完整藏文原文 · 德格版页 当前仅加载第 37 函德格 134b 版页；藏文 NFD、目录标记与异常页序保留在来源切片中，重复版页行以稳定序号区分。
དཔའ་ཆེན་པོས་དེ་བཞིན་གཤེགས་པ་དགྲ་བཅོམ་པ་ཡང་དག་པར་རྫོགས་པའི་སངས་རྒྱས་རྣམས་ཀྱི། ཡོངས་སུ་མྱ་ངན་ལས་འདའ་བ་ཚད་མེད་པའི་རྗེས་སུ་སོང་བ་ཆགས་པ་མེད་པའི་མཐར་ཐུག་པ། ཆོས་ཀྱི་དབྱིངས་ལྟར་མཐའ་དང་དབུས་
D44.037.0134b01.01མེད་པ་ནམ་མཁའི་དབྱིངས་ཀྱི་རང་བཞིན་ཅན། དེ་བཞིན་ཉིད་ཀྱིས་མི་སྐྱེ་མི་འགག་པ་ཡང་དག་པའི་མཐའ་ལ་གནས་པ། དུས་བཞིན་དུ་རབ་ཏུ་སྟོན་པ། འགྲོ་བ་ཐམས་ཅད་དུ་རྒྱུན་མི་འཆད་པ། སྔོན་གྱི་བྱིན་གྱི་རླབས་ཀྱིས་ཤིན་
D44.037.0134b02.01ཏུ་བྱིན་གྱིས་བརླབས་པ། འགྲོ་བའི་ཞིང་ཐམས་ཅད་དང་། ཆོས་ཀྱི་དབྱིངས་འབྱམ་ཀླས་པ་ཐམས་ཅད་ལས་མི་འདའ་བ་ཁོང་དུ་ཆུད་པར་བྱའོ། །དེ་ནས་བྱང་ཆུབ་སེམས་དཔའ་སེམས་དཔའ་ཆེན་པོ་ཀུན་ཏུ་བཟང་པོས་དོན་འདི་ཉིད་ཡང་བརྟག་པར་
D44.037.0134b03.01བྱ་བའི་ཕྱིར། །དེའི་ཚེ་ཚིགས་སུ་བཅད་པ་འདི་དག་སྨྲས་སོ། །ཉི་མའི་དཀྱིལ་འཁོར་ཆོས་དབྱིངས་ཚད་དང་མཉམ་པ་ནི། །སྣོད་དུ་གཟུགས་བརྙན་སྣང་སྟེ་ཆག་ལ་སྣང་བ་མིན། །དེ་ལྟར་མི་མཆོག་དབང་པོ་འཇིག་རྟེན་ཀུན་ཏུ་སྣང་། །སེམས་ཅན་དད་
D44.037.0134b04.01མེད་རྣམས་ཀྱིས་མྱ་ངན་འདས་པར་ཤེས། །མེ་ནི་འཇིག་རྟེན་ཀུན་ན་དགོས་པའི་དོན་བསྒྲུབ་སྟེ། །ཤིང་དང་མི་ལྡན་དེ་དང་དེ་ནས་ཞི་བར་འགྱུར། །དེ་བཞིན་རྒྱལ་བའི་མེ་འབར་གཟི་བརྗིད་ཆེ་མངའ་བ། །འདུལ་བ་མེད་པས་ཡོངས་སུ་མྱ་ངན་འདའ་
D44.037.0134b05.01བ་སྟོན། །སྒྱུ་མའི་མཁན་པོ་སྟོང་གསུམ་ཁམས་སུ་ལུས་སྟོན་པ། །དགོས་པའི་མཐར་ཕྱིན་བདག་གི་ལུས་ཀྱང་མི་སྣང་བྱེད། །ཞིང་རྣམས་གང་དུ་སངས་རྒྱས་ཕྲིན་ལས་རྫོགས་གྱུར་བ། །དེ་ནི་རྒྱལ་བ་མི་སྣང་འོན་ཀྱང་གུད་ན་སྣང་། །རྒྱལ་བའི་ཏིང་འཛིན་
D44.037.0134b06.01མི་གཡོ་ཐོབ་ཅེས་བྱ་བ་ཡོད། །རྒྱལ་བའི་ཕྲིན་ལས་རྫོགས་ནས་དེ་ལ་སྙོམས་པར་འཇུག །འབྱམ་ཀླས་སྐུ་རྣམས་གཅིག་ལས་ཚད་མེད་མཐའ་ཡས་པའི། །འོད་ཟེར་པད་མོ་སངས་རྒྱས་སྐད་ཅིག་གཅིག་གིས་འབྱུང་། །རྒྱལ་བ་དེ་དག་ཆོས་དབྱིངས་ཀུན་ཏུ་རྒྱས་
D44.037.0134b07.01