完整藏文原文 · 德格版页 当前仅加载第 37 函德格 348a 版页；藏文 NFD、目录标记与异常页序保留在来源切片中，重复版页行以稳定序号区分。
སེམས་ཅན་འདུལ་བ་གང་དང་གང་གི་དོན་དུ་དེ་བཞིན་གཤེགས་པ་གང་དང་གང་མཐོང་བར་འདོད་པའི་དེ་བཞིན་གཤེགས་པ་དེ་དང་དེ་དག་ཀྱང་མཐོང་སྟེ། དེ་བཞིན་གཤེགས་པ་དེ་དག་ཀྱང་འདིར་གཤེགས་པ་མ་ཡིན། བདག་ཀྱང་དེར་ཕྱིན་
D44.037.0348a01.01པ་མ་ཡིན་ནོ། །རིགས་ཀྱི་བུ་དེ་ལྟར་ཁོ་བོས་དེ་བཞིན་གཤེགས་པ་རྣམས་ག་ལས་ཀྱང་བྱོན་པ་མེད་པར་ཤེས་ལ། རང་གི་ལུས་ཀྱང་གར་ཡང་འགྲོ་བ་མེད་པར་ཤེས་པ་དང་། དེ་བཞིན་གཤེགས་པ་རྣམས་རྣམ་པར་{དམྱིགས་,དམིགས་}པ་ཡང་རྨི་ལམ་ལྟ་
D44.037.0348a02.01བུར་ཤེས་ལ། རང་གི་སེམས་རྣམ་པར་དམིགས་པ་ཡང་རྨི་ལམ་དང་འདྲ་བར་རྒྱུ་བར་ཤེས་པ་དང་། དེ་བཞིན་གཤེགས་པ་རྣམས་རྣམ་པར་{དམྱིགས་,དམིགས་}པ་ཡང་གཟུགས་བརྙན་ལྟ་བུར་ཤེས་ལ་རང་གི་སེམས་རྣམ་པར་{དམྱིགས་,དམིགས་}པ་ཡང་ཆུའི་སྣོད་གསལ་
D44.037.0348a03.01བ་ལྟ་བུར་ཤེས་པ་དང་། དེ་བཞིན་གཤེགས་པ་རྣམས་རྣམ་པར་དམིགས་པ་ཡང་སྒྱུ་མས་བྱས་པའི་གཟུགས་བརྙན་ལྟ་བུར་ཤེས་ལ་རང་གི་སེམས་རྣམ་པར་{དམྱིགས་,དམིགས་}པ་ཡང་སྒྱུ་མ་ལྟ་བུར་ཤེས་པ་དང་། དེ་བཞིན་གཤེགས་པའི་གསུང་ཡང་སྒྲ་བརྙན་
D44.037.0348a04.01རིའི་བྲག་ཆ་ལྟ་བུར་བརྗོད་པར་ཤེས་ལ་རང་གི་སེམས་རྣམ་པར་{དམྱིགས་,དམིགས་}པ་ཡང་སྒྲ་བརྙན་ལྟ་བུར་ཤེས་པས་བྱང་ཆུབ་སེམས་དཔའ་རྣམས་ཀྱི་སངས་རྒྱས་ཀྱི་ཆོས་ཐམས་ཅད་ནི་རང་གི་སེམས་ཀྱི་བྱིན་གྱི་རླབས་ལས་འབྱུང་ངོ་། །ཞེས་བྱ་བར་རྗེས་སུ་རྟོགས་
D44.037.0348a05.01ཤིང་ཁོང་དུ་ཆུད་དོ། །སངས་རྒྱས་ཀྱི་ཞིང་ཡོངས་སུ་དག་པ་ཐམས་ཅད་ཀྱང་རང་གི་སེམས་ཀྱི་བྱིན་གྱི་རླབས་སོ། །བྱང་ཆུབ་སེམས་དཔའི་སྤྱོད་པ་ཡང་རང་གི་སེམས་ཀྱི་བྱིན་གྱི་རླབས་སོ། །སེམས་ཅན་ཐམས་ཅད་ཡོངས་སུ་སྨིན་པར་བྱ་
D44.037.0348a06.01བ་དང་། གདུལ་བ་ཡང་རང་གི་སེམས་ཀྱི་བྱིན་གྱི་རླབས་སོ། །བྱང་ཆུབ་སེམས་དཔའི་སྨོན་ལམ་མངོན་པར་བསྒྲུབ་པ་ཡང་རང་གི་སེམས་ཀྱི་བྱིན་གྱི་རླབས་སོ། །ཐམས་ཅད་མཁྱེན་པ་ཉིད་ཀྱི་གྲོང་ཁྱེར་དུ་ཕྱིན་པར་བྱ་བ་ཡང་རང་གི་སེམས་ཀྱི་
D44.037.0348a07.01