完整藏文原文 · 德格版页 当前仅加载第 37 函德格 41a 版页；藏文 NFD、目录标记与异常页序保留在来源切片中，重复版页行以稳定序号区分。
ཆོས་ཀྱི་དབྱིངས་མ་ལུས་པ་ཐམས་ཅད་ཀྱི་འཇིག་རྟེན་པ་དང་འཇིག་རྟེན་ལས་འདས་པ་འབྱམ་ཀླས་པ་ལ་རྟག་ཏུ་མཉམ་པར་བཞག་ཀྱང་དགོངས་པ་སྐད་ཅིག་གིས་སེམས་ཅན་ཐམས་ཅད་ལ་སངས་རྒྱས་མུ་མེད་པ་བསྟན་པ་རྣམ་པར་
D44.037.0041a01.01བཀོད་པའི་ཚུལ་མུ་མེད་པས་སངས་རྒྱས་བསྟན་པ་རྒྱུན་མི་གཅོད་དོ། །སངས་རྒྱས་བཅོམ་ལྡན་འདས་རྣམས་ནི་ཆོས་ཀྱི་དབྱིངས་མ་ལུས་པ་ཐམས་ཅད་དུ་བསྒྲིབས་པ་མེད་པར་རྟག་ཏུ་མཉམ་པར་བཞག་ཀྱང་དགོངས་པ་སྐད་ཅིག་གིས་སངས་རྒྱས་ཀྱི་ཆོས་ཐམས་
D44.037.0041a02.01ཅད་ཀྱང་རྟོགས་པར་ཐུགས་སུ་ཆུད་ཅིང་སངས་རྒྱས་ཀྱི་རྣམ་པར་ཐར་པ་མུ་མེད་པའི་ཕ་རོལ་ཏུ་ཕྱིན་པའི་མཆོག་བརྙེས་པར་བཞུགས་ཏེ། ཀྱེ་རྒྱལ་བའི་སྲས་བཅུ་པོ་དེ་དག་ནི་དེ་བཞིན་གཤེགས་པ་དགྲ་བཅོམ་པ་ཡང་དག་པར་རྫོགས་པའི་སངས་རྒྱས་རྣམས་ཀྱི་
D44.037.0041a03.01སངས་རྒྱས་ཀྱི་ཏིང་ངེ་འཛིན་ཚད་མེད་པ་བསམ་གྱིས་མི་ཁྱབ་པ་རྣམས་སོ། །ཀྱེ་རྒྱལ་བའི་སྲས་བཅུ་པོ་འདི་དག་ནི་སངས་རྒྱས་བཅོམ་ལྡན་འདས་རྣམས་ཀྱི་རྣམ་པར་ཐར་པ་རྣམས་ཏེ། བཅུ་གང་ཞེ་ན། རྡུལ་ཤིན་ཏུ་ཕྲ་བ་གཅིག་ལ་སངས་རྒྱས་སྐྱེ་བ་བརྗོད་དུ་མེད་
D44.037.0041a04.01བའི་ཡང་བརྗོད་དུ་མེད་པ་ཡོངས་སུ་བསྟན་པའི་རྣམ་པར་ཐར་པ་དང་། རྡུལ་ཤིན་ཏུ་ཕྲ་བ་གཅིག་ལ་ཆོས་ཀྱི་འཁོར་ལོ་བརྗོད་དུ་མེད་པའི་ཡང་བརྗོད་དུ་མེད་པ་བསྐོར་བ་ཡོངས་སུ་བསྟན་པའི་རྣམ་པར་ཐར་པ་རྡུལ་ཤིན་ཏུ་ཕྲ་བ་གཅིག་ལ་སེམས་ཅན་ཡོངས་སུ་
D44.037.0041a05.01སྨིན་པར་བྱ་བ་དང་། གདུལ་བ་བརྗོད་དུ་མེད་པའི་ཡང་བརྗོད་དུ་མེད་པ་ཡོངས་སུ་བསྟན་པའི་རྣམ་པར་ཐར་པ་དང་། རྡུལ་ཤིན་ཏུ་ཕྲ་བ་གཅིག་ལ་ཞིང་བརྗོད་དུ་མེད་པའི་ཡང་བརྗོད་དུ་མེད་པ་ཡོངས་སུ་བསྟན་པའི་རྣམ་པར་ཐར་པ་དང་། རྡུལ་ཤིན་ཏུ་ཕྲ་བ་
D44.037.0041a06.01གཅིག་ལ་འདས་པ་དང་མ་བྱོན་པ་དང་། ད་ལྟར་བྱུང་བའི་སངས་རྒྱས་སྐྱེ་བ་ཐམས་ཅད་ཡོངས་སུ་བསྟན་པའི་རྣམ་པར་ཐར་པ་དང་རྡུལ་ཤིན་ཏུ་ཕྲ་བ་གཅིག་ལ་འདས་པ་དང་མ་བྱོན་པ་དང་ད་ལྟར་བྱུང་བའི་ཞིང་གི་རྒྱུད་ཡོངས་སུ་བསྟན་པའི་རྣམ་པར་ཐར་པ་དང་།
D44.037.0041a07.01