完整藏文原文 · 德格版页 当前仅加载第 37 函德格 117a 版页；藏文 NFD、目录标记与异常页序保留在来源切片中，重复版页行以稳定序号区分。
འཇིག་རྟེན་གྱི་ཁམས་བྲིས། རྒྱ་མཚོ་ཆེན་པོའི་ཚད་དུ་ནི་རྒྱ་མཚོ་ཆེན་པོ་བྲིས། འཛམ་བུའི་གླིང་གི་ཚད་དུ་ནི་འཛམ་བུའི་གླིང་བྲིས། ཤར་གྱི་ལུས་འཕགས་ཀྱི་གླིང་གི་ཚད་དུ་ནི་ཤར་གྱི་ལུས་འཕགས་ཀྱི་གླིང་བྲིས། ནུབ་ཀྱི་བན་ལང་
D44.037.0117a01.01སྤྱོད་ཀྱི་གླིང་གི་ཚད་དུ་ནི་ནུབ་ཀྱི་བན་ལང་སྤྱོད་ཀྱི་གླིང་བྲིས། བྱང་གི་སྒྲ་མི་སྙན་གྱི་གླིང་གི་ཚད་དུ་ནི་བྱང་གི་སྒྲ་མི་སྙན་གྱི་གླིང་བྲིས། རི་རབ་ཀྱི་ཚད་དུ་ནི་རི་རབ་བྲིས། ས་བླ་ན་སྤྱོད་པའི་ལྷའི་གཞལ་མེད་ཁང་གི་ཚད་དུ་ནི་ས་བླ་ན་སྤྱོད་པའི་ལྷའི་གཞལ་མེད་ཁང་རྣམས་
D44.037.0117a02.01བྲིས། འདོད་པ་ལ་སྤྱོད་པའི་ལྷའི་གཞལ་མེད་ཁང་གི་ཚད་དུ་ནི་འདོད་པ་ལ་སྤྱོད་པའི་ལྷའི་གཞལ་མེད་ཁང་རྣམས་བྲིས། གཟུགས་ལ་སྤྱོད་པའི་ལྷའི་གཞལ་མེད་ཁང་གི་ཚད་དུ་ནི་གཟུགས་ལ་སྤྱོད་པའི་ལྷའི་གཞལ་མེད་ཁང་རྣམས་བྲིས། གཟུགས་མེད་པ་
D44.037.0117a03.01ལ་སྤྱོད་པའི་ལྷའི་གཞལ་མེད་ཁང་གི་ཚད་དུ་ནི་གཟུགས་མེད་པ་ལ་སྤྱོད་པའི་ལྷའི་གཞལ་མེད་ཁང་རྣམས་བྲིས་པར་གྱུར་ལ་རི་མོའི་གཞི་ཆུ་ཞེང་དུ་སྟོང་གསུམ་གྱི་སྟོང་ཆེན་པོའི་འཇིག་རྟེན་གྱི་ཁམས་ཙམ་ཡོད་པ་དེ། རྡུལ་ཤིན་ཏུ་ཕྲ་བ་གཅིག་གི་ནང་དུ་བཅུག་པར་
D44.037.0117a04.01གྱུར་ལ་རྡུལ་གཅིག་ལ་ཇི་ལྟ་བ་དེ་བཞིན་དུ་རྡུལ་ཤིན་ཏུ་ཕྲ་བ་མ་ལུས་པ་ཐམས་ཅད་རེ་རེ་ལ་ཡང་དེ་ཙམ་གྱི་རི་མོའི་གཞི་ཆེན་པོ་རེ་རེ་ཡོད་པར་གྱུར་ཏེ། དེ་ནས་སྐྱེས་བུ་མཁས་པ་ཡིད་གཞུངས་པ། ཁོང་བཟོ་བ་གསལ་བ་དེ་བཞིན་ཉིད་ཁོང་དུ་ཆུད་པའི་རྟོགས་པ་དང་།
D44.037.0117a05.01ལྡན་པ་ཞིག་སྐྱེས་པར་གྱུར་ཏེ། དེ་ལ་འཕྲུལ་གྱི་མིག་ཀུན་ཏུ་དག་པ་ཤིན་ཏུ་འོད་གསལ་བ་ཡང་བདོག་པར་གྱུར་ལ། དེས་འཕྲུལ་གྱི་མིག་གིས་བལྟས་ན་མཐོང་བར་གྱུར་ནས་རི་མོའི་གཞི་ཆེན་པོ་དེ་ལྟ་བུ་དེ་ལྟར་ཤིན་ཏུ་ཕྲ་མོའི་རྡུལ་དེ་དག་ལ་འཁོད་ཀྱང་སེམས་ཅན་
D44.037.0117a06.01སུ་ལ་ཡང་ཕན་པར་མ་གྱུར་པས་དེ་འདི་སྙམ་དུ་སེམས་ཏེ། ཀྱེ་མ་བདག་གིས་བརྩོན་འགྲུས་ཀྱི་མཐུ་དང་། སྟོབས་ཞིག་གིས་རྡུལ་ཕྲ་མོ་འདི་ཁ་ཕྱེ་སྟེ། རི་མོའི་གཞི་ཆེན་པོ་འདི་དག་འགྲོ་བ་ཐམས་ཅད་ཉེ་བར་འཚོ་བར་བྱའོ། །སྙམ་ནས་དེས་བརྩོན་
D44.037.0117a07.01