完整藏文原文 · 德格版页 当前仅加载第 37 函德格 178a 版页；藏文 NFD、目录标记与异常页序保留在来源切片中，重复版页行以稳定序号区分。
པའི་ས་ལ་དགོད་པ་ལ་ཡེ་ཤེས་སྣང་བ་དང་། ཆོས་ཀྱི་ཚུལ་འབྱམ་ཀླས་ཤིང་བསམ་གྱིས་མི་ཁྱབ་པ་བསྟན་པ་ལ་ཡེ་ཤེས་སྣང་བ་དང་། སངས་རྒྱས་ཐམས་ཅད་ཀྱི་བྱིན་གྱི་རླབས་ལ་མཁས་པ་ལ་ཡེ་ཤེས་སྣང་བ་དང་། ཕ་རོལ་
D44.037.0178a01.01ཏུ་ཕྱིན་པ་ཐམས་ཅད་ཡོངས་སུ་རྫོགས་པར་བྱ་བ་ལ་ཡེ་ཤེས་སྣང་བའོ། །ཀྱེ་རྒྱལ་བའི་སྲས་བཅུ་པོ་དེ་དག་ནི་ཡེ་ཤེས་སྣང་བ་སྟེ། དེ་དག་ལ་གནས་ཤིང་བྱང་ཆུབ་སེམས་དཔའ་རྣམས་སངས་རྒྱས་ཀྱི་ཆོས་ཐམས་ཅད་ལ་བླ་ན་མེད་པའི་ཡེ་ཤེས་སྣང་བ་འཐོབ་པར་འགྱུར་
D44.037.0178a02.01བ་དག་གོ །ཀྱེ་རྒྱལ་བའི་སྲས་བཅུ་པོ་འདི་དག་ནི་བྱང་ཆུབ་སེམས་དཔའ་རྣམས་ཀྱི་བྱང་ཆུབ་སེམས་དཔའི་གནས་སེམས་ཅན་ཐམས་ཅད་དང་། ཉན་ཐོས་ཐམས་ཅད་དང་། རང་སངས་རྒྱས་ཐམས་ཅད་དང་། མཚུངས་པ་མེད་པ་སྟེ། བཅུ་གང་ཞེ་ན། ཀྱེ་
D44.037.0178a03.01རྒྱལ་བའི་སྲས་འདི་ལ་བྱང་ཆུབ་སེམས་དཔའ་ཡང་དག་པའི་མཐའི་གནས་ཀྱིས་གནས་ཀྱང་སྨོན་ལམ་ཐམས་ཅད་ཡོངས་སུ་མ་རྫོགས་ཀྱི་བར་དུ་མངོན་ཏུ་མི་བྱེད་པ་འདི་ནི་བྱང་ཆུབ་སེམས་དཔའི་གནས་མཚུངས་པ་མེད་པ་དང་པོའོ། །ཀྱེ་རྒྱལ་བའི་སྲས་གཞན་ཡང་
D44.037.0178a04.01བྱང་ཆུབ་སེམས་དཔའ་དགེ་བའི་རྩ་བ་ཐམས་ཅད་བསྐྱེད་པར་བྱ་བ་ཡང་ཆོས་ཀྱི་དབྱིངས་ཐམས་ཅད་ཀྱིས་ཀླས་པར་སེམས་བསྐྱེད་པས་སྐྱེད་པར་བྱེད་ལ་ཆོས་གང་ལ་ཡང་མངོན་པར་ཆགས་པ་མེད་པ་འདི་ནི་བྱང་ཆུབ་སེམས་དཔའི་གནས་མཚུངས་པ་མེད་པ་གཉིས་པའོ། །
D44.037.0178a05.01ཀྱེ་རྒྱལ་བའི་སྲས་གཞན་ཡང་། བྱང་ཆུབ་སེམས་དཔའ་སྤྲུལ་པ་ལྟ་བུའི། །བྱང་ཆུབ་སེམས་དཔའི་སྤྱོད་པ་ལ་ཆོས་ཐམས་ཅད་རབ་ཏུ་ཞི་བས་སྤྱོད་ཀྱང་སངས་རྒྱས་ཀྱི་ཆོས་ཐམས་ཅད་ལ་མགོ་རྨོངས་པའང་མེད་པ་འདི་ནི་བྱང་ཆུབ་
D44.037.0178a06.01སེམས་དཔའི་གནས་མཚུངས་པ་མེད་པ་གསུམ་པའོ། །ཀྱེ་རྒྱལ་བའི་སྲས་གཞན་ཡང་བྱང་ཆུབ་སེམས་དཔའ་འགྲོ་བ་ཐམས་ཅད་ལས་གྱེན་དུ་འཕགས་པའི་ཡིད་ལ་བྱ་བས་བསྐལ་པ་བརྗོད་དུ་མེད་པར་སྨོན་ལམ་ཆེན་པོ་ཡོངས་སུ་རྫོགས་པར་བྱ་བའི་ཕྱིར་
D44.037.0178a07.01