完整藏文原文 · 德格版页 当前仅加载第 37 函德格 64a 版页；藏文 NFD、目录标记与异常页序保留在来源切片中，重复版页行以稳定序号区分。
མཐོང་བ་འཛིན་པར་འགྱུར་རོ། །དགེ་བའི་རྩ་བའི་བར་ཆད་དུ་འགྱུར་བ་འཛིན་པར་འགྱུར་རོ། །མི་དགེ་བའི་ཆོས་རྣམ་པར་འཕེལ་བ་འཛིན་པར་འགྱུར་རོ། །སྐྱེ་མཆེད་དམའ་བ་འཐོབ་པ་འཛིན་པར་འགྱུར་རོ། །མཐའ་འཁོབ་ཀྱི་
D44.037.0064a01.01ཡུལ་དུ་གནས་པ་འཛིན་པར་འགྱུར་རོ། །མིའི་ནང་ན་རྐུ་ལྔོ་བྱེད་པར་སྐྱེ་བ་འཛིན་པར་འགྱུར་རོ། །ལྷའི་ནང་ན་མི་བསྲུན་པར་སྐྱེ་བ་འཛིན་པར་འགྱུར་རོ། །ཀླུ་དང་གནོད་སྦྱིན་དང་དྲི་ཟ་དང་ལྷ་མ་ཡིན་དང་། མིའམ་ཅི་དང་ལྟོ་འཕྱེ་ཆེན་པོ་དང་། སྲིན་པོ་མི་
D44.037.0064a02.01བསྲུན་པར་སྐྱེ་བ་འཛིན་པར་འགྱུར་རོ། །སངས་རྒྱས་ཀྱི་ཆོས་ལ་དད་པ་མེད་པ་འཛིན་པར་འགྱུར་རོ། །བྱིས་པའི་ཆོས་ལ་སྟེན་པ་འཛིན་པར་འགྱུར་རོ། །ཐེག་པ་དམའ་བ་ལ་མོས་པ་འཛིན་པར་འགྱུར་རོ། །ཐེག་པ་ཆེན་པོ་ལ་ཡིད་མི་ཆེས་པ་འཛིན་པར་འགྱུར་རོ། །
D44.037.0064a03.01བསྐལ་པར་གནས་པས་འཇིག་པ་མང་བ་འཛིན་པར་འགྱུར་རོ། །འཁོར་བས་སྐྱོ་བ་འཛིན་པར་འགྱུར་རོ། །དེ་བཞིན་གཤེགས་པའི་ཆོས་ལ་སྤོང་བ་འཛིན་པར་འགྱུར་རོ། །སངས་རྒྱས་ཀྱི་རྣམ་པར་འཕྲུལ་པ་ཡོངས་སུ་མི་འཛིན་པ་འཛིན་པར་འགྱུར་རོ། །
D44.037.0064a04.01བྱང་ཆུབ་སེམས་དཔའི་དབང་པོ་ལ་དགའ་བ་མེད་པ་འཛིན་པར་འགྱུར་རོ། །བྱང་ཆུབ་སེམས་དཔའ་དང་སྤྱོད་པ་ལ་ཐུན་མོང་དུ་སྤྱད་པ་མི་འཐོབ་པ་འཛིན་པར་འགྱུར་རོ། །བྱང་ཆུབ་སེམས་དཔའི་བསམ་པ་ཡོངས་སུ་མ་དག་པ་འཛིན་པར་འགྱུར་རོ། །བྱང་ཆུབ་སེམས་
D44.037.0064a05.01དཔའི་ལྷག་པའི་བསམ་པ་ཞུམ་ཞིང་དམའ་བ་འཛིན་པར་འགྱུར་རོ། །ཐམས་ཅད་མཁྱེན་པ་ཉིད་དུ་སེམས་བསྐྱེད་པ་ཡོངས་སུ་མི་འདུས་པ་འཛིན་པར་འགྱུར་རོ། །ཡོངས་སུ་སྒྱིད་ལུག་པས་རབ་ཏུ་ཞིག་པ་འཛིན་པར་འགྱུར་རོ། །ལས་ཀུན་ནས་ཉོན་མོངས་པ་
D44.037.0064a06.01འཛིན་པར་འགྱུར་རོ། །རྣམ་པར་སྨིན་པ་མ་དག་པ་འཛིན་པར་འགྱུར་རོ། །ཡེ་ཤེས་ཀྱི་སྟོབས་བདག་ཉིད་ཆེ་བ་མ་ཡིན་པ་འཛིན་པར་འགྱུར་རོ། །ཡེ་ཤེས་ཀྱི་རྒྱུད་བྱང་བར་མི་ནུས་པ་འཛིན་པར་འགྱུར་རོ། །བྱང་ཆུབ་སེམས་དཔའི་སྤྱོད་པ་རྒྱུན་ཆད་
D44.037.0064a07.01