完整藏文原文 · 德格版页 当前仅加载第 37 函德格 344a 版页；藏文 NFD、目录标记与异常页序保留在来源切片中，重复版页行以稳定序号区分。
བསམ་པ་དེ་ལྟ་བུ་དང་ཡིད་ལ་སྨོན་པ་དེ་ལྟ་བུ་དང་། མངོན་པར་དགའ་བ་དེ་ལྟ་བུ་དང་། སེམས་པ་དེ་ལྟ་བུ་དང་། གདོན་མི་འཚལ་བར་བསྒྲུབ་པར་བསམ་པ་དེ་ལྟ་བུ་དང་། །སྤྱོད་ཡུལ་མངོན་དུ་བགྱི་བ་དེ་ལྟ་བུ་དང་། ཚུལ་
D44.037.0344a01.01ཁོང་དུ་ཆུད་པར་བགྱི་བ་ལ་མོས་པ་དེ་ལྟ་བུ་དང་། རྣམ་པར་དག་པ་ལ་གཞོལ་བ་དེ་ལྟ་བུ་དང་། རྣམ་པར་དཔྱོད་པའི་བསམ་པ་དེ་ལྟ་བུ་དང་། རབ་ཏུ་གཞོལ་བའི་སེམས་དེ་ལྟ་བུ་དང་། དགེ་བའི་སྦྱོར་བ་དེ་ལྟ་བུ་དང་། མངོན་དུ་འགྱུར་བའི་དབང་པོ་དེ་ལྟ་བུས་བདག་
D44.037.0344a02.01འདིར་མཆིས་ཏེ། འཕགས་པ་ནི་བྱང་ཆུབ་སེམས་དཔའ་རྣམས་ལ་གདམས་ངག་དང་། རྗེས་སུ་སྟོན་པ་མཛད་ཅིང་ཚུལ་ནི་ཉེ་བར་སྟོན་པ་མཛད། རྟོགས་པར་བགྱི་བ་ནི་སྣང་བར་མཛད། ལམ་ནི་བསྟན་པར་མཛད། མུ་སྟེགས་ལ་ནི་འཇོག་པར་མཛད།
D44.037.0344a03.01ཆོས་ཀྱི་སྒོ་ནི་རྣམ་པར་འབྱེད་པ་མཛད། ཐེ་ཙོམ་ནི་ཡོངས་སུ་གཅོད་པར་མཛད། ནེམ་ནུར་ནི་སེལ་བར་མཛད། ཡིད་གཉིས་ཀྱི་ཟུག་རྔུ་ནི་འབྱིན་པར་མཛད། དོགས་པའི་དྲི་མ་ནི་སྦྱོང་བར་མཛད། སེམས་ཀྱི་ཐིབས་པོ་ནི་སྣང་བར་མཛད། སེམས་ཀྱི་དྲི་མ་ནི་
D44.037.0344a04.01ཡོངས་སུ་སེལ་བར་མཛད། སེམས་ཀྱི་རྒྱུད་ནི་རབ་ཏུ་དང་བར་མཛད། སེམས་ཀྱི་གཡོ་སྒྱུ་ནི་ཡོངས་སུ་སེལ་བར་མཛད། སེམས་ཀྱི་གདུང་བ་ནི་ཡོངས་སུ་སིམ་པར་མཛད། འཁོར་བ་ལས་ནི་སེམས་རྣམ་པར་བཟློག་པར་མཛད། མི་དགེ་བའི་ལས་ནི་ཕྱིར་བཟློག་
D44.037.0344a05.01པར་མཛད། སེམས་ཅན་དམྱལ་བ་ལས་ནི་ལྡོག་པར་མཛད། གནས་དང་ནི་དབྲལ་བར་མཛད། མངོན་པར་ཞེན་པ་ལས་ནི་གྱེན་དུ་བསྐྱོད་པ་མཛད། ཆགས་པ་ཐམས་ཅད་ལས་ནི་ཡོངས་སུ་འགྲེལ་བ་མཛད། ཐམས་ཅད་མཁྱེན་པ་ཉིད་དུ་ནི་བསྒྲུབ་པ་མཛད། ཆོས་ཀྱི་གྲོང་ཁྱེར་དུ་འཇུག་པར་བགྱི་བའི་
D44.037.0344a06.01གླད་དུ་ནི་མངོན་དུ་གྱུར་པར་མཛད། སྙིང་རྗེ་ཆེན་པོ་ལ་ནི་རབ་ཏུ་བསྒྲུབ་པ་མཛད། བྱམས་པ་ཆེན་པོ་ལ་ནི་རབ་ཏུ་གཞོག་པ་མཛད། བྱང་ཆུབ་སེམས་དཔའི་སྤྱོད་པ་ལ་ནི་རབ་ཏུ་སྦྱོར་བ་མཛད། ཏིང་ངེ་འཛིན་གྱི་སྒོ་བསྒོམ་པ་ལ་ནི་འཛུད་པ་མཛད། རྟོགས་པར་འགྱུར་བའི་སྒོ་ལ་ནི་
D44.037.0344a07.01