完整藏文原文 · 德格版页 当前仅加载第 37 函德格 273b 版页；藏文 NFD、目录标记与异常页序保留在来源切片中，重复版页行以稳定序号区分。
གི་རྒྱན་རྣམས་ཇི་སྙེད་རྣམ་པ་ཐ་དད་བསྟན་པ་དག །ཀུན་ཀྱང་བ་སྤུ་གཅིག་གི་བུ་གར་ཁྱུ་མཆོག་དེ་དག་ཡང་དག་རབ་ཏུ་སྟོན། །མཁས་པ་བ་སྤུའི་བུ་གར་རྒྱ་མཚོའི་ཆུ་རྣམས་མ་ལུས་ཁོང་ཆུད་རབ་སྟོན་ཀྱང་། །འཕེལ་ཞིང་འགྲིབ་{མྱེད་,མེད་}འགྲོ་བ་དག་ལ་གནོད་པར་འགྱུར་{མྱེད་,མེད་}བྱ་
D44.037.0273b01.01བ་དེ་ཡང་སྟོན། །ཁོར་ཡུག་ཁྲག་ཁྲིག་ཤིན་ཏུ་ཕྲ་བའི་རྡུལ་བྱས་ལག་གིས་བསྡུས་ཁྱེར་ཞིང་། །ཞིང་རྣམས་ཁྲག་ཁྲིག་བྱེ་མ་སྙེད་དུ་འདོར་བྱེད་གཅིག་ཏུ་གཉིས་ཀྱང་གཞོག་མི་བྱེད། །ཞིང་རྣམས་དེ་དག་རྡུལ་དུ་བྱས་ཏེ་དེ་བཞིན་གཞན་ཡང་རྣམ་པར་འཇིག་བྱེད་
D44.037.0273b02.01དེ། །དེ་འདྲའི་རྗེས་སུ་དཔག་པ་ཟད་པར་གྱུར་ཀྱང་འཇུག་པ་དེ་དག་མི་ཟད་དོ། །འཇིག་རྟེན་ཀུན་གྱི་ཉི་མ་ཟླ་བ་སྐར་མ་གང་དག་སྟོང་རྣམས་ཇི་སྙེད་དང་། །གང་ཡང་ནོར་བུའི་འོད་དང་{མྱེ་,མེ་}ཡི་འོད་དང་གང་ན་གང་རྣམས་ལྷ་དབང་འོད། །མང་པོ་དེ་དག་རབ་ཏུ་འདས་
D44.037.0273b03.01པའི་འོད་ཟེར་ཁྲག་ཁྲིག་སྤུ་གཅིག་ཁུང་ནས་འགྱེད། །འཇིག་རྟེན་ཀུན་གྱི་ངན་སོང་སྡུག་བསྔལ་ཞི་བར་བྱེད་ཅིང་ཆོས་ཀྱི་དམ་པ་སྟོན། །འགྲོ་བ་མ་ལུས་སྒྲ་ཡི་རྣམ་པ་སྣ་ཚོགས་སྐད་རྣམས་ཐམས་ཅད་ཇི་སྙེད་པ། །ཁྱུ་མཆོག་དེ་དག་ཚིག་གཅིག་རབ་ཏུ་
D44.037.0273b04.01བརྗོད་པས་སྒྲ་རྣམས་ཐམས་ཅད་ཚང་བར་བརྗོད། །སྲོག་ཆགས་བྱེ་བ་རྣམས་ཀྱིས་ཡིད་དུ་འོང་བའི་སྒྲ་ཐོས་དགའ་ཞིང་མགུ་བར་འགྱུར། །རྒྱལ་བས་བསྟན་པའི་ཆོས་ཀྱི་རྣམ་པ་ཇི་སྙེད་ཐམས་ཅད་དེ་ལས་ཐོས་པར་འགྱུར། །གང་ཡང་ཇི་སྙེད་འདས་པའི་
D44.037.0273b05.01བསྐལ་པ་ཡོད་པ་དེ་དག་མ་འོངས་བསྐལ་པར་སྟོན། །གང་ཡང་མ་འོངས་པ་དང་ད་ལྟར་བྱུང་བ་ཇི་སྙེད་དེ་དག་འདས་པར་སྟོན། །ཁྱུ་མཆོག་དག་ནི་ཞིང་རྣམས་འཚིག་དང་གནས་པ་རྣམ་པ་ཐ་དད་སྟོན་པར་བྱེད། །འགྲོ་བ་ཇི་སྙེད་ཐམས་ཅད་མཁས་པ་དེ་དག་སྐྲ་རྩེ་གཅིག་
D44.037.0273b06.01ལ་རབ་ཏུ་འགོད། །འདས་དང་མ་བྱོན་པ་དང་ཕྱོགས་བཅུ་ཀུན་ན་བཞུགས་པའི་རྒྱལ་བ་ཇི་སྙེད་པ། །དེ་དག་ཐམས་ཅད་རང་གི་ལུས་ལས་མ་ནོར་དབང་བསྒྱུར་རྣམ་པར་འཕྲུལ་བ་སྟོན། །སྤྲུལ་པའི་བྱིན་གྱི་རླབས་ལ་ཤེས་པའི་མཁས་པ་དེ་དག་འགྲོ་བ་ཇི་སྙེད་སེམས། །
D44.037.0273b07.01