完整藏文原文 · 德格版页 当前仅加载第 37 函德格 6a 版页；藏文 NFD、目录标记与异常页序保留在来源切片中，重复版页行以稳定序号区分。
ཡིན། །སངས་རྒྱས་བཅོམ་ལྡན་འདས་རྣམས་ཀྱི་སྐད་ཅིག་གཅིག་ཏུ་ནི་འདས་པ་དང་མ་བྱོན་པ་དང་། ད་ལྟར་བྱུང་བའི་སངས་རྒྱས་སྐྱེ་བ་ཐམས་ཅད་ཁོངས་སུ་ཆུད་པ་ཡིན། སངས་རྒྱས་བཅོམ་ལྡན་འདས་རྣམས་ཀྱི་ཉི་མ་གཅིག་ཏུ་ནི་
D44.037.0006a01.01དུས་གསུམ་གྱི་བསྐལ་པའི་གྲངས་ཁོང་དུ་ཆུད་པར་བསྟན་པ་ཐམས་ཅད་ཁོངས་སུ་ཆུད་པ་ཡིན། ཀྱེ་རྒྱལ་བའི་སྲས་བཅུ་པོ་དེ་དག་ནི་སངས་རྒྱས་བཅོམ་ལྡན་འདས་རྣམས་ཀྱི་ཚད་མེད་པའི་ཁོངས་སུ་ཆུད་པའོ། །ཀྱེ་རྒྱལ་བའི་སྲས་བཅུ་པོ་འདི་དག་ནི་སངས་
D44.037.0006a02.01རྒྱས་བཅོམ་ལྡན་འདས་རྣམས་ཀྱི་ཤིན་ཏུ་རྒྱ་ཆེ་བའི་ཆོས་བཟོད་པར་དཀའ་བ་རྣམས་ཏེ། བཅུ་གང་ཞེ་ན། བདུད་ཀྱི་དཀྲུགས་མ་རབ་ཏུ་འཇོམ་ཞིང་རྣམ་པར་འཐོར་བ་ནི་སངས་རྒྱས་བཅོམ་ལྡན་འདས་རྣམས་ཀྱི་ཤིན་ཏུ་རྒྱ་ཆེ་བའི་ཆོས་བཟོད་པར་དཀའ་བའོ། །
D44.037.0006a03.01མུ་སྟེགས་ཅན་གཞན་དང་ཕས་ཀྱི་རྒོལ་བ་ཚར་གཅད་པ་ནི་སངས་རྒྱས་བཅོམ་ལྡན་འདས་རྣམས་ཀྱི་ཤིན་ཏུ་རྒྱ་ཆེ་བའི་ཆོས་བཟོད་པར་དཀའ་བའོ། །འདུལ་བའི་སེམས་ཅན་ཐམས་ཅད་རབ་ཏུ་ཚིམ་པར་མཛད་པ་ནི། སངས་རྒྱས་བཅོམ་ལྡན་འདས་རྣམས་ཀྱི་ཤིན་ཏུ་
D44.037.0006a04.01རྒྱ་ཆེ་བའི་ཆོས་བཟོད་པར་དཀའ་བའོ། །སེམས་ཅན་འདུལ་བའི་དབང་གིས་འཇིག་རྟེན་གྱི་ཁམས་ཐམས་ཅད་ཏུ་གཤེགས་པ་ནི་སངས་རྒྱས་བཅོམ་ལྡན་འདས་རྣམས་ཀྱི་ཤིན་ཏུ་རྒྱ་ཆེ་བའི་ཆོས་བཟོད་པར་དཀའ་བའོ། །ཆོས་ཀྱི་དབྱིངས་ཐུགས་སུ་ཆུད་པའི་
D44.037.0006a05.01ཡེ་ཤེས་ནི་སངས་རྒྱས་བཅོམ་ལྡན་འདས་རྣམས་ཀྱི་ཤིན་ཏུ་རྒྱ་ཆེ་བའི་ཆོས་བཟོད་པར་དཀའ་བའོ། །འཇིག་རྟེན་གྱི་ཁམས་ཐམས་ཅད་མ་ལུས་པར་སྐུས་ཁྱབ་ཅིང་སངས་རྒྱས་ཀྱི་སྐུ་རྣམ་པར་ཕྱེ་བ་སྣ་ཚོགས་ཐམས་ཅད་དུ་མི་གཉིས་པ་ནི། སངས་རྒྱས་བཅོམ་ལྡན་
D44.037.0006a06.01འདས་རྣམས་ཀྱི་ཤིན་ཏུ་རྒྱ་ཆེ་བའི་ཆོས་བཟོད་པར་དཀའ་བའོ། །གསུང་གི་ཡན་ལག་ཐམས་ཅད་ལ་སེམས་ཅན་མོས་པར་བྱ་བ་དང་། ཐོས་པར་བྱ་བ་དང་། གདུལ་བར་བྱ་བ་དོན་ཡོད་པར་སོ་སོ་ཡང་དག་པར་རིག་པ་ཐོགས་པ་མེད་པས་བསྟན་པའི་ཚུལ་དུ་སོ་སོ་
D44.037.0006a07.01