完整藏文原文 · 德格版页 当前仅加载第 37 函德格 205a 版页；藏文 NFD、目录标记与异常页序保留在来源切片中，重复版页行以稳定序号区分。
སྙམ་དུ་བདག་གི་སྤྱོད་ལམ་ལ་ལ་ལ་ཞིག་གིས་བརྒལ་བའི་མི་འགྱུར་རམ་སྙམ་དུ་མི་སེམས་ཏེ། བྱང་ཆུབ་སེམས་དཔས་མཚན་མའང་རྗེས་སུ་མི་མཐོང་ངོ་། །མཚན་མ་རྗེས་སུ་མི་མཐོང་བས་མི་འཇིགས་པ་ཆེན་པོའི་དམ་པ་ཐོབ་ཅིང་འཁོར་གྱི་ནང་དུ་ཕྱིན་ནས། ཆོས་
D44.037.0205a01.01སྟོན་པ་འདི་ནི་མི་འཇིགས་པ་བཞི་པའོ། །ཀྱེ་རྒྱལ་བའི་སྲས་བྱང་ཆུབ་སེམས་དཔའ་རྣམས་ནི་ལུས་དང་ངག་དང་། ཡིད་ཤིན་ཏུ་དག་ཅིང་ཡོངས་སུ་དག་པ་དང་། གཙང་བ་དང་གཙང་སྦྲ་དང་། དེས་པ་དང་ལྡན་ཞིང་ངན་པར་སྤྱོད་པ་དང་ངན་ཏུ་བྱེད་པ་དང་། ངན་དུ་སྨྲ་བ་དང་བྲལ་བ་ཡིན་ཏེ།
D44.037.0205a02.01དེ་དག་ནི་འདི་སྙམ་དུ་བདག་གི་ལུས་དང་། ངག་དང་ཡིད་ཀྱི་ལས་ལ་ལ་ལ་ཞིག་གིས་བརྒལ་བར་མི་འགྱུར་རམ་སྙམ་དུ་མི་སེམས་ཏེ། བྱང་ཆུབ་སེམས་དཔས་མཚན་མ་འང་རྗེས་སུ་མི་མཐོང་ངོ་། །མཚན་མའང་རྗེས་སུ་མི་མཐོང་བས་འཇིགས་པ་དང་བྲལ་ཞིང་མི་འཇིགས་པ་ཆེན་པོའི་དམ་པ་
D44.037.0205a03.01ཐོབ་པས་སེམས་ཅན་གཞན་ཆོས་ལ་སྦྱོར་བ་བྱེད་པ་འདི་ནི་མི་འཇིགས་པ་ལྔ་བའོ། །ཀྱེ་རྒྱལ་བའི་སྲས་བྱང་ཆུབ་སེམས་དཔའ་རྣམས་ནི་ལག་ན་རྡོ་རྗེ་རྟག་ཏུ་ཕྱི་བཞིན་འབྲང་བས། ཡོངས་སུ་བསྲུང་བ་ཆེན་པོ་ཐོབ་ཅིང་། ལྷ་དང་ཀླུ་དང་གནོད་སྦྱིན་དང་དྲི་ཟ་དང་ལྷ་མ་ཡིན་གྱིས་རྟག་ཏུ་རིམ་གྲོར་
D44.037.0205a04.01བྱ་བ་ཡིན། བརྒྱ་བྱིན་དང་ཚངས་པ་དང་འཇིག་རྟེན་གྱི་མགོན་པོ་རྣམས་ཀྱིས་རྟག་ཏུ་ཕྱག་བྱ་བ་ཡིན། དེ་བཞིན་གཤེགས་པ་ཐམས་ཅད་ཀྱིས་རྟག་ཏུ་དགོངས་པ་ཡིན་ཏེ། དེ་དག་འདི་སྙམ་དུ་བདག་ཅག་ལ་བདུད་དམ་བདུད་ཀྱི་རིས་སུ་གཏོགས་པའི་ལྷའམ་མུ་སྟེགས་ཅན་དང་། མུ་སྟེགས་
D44.037.0205a05.01སྤྱོད་པ་བ་དང་། ཀུན་ཏུ་རྒྱུ་བ་དག་གམ། སེམས་ཅན་དམིགས་པ་ལ་མངོན་པར་ཞེན་པ་ལ་ལ་ཞིག་འོངས་ཤིང་བར་ཆད་བྱེད་པར་མི་འགྱུར་རམ་ཞེས་བྱ་བར་སེམས་པ་མེད་དེ། བྱང་ཆུབ་སེམས་དཔས་མཚན་མའང་རྗེས་སུ་མི་མཐོང་ངོ་། །མཚན་མའང་རྗེས་སུ་མི་མཐོང་བས་འཇིགས་པ་དང་བྲལ་ཞིང་
D44.037.0205a06.01མི་འཇིག་པའི་དམ་པ་ཆེན་པོ་ཐོབ་པས་དགའ་ཞིང་ཡིད་བདེ་བ་དང་ལྡན་པར་བྱང་ཆུབ་སེམས་དཔའི་ལས་ཐམས་ཅད་ལ་ནན་ཏན་དུ་བྱེད་པ་འདི་ནི་མི་འཇིགས་པ་དྲུག་པའོ། །ཀྱེ་རྒྱལ་བའི་སྲས་བྱང་ཆུབ་སེམས་དཔའ་རྣམས་ནི་སངས་རྒྱས་ཀྱིས་བསྔགས་པའི་དྲན་པ་རབ་ཏུ་ཐོབ་ཅིང་དྲན་པའི་དབང་པོ་
D44.037.0205a07.01