完整藏文原文 · 德格版页 当前仅加载第 37 函德格 188a 版页；藏文 NFD、目录标记与异常页序保留在来源切片中，重复版页行以稳定序号区分。
རྣམ་པར་འབྱེད་དེ་ཤེས་པར་ཡང་བྱེད་ལ་ཐབས་མཁས་པས་མྱ་ངན་ལས་འདས་པ་ཡང་ཡོངས་སུ་སྟོན་ཏེ། དེ་ཡང་ཕྱིན་ཅི་ལོག་མེད་པ་དང་ནོར་བ་མེད་པར་རབ་ཏུ་ཤེས་ཏེ། བྱང་ཆུབ་སེམས་དཔའ་དེས་དེ་བཞིན་ཉིད་མི་གཡོ་
D44.037.0188a01.01བའི་ཕྱིར་ཆོས་ཐམས་ཅད་དུས་གསུམ་མཉམ་པ་ཉིད་ལ་གནས་ཤིང་ཡང་དག་པའི་མཐའ་ལ་རབ་ཏུ་རྟེན་པར་ཡང་ཡང་དག་པར་ཤེས་ཏེ། སེམས་ཅན་གང་དུལ་བ་འམ་གདུལ་བ་འམ་འདུལ་བར་འགྱུར་བ་དེ་ལྟ་བུའི་སེམས་ཅན་གང་ཡང་རྗེས་སུ་མི་མཐོང་ལ།
D44.037.0188a02.01བྱུང་རྒྱལ་དུ་བདག་གིས་བསྐྱེད་དོ་སྙམ་དུ་འང་མི་སེམས་ཏེ། ཆོས་གང་སྐྱེ་བ་འམ་འགག་པར་འགྱུར་བ་དེ་ལྟ་བུ་འང་མི་དམིགས་ཏེ། ཆོས་ཐམས་ཅད་ལ་མི་གནས་པས་དོན་ཡོད་པར་འགྱུར་བ་འདི་ནི་བྱང་ཆུབ་སེམས་དཔའ་རྣམས་ཀྱི་བླ་ན་མེད་པ་ཡང་
D44.037.0188a03.01དག་པར་རྫོགས་པའི་བྱང་ཆུབ་ཏུ་རྣམ་པར་སྤྱོད་པ་རིན་པོ་ཆེ་ལྟ་བུ་དག་པའོ། །ཀྱེ་རྒྱལ་བའི་སྲས་གཞན་ཡང་བྱང་ཆུབ་སེམས་དཔའ་ནི་སངས་རྒྱས་བཅོམ་ལྡན་འདས་བསམ་གྱིས་མི་ཁྱབ་པའི་དེ་བཞིན་གཤེགས་པ་རེ་རེ་ལས་ཀྱང་རྣམ་པ་ཐ་དད་
D44.037.0188a04.01དུ་བགྲང་བའི་ཚུལ་གྱིས་བསྐལ་པ་བགྲང་བ་སྣ་ཚོགས་མིང་ཐ་དད་པ་གཞན་དང་གཞན་བསྐལ་པ་དེ་དང་དེ་དག་ཏུ་གདགས་པའི་བསྐལ་པ་གཅིག་བཟུང་བ་ནས་བརྗོད་དུ་མེད་པ་ཤིན་ཏུ་བསྟན་པའི་བར་དུ་ལུང་བསྟན་པ་ཉན་ཅིང་། ལུང་བསྟན་པ་དེ་དག་ཐོས་ནས་
D44.037.0188a05.01ཀྱང་བྱང་ཆུབ་སེམས་དཔའི་སྤྱོད་པ་དང་དེ་བཞིན་གཤེགས་པའི་ཡེ་ཤེས་བསམ་གྱིས་མི་ཁྱབ་པ་ལ་འཁོར་བ་མེད་ཅིང་མགོ་རྨོངས་པ་མེད་ལ་ལུང་བསྟན་པ་དེ་དག་རྣམ་པ་དེ་ལྟ་བུར་ཐོས་ནས་ཀྱང་དེ་བཞིན་གཤེགས་པ་གཉིས་སུ་མི་གསུང་བ་དང་བདག་ཉིད་ཀྱི་
D44.037.0188a06.01སྤྱོད་པའི་མཐུ་དང་སྨོན་ལམ་གྱི་ཁྱད་པར་གྱིས་སེམས་ཅན་ཇི་ལྟར་སྨིན་པར་བྱས་པ་རྣམས་ཀྱི་སྨོན་ལམ་དེ་དག་ཐམས་ཅད་ཆོས་ཀྱི་དབྱིངས་ཁོང་དུ་ཆུད་པས་བླ་ན་མེད་པ་ཡང་དག་པར་རྫོགས་པའི་བྱང་ཆུབ་ཏུ་ཡོངས་སུ་རྫོགས་པར་བྱེད་པ་འདི་ནི་བྱང་ཆུབ་སེམས་
D44.037.0188a07.01