完整藏文原文 · 德格版页 当前仅加载第 37 函德格 350b 版页；藏文 NFD、目录标记与异常页序保留在来源切片中，重复版页行以稳定序号区分。
སྟི་དང་། རིམ་གྲོ་སྣ་ཚོགས་བྱེད་པ་འཇིག་རྟེན་གྱི་ཁམས་ཐམས་ཅད་དུ་གཏོགས་པའི་ཚོང་དཔོན་དང་འདྲ་བའི་གཟུགས་དང་ལྡན་པ་ལྷག་པའི་ཡུལ་ལ་སྤྱོད་པ། རྒྱན་སྣ་ཚོགས་ཀྱིས་ལུས་ཤིན་ཏུ་ཀླུབས་པ། ཐོར་ཚུགས་དང་གཙུག་གི་རིན་པོ་ཆེ་དང་།
D44.037.0350b01.01ཅོད་པན་སྣ་ཚོགས་ཐོགས་པ་སངས་རྒྱས་ཀྱི་ཞིང་གྲངས་མེད་པའི་རྡུལ་ཤིན་ཏུ་ཕྲ་བ་སྙེད་བྱིས་པ་བྱེ་བ་འཕྱེས་པའི་འཁོར་དང་ལྡན་པ་བྱུང་བ་མཐོང་ངོ་། །བྲམ་ཟེ་དང་ཁྱིམ་བདག་མང་པོའི་བཟའ་བཏུང་རྣམ་པ་མང་པོ་དང་། རོའི་ཡན་ལག་སྣ་ཚོགས་སུ་སྦྱར་བ་
D44.037.0350b02.01ཐམས་ཅད་དང་། རྒྱན་ཐམས་ཅད་དང་། གོས་ཐམས་ཅད་དང་། མེ་ཏོག་ཐམས་ཅད་དང་། ཕྲེང་བ་ཐམས་ཅད་དང་། སྤོས་ཐམས་ཅད་དང་། བྱུག་པ་ཐམས་ཅད་དང་། འདོད་པའི་ཡོད་བྱད་ཐམས་ཅད་དང་། རིན་པོ་ཆེ་ཐམས་ཅད་དང་། གནས་ཐམས་
D44.037.0350b03.01ཅད་དང་། སྣོད་རྣམ་པ་སྣ་ཚོགས་ཐམས་ཅད་དང་། ཡོ་བྱད་རྣམ་པ་སྣ་ཚོགས་ཐམས་ཅད་ཀྱིས་སེམས་ཅན་དབུལ་པོ་རྣམས་ཡོངས་སུ་སྡུད་ཅིང་། འགྲོ་བ་སྡུག་བསྔལ་བ་རྣམས་དབུགས་དབྱུང་བ་དང་། སེམས་ཅན་གྱི་སེམས་ཚིམ་པར་བྱ་བ་དང་།
D44.037.0350b04.01སེམས་ཅན་གྱི་བསམ་པ་རྣམ་པར་དག་པར་བྱ་བ་དང་། སེམས་ཅན་རྣམས་བྱང་ཆུབ་ཏུ་ཡོངས་སུ་སྨིན་པར་བྱེད་ཅིང་ཕྱོགས་བཅུ་བཀང་སྟེ། འདོང་བ་མཐོང་ངོ་། །པུས་མོའི་ལྷ་ང་གཉིས་ན་རྒྱལ་རིགས་མཁས་པའི་གཟུགས་དང་། བྲམ་ཟེ་མཁས་
D44.037.0350b05.01པའི་གཟུགས་དང་། འཇིག་རྟེན་ན་མཁས་པའི་གཟུགས་དང་། བཟོ་སྣ་ཚོགས་ལ་མཁས་པའི་གཟུགས་དང་། མིའི་འགྲོ་བའི་རྒྱུད་ན་མཁས་པའི་གཟུགས་དང་། འཇིག་རྟེན་པ་དང་། འཇིག་རྟེན་ལས་འདས་པའི་ལས་ཀྱི་ཚུལ་དང་། རྒྱུས་ལ་གསལ་
D44.037.0350b06.01ཞིང་མཁས་པའི་གཟུགས་དང་། འཇིག་རྟེན་གྱི་སློབ་དཔོན་དུ་བྱ་བར་མཁས་པའི་གཟུགས་ཆ་བྱད་རྣམ་པ་དུ་མ་དང་ལྡན་པ། དབྱིབས་དང་རྒྱན་རྣམ་པ་དུ་མ་དང་ལྡན་པ། ཡིད་དུ་འོང་བའི་ཚིག་མང་པོ་བརྗོད་པས། ཡིད་མི་བདེ་བའི་སེམས་ཅན་རབ་ཏུ་
D44.037.0350b07.01