完整藏文原文 · 德格版页 当前仅加载第 37 函德格 184a 版页；藏文 NFD、目录标记与异常页序保留在来源切片中，重复版页行以稳定序号区分。
རྒྱ་མཚོ་ལྟ་བུ་ལྔ་པའོ། །ཀྱེ་རྒྱལ་བའི་སྲས་གཞན་ཡང་བྱང་ཆུབ་སེམས་དཔའ་ནི་འདས་པའི་བསྐལ་པ་ལ་འཇུག་སྟེ། སེམས་བསྐྱེད་པ་རེ་རེས་ཀྱང་བསྐལ་པ་བརྗོད་དུ་མེད་པ་ལ་འཇུག་གོ །བསྐལ་པ་རེ་རེ་ལ་ཡང་སངས་རྒྱས་སྐྱེ་བ་
D44.037.0184a01.01ཁྲག་ཁྲིག་ཕྲག་བརྒྱ་འམ། ཁྲག་ཁྲིག་ཕྲག་སྟོང་ངམ། ཁྲག་ཁྲིག་བརྒྱ་ཕྲག་སྟོང་ངམ། སངས་རྒྱས་སྐྱེ་བ་ཚད་མེད་པ་དང་། གྲངས་མེད་པ་དང་། བསམ་གྱིས་མི་ཁྱབ་པ་དང་། མཚུངས་པ་མེད་པ་དང་། གཞལ་དུ་མེད་པ་དང་། དཔག་ཏུ་མེད་པ་དང་། མཐའ་
D44.037.0184a02.01ཡས་པ་དང་། མུ་མེད་པ་དང་། ས་མཚམས་མེད་པ་དང་། བརྗོད་དུ་མེད་པ་ལ་འཇུག་གོ །སངས་རྒྱས་སྐྱེ་བ་གྲངས་དང་བགྲང་བ་ལས་འདས་པ་ལ་འཇུག་ཅིང་ཤེས་པར་བྱེད་དོ། །སངས་རྒྱས་བཅོམ་ལྡན་འདས་དེ་དག་གི་འཁོར་གྱི་དཀྱིལ་འཁོར་ཡང་ཁོང་
D44.037.0184a03.01དུ་ཆུད་པར་བྱེད་དེ། བྱང་ཆུབ་སེམས་དཔའི་ཚོགས་དང་། ཉན་ཐོས་ཀྱི་དགེ་འདུན་དང་། ཆོས་བསྟན་པ་དང་། སེམས་ཅན་གདུལ་བ་དང་། སྐུ་ཚེའི་ཚད་དང་། བྱིན་གྱི་རླབས་དང་། བསྟན་པ་གནས་པའི་རིམ་པ་ལའང་འཇུག་གོ །བསྐལ་པ་
D44.037.0184a04.01གཅིག་ལ་ཇི་ལྟར་ཞུགས་པ་དེ་བཞིན་དུ་བསྐལ་པ་ཐམས་ཅད་ལ་འཇུག་ན་སངས་རྒྱས་མི་བཞུགས་པ་དང་། སངས་རྒྱས་མ་བྱུང་བའི་བསྐལ་བ་ལྟ་ཅི་སྨོས་ཏེ། བསྐལ་པ་གང་ལ་སེམས་ཅན་གང་གིས་བླ་ན་མེད་པ་ཡང་དག་པར་རྫོགས་པའི་བྱང་
D44.037.0184a05.01ཆུབ་ཏུ་དགེ་བའི་རྩ་བ་བསྐྱེད་པ་དང་། སེམས་ཅན་གང་གིས་དགེ་བའི་རྩ་བ་ཡོངས་སུ་སྨིན་པར་བྱས་པ་དང་། སེམས་ཅན་གང་གིས་མ་བྱོན་པའི་སངས་རྒྱས་མཐོང་བར་དགེ་བའི་རྩ་བ་ཡོངས་སུ་སྨིན་པར་བྱས་པ་དེ་དག་ཀྱང་བྱང་ཆུབ་སེམས་དཔས་རབ་
D44.037.0184a06.01ཏུ་ཤེས་ཏེ། དེ་ལྟར་འཇུག་པས་བརྗོད་དུ་མེད་པའི་ཡང་བརྗོད་དུ་མེད་པའི་བསྐལ་པ་ལ་འཇུག་ཅིང་རྟོག་ཀྱང་སྔོན་གྱི་བསྐལ་པའི་དུས་ལ་འཇུག་པས་ངོམས་པར་མི་འགྱུར་བ་འདི་ནི་བླ་ན་མེད་པ་ཡང་དག་པར་རྫོགས་པའི་བྱང་ཆུབ་ཏུ་ཡེ་ཤེས་ཀྱིས་འཇུག་པ་རྒྱ་མཚོ་
D44.037.0184a07.01