完整藏文原文 · 德格版页 当前仅加载第 37 函德格 157b 版页；藏文 NFD、目录标记与异常页序保留在来源切片中，重复版页行以稳定序号区分。
ཀྱེ་རྒྱལ་བའི་སྲས་བཅུ་པོ་དེ་དག་ནི་བྱང་ཆུབ་སེམས་དཔའ་རྣམས་ཀྱི་རྟོགས་པ་སྟེ། དེ་དག་ལ་གནས་ཤིང་བྱང་ཆུབ་སེམས་དཔའ་རྣམས་ཆོས་ཐམས་ཅད་ཀྱི་ཚུལ་ལ་མཁས་པ་བླ་ན་མེད་པ་འཐོབ་པར་འགྱུར་བ་དག་གོ །ཀྱེ་རྒྱལ་བའི་སྲས་བཅུ་པོ་
D44.037.0157b01.01འདི་དག་ནི་བྱང་ཆུབ་སེམས་དཔའ་རྣམས་ཀྱི་སྟོབས་ཀྱི་ཤུགས་ཏེ། བཅུ་གང་ཞེ་ན་འདི་ལྟར་ཆོས་ཐམས་ཅད་ཀྱི་རང་བཞིན་ལ་འཇུག་པའི་སྟོབས་ཀྱི་ཤུགས་དང་། ཆོས་ཐམས་ཅད་སྤྲུལ་པ་ལྟ་བུའི་སྟོབས་ཀྱི་ཤུགས་དང་། ཆོས་ཐམས་ཅད་སྒྱུ་མ་ལྟ་བུའི་
D44.037.0157b02.01སྟོབས་ཀྱི་ཤུགས་དང་། ཆོས་ཐམས་ཅད་ལ་སངས་རྒྱས་ཀྱི་ཆོས་སུ་འཇུག་པའི་སྟོབས་ཀྱི་ཤུགས་དང་། ཆོས་ཐམས་ཅད་ལ་མངོན་པར་ཆགས་པ་མེད་པའི་སྟོབས་ཀྱི་ཤུགས་དང་། སངས་རྒྱས་ཀྱི་ཆོས་ཐམས་ཅད་ལ་ཤིན་ཏུ་མོས་པའི་སྟོབས་
D44.037.0157b03.01ཀྱི་ཤུགས་དང་། དགེ་བའི་བཤེས་གཉེན་ཐམས་ཅད་ལ་ཤིན་ཏུ་གུས་པའི་བསམ་པ་མི་གཏོང་བའི་སྟོབས་ཀྱི་ཤུགས་དང་། དགེ་བའི་རྩ་བ་ཐམས་ཅད་ཀྱིས་ཡེ་ཤེས་ཀྱི་རྒྱལ་པོ་ཆེན་པོ་མཉེས་པར་བྱེད་པའི་སྟོབས་ཀྱི་ཤུགས་དང་། སངས་རྒྱས་ཀྱི་
D44.037.0157b04.01ཆོས་ཐམས་ཅད་ལ་ཟབ་པར་ཡིད་ཆེས་པས་མི་སྤངས་པའི་སྟོབས་ཀྱི་ཤུགས་དང་། ཐམས་ཅད་མཁྱེན་པ་ཉིད་ཀྱི་སེམས་ལས་{མྱི་,མི་}ལྡོག་པར་མཁས་པའི་སྟོབས་ཀྱི་ཤུགས་སོ། །ཀྱེ་རྒྱལ་བའི་སྲས་བཅུ་པོ་དེ་དག་ནི་བྱང་ཆུབ་སེམས་དཔའ་རྣམས་
D44.037.0157b05.01ཀྱི་སྟོབས་ཀྱི་ཤུགས་ཏེ། དེ་དག་ལ་གནས་ཤིང་བྱང་ཆུབ་སེམས་དཔའ་རྣམས་དེ་བཞིན་གཤེགས་པའི་སྟོབས་བཅུ་བླ་ན་མེད་པ་འཐོབ་པར་འགྱུར་བ་དག་གོ །ཀྱེ་རྒྱལ་བའི་སྲས་བཅུ་པོ་འདི་དག་ནི་བྱང་ཆུབ་སེམས་དཔའ་རྣམས་ཀྱི་མཉམ་པ་ཉིད་དེ།
D44.037.0157b06.01བཅུ་གང་ཞེ་ན་འདི་ལྟར་སེམས་ཅན་ཐམས་ཅད་ལ་མཉམ་པ་ཉིད་དང་། ཆོས་ཐམས་ཅད་ལ་མཉམ་པ་ཉིད་དང་། སངས་རྒྱས་ཀྱི་ཞིང་ཐམས་ཅད་ལ་མཉམ་པ་ཉིད་དང་། ལྷག་པའི་བསམ་པ་ཐམས་ཅད་ལ་མཉམ་པ་ཉིད་དང་། དགེ་བའི་རྩ་བ་
D44.037.0157b07.01