡས་པ་ཐོས་ཤིང་ཚད་འཛིན་པར་མི་བྱེད་ཅིང་། ཡི་གེ་རྣམ་པར་དགོད་པ་ཐམས་ཅད་ཀྱིས་དེ་བཞིན་གཤེགས་པའི་ཡེ་ཤེས་ལ་ས་མཚམས་སུ་དཔོག་པར་མི་བྱེད་པ་འདི་ནི་བླ་ན་མེད་པ་ཡང་དག་པར་རྫོགས་པའི་བྱང་ཆུབ་ཏུ་འགྱུར་བའི་ཕྱག་རྒྱ་ལྔ་
D44.037.0176b06.01པའོ། །ཀྱེ་རྒྱལ་བའི་སྲས་གཞན་ཡང་བྱང་ཆུབ་སེམས་དཔའ་བླ་ན་མེད་པ་ཡང་དག་པར་རྫོགས་པའི་བྱང་ཆུབ་ཏུ་ཤིན་ཏུ་མོས་པ་ཡིན་ཏེ། མོས་པ་གཞན་གྱིས་མི་ཐུབ་པ་དང་མོས་པ་ཟབ་པ་དང་། མོས་པ་ཡངས་པ་དང་། མོས་པ་ཆེ་བ་དང་། མོས་པ་
D44.037.0176b07.01