完整藏文原文 · 德格版页 当前仅加载第 37 函德格 349b 版页；藏文 NFD、目录标记与异常页序保留在来源切片中，重复版页行以稳定序号区分。
བསམ་པ་དང་། དགེ་བའི་བཤེས་གཉེན་ལ་གཡོ་སྒྱུ་མེད་པར་སྤྱོད་པ་དང་། དགེ་བའི་བཤེས་གཉེན་གྱི་སེམས་ཀྱི་དབང་དུ་འགྲོ་བར་བྱ་བ་དང་ལྡན་པས་དགེ་བའི་བཤེས་གཉེན་རྣམས་གནོད་པ་ཐམས་ཅད་ཡོངས་སུ་སྤོང་བར་བྱེད་པས་མ་ཙམ་དུ་སེམས།
D44.037.0349b01.01དགེ་བའི་རྩ་བ་ཡོངས་སུ་བསྐྱེད་པས་ཕ་ཙམ་དུ་སེམས་ཤིང་ཚོང་དཔོན་བཏང་བརྗོད་ཀྱི་དྲུང་ནས་སོང་ངོ་། །དེ་ནས་ཚོང་དཔོན་གྱི་བུ་ནོར་{བཟངས་,བཟང་}ཚོང་དཔོན་བཏང་བརྗོད་ཀྱིས་བསྟན་པ་དེ་ལ་རྗེས་སུ་སེམས་ཤིང་། ཚོང་དཔོན་བཏང་བརྗོད་ཀྱི་གདམས་ངག་
D44.037.0349b02.01ལ་ནན་ཏན་བྱ་བ་དང་། བྱང་ཆུབ་སེམས་དཔའི་རྣམ་པར་ཐར་པ་བསམ་གྱིས་མི་ཁྱབ་པའི་རྗེས་སུ་འབྲང་བར་བྱ་བ་དང་། བྱང་ཆུབ་སེམས་དཔའི་ཡེ་ཤེས་སྣང་བ་བསམ་གྱིས་མི་ཁྱབ་པ་རྗེས་སུ་དྲན་པར་བྱ་བ་དང་། ཆོས་ཀྱི་དབྱིངས་ལ་འཇུག་
D44.037.0349b03.01ཅིང་འབབ་པ་བསམ་གྱིས་མི་ཁྱབ་པ་ཁོང་དུ་ཆུད་པར་བྱ་བ་དང་། བྱང་ཆུབ་སེམས་དཔའ་རྣམས་ཀྱི་ཡོངས་སུ་འདུ་བར་བྱ་བའི་ཚུལ་བསམ་གྱིས་མི་ཁྱབ་པ་ལ་འཇུག་པར་བྱ་བ་དང་། དེ་བཞིན་གཤེགས་པའི་རྣམ་པར་འཕྲུལ་པ་བསམ་གྱིས་མི་ཁྱབ་
D44.037.0349b04.01པའི་རྗེས་སུ་བལྟ་བར་བྱ་བ་དང་། སངས་རྒྱས་ཀྱི་ཞིང་ཡོངས་སུ་བསྡུ་བ་བསམ་གྱིས་མི་ཁྱབ་པ་ལ་མོས་པར་བྱ་བ་དང་། སངས་རྒྱས་ཀྱི་བྱིན་གྱི་རླབས་ཀྱི་རྒྱན་རྗེས་སུ་སྦྱང་བ་དང་། བྱང་ཆུབ་སེམས་དཔའི་ཏིང་ངེ་འཛིན་དང་། རྣམ་པར་ཐར་
D44.037.0349b05.01པའི་རྣམ་པར་དགོད་པ་དང་། ཁྱུ་མཆོག་གི་མཐུ་ཕྱུང་བ་བསམ་གྱིས་{མྱི་,མི་}ཁྱབ་པ་ལ་ཡོངས་སུ་བརྟག་པ་དང་། འཇིག་རྟེན་གྱི་ཁམས་ཐ་དད་པ་ལ་སྒྲིབ་པ་མེད་པ་བསམ་གྱིས་མི་ཁྱབ་པ་ལ་འཇུག་པ་དང་། བྱང་ཆུབ་སེམས་དཔའི་ལས་ལ་བསམ་པ་
D44.037.0349b06.01ཤིན་ཏུ་བརྟན་པ་དེ་ལ་ནན་དུ་བྱ་བ་དང་། བྱང་ཆུབ་སེམས་དཔའི་ལས་དང་། སྨོན་ལམ་གྱི་རྒྱུད་བསམ་གྱིས་མི་ཁྱབ་པ་དེའི་རྗེས་སུ་སྤྱོད་ཅིང་མཐར་གྱིས་འཛམ་བུ་གླིང་གི་མགོ་འགེབས་པས་རྒྱས་པར་འགེངས་པ་ཞེས་བྱ་བ་གང་ན་བ་དེར་ཕྱིན་ནས།
D44.037.0349b07.01