完整藏文原文 · 德格版页 当前仅加载第 37 函德格 339b 版页；藏文 NFD、目录标记与异常页序保留在来源切片中，重复版页行以稳定序号区分。
ཕ་དང་མ་ལྟ་བུའོ། །བྱང་ཆུབ་སེམས་དཔའ་རྣམས་ནི་ལྷ་དང་བཅས་པའི་འཇིག་རྟེན་གྱི་རྒྱན་ཏུ་གྱུར་པའོ། །བྱང་ཆུབ་སེམས་དཔའ་རྣམས་ནི་སྡུག་བསྔལ་གྱིས་མནར་བ་རྣམས་ལ་སྐྱབས་སུ་གྱུར་པའོ། །བྱང་ཆུབ་སེམས་དཔའ་རྣམས་ནི་འགྲོ་བ་
D44.037.0339b01.01ཐམས་ཅད་ཡོངས་སུ་བསྲུང་བའི་ཕྱིར་གནས་སུ་གྱུར་པའོ། །བྱང་ཆུབ་སེམས་དཔའ་རྣམས་ནི་འཇིགས་པ་སྣ་ཚོགས་ཀྱིས་གཙེས་པ་རྣམས་ལ་དཔུང་གཉེན་དུ་གྱུར་པའོ། །བྱང་ཆུབ་སེམས་དཔའ་རྣམས་ནི་འགྲོ་བ་ཐམས་ཅད་ངན་སོང་གསུམ་དུ་ལྟུང་བ་ལས་
D44.037.0339b02.01ཡོངས་སུ་རྟོན་པའི་ཕྱིར་རླུང་གི་དཀྱིལ་འཁོར་ལྟ་བུའོ། །བྱང་ཆུབ་སེམས་དཔའ་རྣམས་ནི་སེམས་ཅན་ཐམས་ཅད་ཀྱི་དགེ་བའི་རྩ་བ་རྣམ་པར་འཕེལ་བར་བྱེད་པས་ས་ལྟ་བུའོ། །བྱང་ཆུབ་སེམས་དཔའ་རྣམས་ནི་བསོད་ནམས་རིན་པོ་ཆེའི་མཛོད་མི་ཟད་པའི་གཏོས་
D44.037.0339b03.01དང་ལྡན་པས་རྒྱ་མཚོ་ལྟ་བུའོ། །བྱང་ཆུབ་སེམས་དཔའ་རྣམས་ནི་ཡེ་ཤེས་ཀྱི་འོད་ཀྱིས་སྣང་བར་བྱེད་པའི་ཕྱིར་ཉི་མ་ལྟ་བུའོ། །བྱང་ཆུབ་སེམས་དཔའ་རྣམས་ནི་དགེ་བའི་རྩ་བས་ཤིན་ཏུ་མཐོ་བས་རི་རབ་ལྟ་བུའོ། །བྱང་ཆུབ་སེམས་དཔའ་རྣམས་ནི་སྙིང་པོ་བྱང་
D44.037.0339b04.01ཆུབ་ཏུ་ཡེ་ཤེས་ཀྱི་ཟླ་བ་འཆར་བར་འགྱུར་བའི་ཕྱིར་ཟླ་བ་ལྟ་བུའོ། །བྱང་ཆུབ་སེམས་དཔའ་རྣམས་ནི་བདུད་ཀྱི་སྡེ་ཐམས་ཅད་རབ་ཏུ་འཇོམས་པས་དཔའ་བོར་གྱུར་པའོ། །བྱང་ཆུབ་སེམས་དཔའ་རྣམས་ནི་རང་བྱུང་གི་ཆོས་ཀྱི་གྲོང་ཁྱེར་དུ་ཕྱིན་པར་བྱེད་པས་རྟུལ་
D44.037.0339b05.01ཕོད་པ་ལྟ་བུའོ། །བྱང་ཆུབ་སེམས་དཔའ་རྣམས་ནི་སེམས་ཅན་ཐམས་ཅད་ཀྱི་བག་ལ་བྱམས་པའི་རླན་ཡོངས་སུ་སྐེམ་པས་མེ་ལྟ་བུའོ། །བྱང་ཆུབ་སེམས་དཔའ་རྣམས་ནི་ཆོས་ཀྱི་སྤྲིན་རྒྱ་ཆེན་པོའི་ཆར་མངོན་པར་འབེབས་པས་སྤྲིན་ལྟ་བུའོ། །བྱང་ཆུབ་སེམས་
D44.037.0339b06.01དཔའ་རྣམས་ནི་སེམས་ཅན་གྱི་དབང་པོ་དད་པ་ལ་{སྩོགས་,སོགས་}པའི་མྱུ་གུ་རྣམ་པར་འཕེལ་བར་བྱེད་པས་ཆར་པ་ལྟ་བུའོ། །བྱང་ཆུབ་སེམས་དཔའ་རྣམས་ནི་ཆོས་རྒྱ་མཚོའི་འགྲམ་ཡོངས་སུ་སྟོན་པས་མཉན་པ་ལྟ་བུའོ། །བྱང་ཆུབ་སེམས་དཔའ་རྣམས་ནི་
D44.037.0339b07.01