完整藏文原文 · 德格版页 当前仅加载第 37 函德格 182b 版页；藏文 NFD、目录标记与异常页序保留在来源切片中，重复版页行以稳定序号区分。
ཅད་ཡང་དག་པར་བསྒྲུབ་པར་བྱའོ། །སེམས་བསྐྱེད་པ་ལ་རག་ལས་པར་བླ་ན་མེད་པ་ཡང་དག་པར་རྫོགས་པའི་བྱང་ཆུབ་རྟོགས་པར་བྱ་སྟེ། བྱང་ཆུབ་ཏུ་སེམས་བསྐྱེད་པར་བྱའོ། །རང་གི་རྒྱུད་རྣམ་པར་སྦྱང་བར་བྱའོ། །གཞན་གྱི་རྒྱུད་རྣམ་པར་སྦྱང་བར་བྱའོ །
D44.037.0182b01.01རང་གི་ཡུལ་ཁོང་དུ་ཆུད་པར་བྱའོ། །གཞན་གྱི་ཡུལ་ཁོང་དུ་ཆུད་པར་བྱའོ། །འདས་པ་དང་མ་བྱོན་པ་དང་། ད་ལྟར་བྱུང་བའི་སངས་རྒྱས་བཅོམ་ལྡན་འདས་རྣམས་དང་ཡུལ་གཅིག་ཏུ་འགྱུར་བར་བྱའོ། །སྙམ་པ་འདི་ནི་བླ་ན་མེད་པ་ཡང་དག་པར་རྫོགས་
D44.037.0182b02.01པའི་བྱང་ཆུབ་ཏུ་ལྷག་པའི་བསམ་པ་རི་བོ་ལྟ་བུ་དག་པའོ། །ཀྱེ་རྒྱལ་བའི་སྲས་གཞན་ཡང་བྱང་ཆུབ་སེམས་དཔའ་ནི་ཆོས་གང་བྱང་ཆུབ་སེམས་དཔའི་སྤྱད་པ་སྤྱོད་པ་དེ་ལྟ་བུའི་ཆོས་ཀྱང་རྗེས་སུ་མི་མཐོང་ངོ་། །ཆོས་གང་བྱང་ཆུབ་སེམས་དཔའི་སྤྱོད་པ་ཡོངས་
D44.037.0182b03.01སུ་རྫོགས་པར་བྱེད་པ་དེ་ལྟ་བུའི་ཆོས་ཀྱང་རྗེས་སུ་མི་མཐོང་ངོ་། །ཆོས་གང་བླ་ན་མེད་པ་ཡང་དག་པར་རྫོགས་པའི་བྱང་ཆུབ་ཏུ་མངོན་པར་སངས་རྒྱས་པའམ། འཚང་རྒྱ་བའམ། འཚང་རྒྱ་བར་འགྱུར་བ་དེ་ལྟ་བུའི་ཆོས་ཀྱང་རྗེས་སུ་མི་མཐོང་ངོ་། །གང་གིས་ཆོས་བསྟན་
D44.037.0182b04.01པ་དང་སྟོན་པ་དང་སྟོན་པར་འགྱུར་བ་དེ་ལྟ་བུའི་ཆོས་ཀྱང་རྗེས་སུ་མི་མཐོང་ངོ་། །དེ་ལ་སྟོན་པར་བྱེད་པ་དེ་ཡང་མི་དམིགས་ལ་ཆོས་སྟོན་པ་ཉིད་ཀྱང་མི་དམིགས་ཏེ། འོན་ཀྱང་བྱང་ཆུབ་སེམས་དཔའ་བླ་ན་མེད་པ་ཡང་དག་པར་རྫོགས་པའི་བྱང་ཆུབ་ལས་
D44.037.0182b05.01སྨོན་ལམ་ཕྱིར་བཟློག་པར་མི་བྱེད་དོ། །ཀྱེ་རྒྱལ་བའི་སྲས་དེ་ཅིའི་ཕྱིར་ཞེ་ན། འདི་ལྟ་སྟེ་ཆོས་ཐམས་ཅད་མི་དམིགས་པའི་སྤྱོད་པས་ཆོས་ཐམས་ཅད་ཡོངས་སུ་བཙལ་བ་དེ་ལྟ་བུས་ནི་བླ་ན་མེད་པ་ཡང་དག་པར་རྫོགས་པའི་བྱང་ཆུབ་ཏུ་འབྱུང་བར་
D44.037.0182b06.01འགྱུར་ཏེ། དེ་ནི་གཉེན་པོ་ཡོངས་སུ་སྦྱང་བ་དང་། ཤེས་རབ་ཡོངས་སུ་རྫོགས་པར་བྱ་བའི་ཕྱིར་ལས་དང་དགེ་བའི་རྩ་བ་དེ་བས་ཀྱང་ཤས་ཆེར་ཡང་དག་པར་སྡུད་དོ། །དགེ་བའི་ལས་ཐམས་ཅད་ཡང་དག་པར་བསྡུས་པས་སེམས་ཀྱི་སྐད་
D44.037.0182b07.01