完整藏文原文 · 德格版页 当前仅加载第 37 函德格 202a 版页；藏文 NFD、目录标记与异常页序保留在来源切片中，重复版页行以稳定序号区分。
ཡང་བརྗོད་དུ་མེད་པ་ཐམས་ཅད་རྒྱན་རྣམ་པར་ཕྱེ་བས་བརྒྱན་པར་ཡོངས་སུ་སྟོན་པས་ཞིང་གི་སྟོབས་ལ་རྣམ་པར་འཕྲུལ་པ་དང་། ལུས་ཐམས་ཅད་ལུས་མེད་པར་འཇུག་པས་ཆོས་ཀྱི་སྟོབས་ལ་རྣམ་
D44.037.0202a01.01པར་འཕྲུལ་པ་དང་། སྤྱོད་པ་རྒྱུན་མི་གཅོད་པས། བསྐལ་པའི་སྟོབས་ལ་རྣམ་པར་འཕྲུལ་པ་དང་། གཉིད་ཀྱིས་ལོག་པ་སངས་པར་བྱེད་པས། སངས་རྒྱས་ཀྱི་སྟོབས་ལ་རྣམ་པར་འཕྲུལ་བ་དང་། བྱང་ཆུབ་སེམས་དཔའི་སྤྱོད་
D44.037.0202a02.01པ་ཐམས་ཅད་སྐྱེད་ཅིང་རབ་ཏུ་འཛིན་པའི་ཕྱིར་སྤྱོད་པའི་སྟོབས་ལ་རྣམ་པར་འཕྲུལ་པ་དང་། སེམས་ཅན་གྱི་ཁམས་ཐམས་ཅད་ཡང་དག་པར་སྒྲོལ་བས། སངས་རྒྱས་ཀྱི་སྟོབས་ལ་རྣམ་པར་འཕྲུལ་བ་དང་། ཆོས་ཐམས་ཅད་
D44.037.0202a03.01བདག་པོ་མེད་པར་མངོན་པར་འཚང་རྒྱ་བའི་ཕྱིར་རང་བྱུང་གི་སྟོབས་ལ་རྣམ་པར་འཕྲུལ་བ་དང་། ཐམས་ཅད་མཁྱེན་པའི་ཡེ་ཤེས་མ་ལུས་པར་མངོན་པར་འཚང་རྒྱ་བའི་ཕྱིར་ཐམས་ཅད་མཁྱེན་པའི་སྟོབས་ལ་རྣམ་པར་འཕྲུལ་པ་དང་། སེམས་
D44.037.0202a04.01ཅན་ཐམས་ཅད་ཡོངས་སུ་མི་གཏོང་བས་སྙིང་རྗེ་ཆེན་པོའི་སྟོབས་ལ་རྣམ་པར་འཕྲུལ་པའོ། །ཀྱེ་རྒྱལ་བའི་སྲས་བཅུ་པོ་དེ་དག་ནི་བྱང་ཆུབ་སེམས་དཔའ་རྣམས་ཀྱི་སྟོབས་ལ་རྣམ་པར་འཕྲུལ་པ་སྟེ། ཀྱེ་རྒྱལ་བའི་སྲས་སེམས་ཅན་ལ་རྣམ་པར་འཕྲུལ་
D44.037.0202a05.01པ་བཟུང་བ་མན་ཅད་སྟོབས་ལ་རྣམ་པར་འཕྲུལ་པ་ཡན་ཅད་ཀྱི་བར་ཏུ་བཅུ་པོ་དེ་དག་ནི་བྱང་ཆུབ་སེམས་དཔའ་རྣམས་ཀྱི་རྣམ་པར་འཕྲུལ་པ་སྟེ། ཀྱེ་རྒྱལ་བའི་སྲས་བྱང་ཆུབ་སེམས་དཔའ་གང་གིས་རྣམ་པར་འཕྲུལ་པ་བཅུ་པོ་དེ་དག་འཐོབ་པར་འགྱུར་
D44.037.0202a06.01པ་དེ་ནི་འདོད་ན་བླ་ན་མེད་པ་ཡང་དག་པར་རྫོགས་པའི་བྱང་ཆུབ་ཏུ་མངོན་པར་འཚང་རྒྱའོ། །འདོད་ན་མངོན་པར་འཚང་མི་རྒྱའོ། །འདོད་ན་མངོན་པར་ཡང་འཚང་རྒྱ་ལ་སྤྱོད་པ་ཡང་རྒྱུན་མི་གཅོད་དོ། །ཀྱེ་རྒྱལ་བའི་སྲས་དེ་ཅིའི་ཕྱིར་ཞེ་ན།
D44.037.0202a07.01