完整藏文原文 · 德格版页 当前仅加载第 37 函德格 166a 版页；藏文 NFD、目录标记与异常页序保留在来源切片中，重复版页行以稳定序号区分。
གཞན་ཡང་བྱང་ཆུབ་སེམས་དཔས་ཆོས་ཐམས་ཅད་ཡེ་ཤེས་ཀྱི་ཕྱིན་ཅི་ལོག་རབ་ཏུ་སྤངས་པ་དང་། བླང་བ་མེད་ཅིང་དོར་བ་མེད་པའི་ཚུལ་གྱིས་འཇིག་རྟེན་ལས་འདས་པའི་ཆོས་སུ་ཤེས་ཏེ། དེ་ལ་གཞན་གྱི་དྲིང་མི་འཇོག་ཅིང་
D44.037.0166a01.01ནེམ་ནུར་མེད་དེ་ཡིད་གཉིས་མེད་ལ་ཐེ་ཙོམ་མེད་པ་ཡིན་ཏེ། འདི་ནི་ནེམ་ནུར་ཐམས་ཅད་གཅོད་པའི་སེམས་བསྐྱེད་པ་དགུ་པའོ། །ཀྱེ་རྒྱལ་བའི་སྲས་གཞན་ཡང་བྱང་ཆུབ་སེམས་དཔའ་འདི་སྙམ་དུ་སེམས་ཏེ། འདུ་ཤེས་ཕྱིན་ཅི་ལོག་ཐམས་ཅད་རབ་ཏུ་སྤངས་
D44.037.0166a02.01པའི་སེམས་སྐད་ཅིག་གཅིག་གི་ཡེ་ཤེས་གཅིག་དང་གཉིས་སུ་མི་དམིགས་པ་བགྲང་བ་ཐམས་ཅད་དང་བྲལ་བ། འདུས་མ་བྱས་ལ་ཤིན་ཏུ་གཞོལ་བ། བརྗོད་པ་ཐམས་ཅད་རབ་ཏུ་སྤངས་པ་སྤྱོད་ཡུལ་བརྗོད་ཏུ་མེད་པའི་མཐར་ཕྱིན་པས་སངས་རྒྱས་ཀྱི་ཆོས་
D44.037.0166a03.01ཐམས་ཅད་མངོན་པར་རྫོགས་པར་འཚང་རྒྱ་བར་བྱའོ། །སྙམ་ཡང་དེ་ལ་དེ་དེ་ལྟར་མི་འགྱུར་སྙམ་པའི་ནེམ་ནུར་མེད་ཡིད་གཉིས་མེད་ཐེ་ཙོམ་མེད་དེ་དེ་ནི་གནས་མ་ཡིན་ནོ། །འདི་ནི་ནེམ་ནུར་ཐམས་ཅད་གཅོད་པའི་སེམས་བསྐྱེད་པ་བཅུ་པ་སྟེ། ཀྱེ་རྒྱལ་
D44.037.0166a04.01བའི་སྲས་བཅུ་པོ་དེ་དག་ནི་བྱང་ཆུབ་སེམས་དཔའ་རྣམས་ཀྱི་སངས་རྒྱས་ཀྱི་ཆོས་ཐམས་ཅད་ལ་ནེམ་ནུར་ཐམས་ཅད་གཅོད་པའི་སེམས་བསྐྱེད་པ་ཐེ་ཙོམ་མེད་ཅིང་ཡིད་གཉིས་མེད་ལ་སོམ་ཉི་མེད་པ་རྣམས་ཏེ། དེ་དག་ལ་གནས་ཤིང་བྱང་ཆུབ་སེམས་
D44.037.0166a05.01དཔའ་རྣམས་སངས་རྒྱས་ཀྱི་ཆོས་ཐམས་ཅད་ལ་ནེམ་ནུར་མེད་པ་བླ་ན་མེད་པ་འཐོབ་པར་འགྱུར་བ་དག་གོ །ཀྱེ་རྒྱལ་བའི་སྲས་བཅུ་པོ་འདི་དག་ནི་བྱང་ཆུབ་སེམས་དཔའ་རྣམས་ཀྱི་བསམ་གྱིས་མི་ཁྱབ་པ་ཉིད་དེ། བཅུ་གང་ཞེ་ན། འདི་ལྟར་དགེ་བའི་རྩ་བ་ཐམས་
D44.037.0166a06.01ཅད་ལ་བསམ་གྱིས་མི་ཁྱབ་པ་ཡིན། སྨོན་ལམ་ཐམས་ཅད་ལ་བསམ་གྱིས་མི་ཁྱབ་པ་ཡིན། ཆོས་ཐམས་ཅད་སྒྱུ་མ་ལྟ་བུར་འཇུག་པ་ལ་བསམ་གྱིས་མི་ཁྱབ་པ་ཡིན། བྱང་ཆུབ་སེམས་དཔའི་སྤྱད་པ་སྤྱོད་པའི་ཚེ། བྱང་ཆུབ་ཏུ་སེམས་བསྐྱེད་པ་
D44.037.0166a07.01