完整藏文原文 · 德格版页 当前仅加载第 37 函德格 122b 版页；藏文 NFD、目录标记与异常页序保留在来源切片中，重复版页行以稳定序号区分。
བྱ་བ་ལས་ཆུའི་ཕུང་པོ་ཆེས་མང་བར་རྒྱ་མཚོ་ཆེན་པོར་འབབ་བོ། །ཀྱེ་རྒྱལ་བའི་སྲས་དེ་བཞིན་དུ་གླིང་ཆེན་པོ་བཞི་པའི་འཇིག་རྟེན་གྱི་ཁམས་ཀྱི་ཆུ་ཀླུང་གི་ཆུའི་ཕུང་པོ་ཇི་སྙེད་ཅིག་རྒྱ་མཚོ་ཆེན་པོར་བབ་པ་དང་། ཀླུའི་རྒྱལ་པོ་ཆེན་པོ་སྔ་མ་དེ་དག་གི་སྤྲིན་དང་། གནས་ནས་ཆུའི་ཕུང་པོ་ཇི་སྙེད་ཅིག་རྒྱ་མཚོ་ཆེན་པོར་
D44.037.0122b01.01བབ་པ་དང་། ཀླུའི་རྒྱལ་པོ་གང་ཆེན་མཚོའི་བུ་ཐུ་བོ་འཛམ་བུའི་རྒྱལ་མཚན་གྱི་སྤྲིན་ལས་ཆུའི་ཕུང་པོ་ཇི་སྙེད་ཅིག་རྒྱ་མཚོ་ཆེན་པོར་བབ་པ་དང་། ཀླུའི་རྒྱལ་པོ་ཆེན་པོ་གང་ཆེན་མཚོའི་སྤྲིན་ཐ་མི་དད་པ་ཞེས་བྱ་བ་ལས། ཆུའི་ཕུང་པོ་ཇི་སྙེད་ཅིག་རྒྱ་མཚོ་ཆེན་པོར་བབ་པ་དེ་བས་ཀྱང་། །
D44.037.0122b02.01ཀླུའི་རྒྱལ་པོ་གང་ཆེན་མཚོའི་གནས་ནས། ཆུའི་དབའ་རྒལ་ཆེན་པོ་བཻ་ཌཱུརྱ་སྔོན་པོའི་ཁ་དོག་ལྟ་བུར་འདུག་པ་ཆེས་མང་བར་འབྱུང་སྟེ། དེ་ནི་རྒྱ་མཚོ་ཆེན་པོ་ཐམས་ཅད་ཀྱང་ཆུའི་ཤུགས་ཆེན་པོས་རྒྱས་པར་བྱེད་མོད་ཀྱི། འོན་ཀྱང་རྒྱ་མཚོ་ཆེན་པོ་ནི་
D44.037.0122b03.01དབྲེས་ལས་འདའ་བ་མེད་དེ། ཀྱེ་རྒྱལ་བའི་སྲས་རྒྱ་མཚོ་ཆེན་པོ་དེ་ནི་ཆུའི་ཕུང་པོས་དེ་ལྟར་ཚད་མེད་པ་སྟེ། ཇི་ལྟར་ཆུའི་ཕུང་པོས་ཚད་མེད་པ་དེ་ལྟར་རིན་པོ་ཆེའི་ཕུང་པོས་ཀྱང་ཚད་མེད་དེ། སེམས་ཅན་གྱི་གནས་ཀྱིས་ཀྱང་ཚད་མེད་ལ། སེམས་
D44.037.0122b04.01ཅན་ཆེན་པོའི་ལུས་ཀྱི་རྣམ་པས་ཀྱང་ཚད་མེད་ན། ཀྱེ་རྒྱལ་བའི་སྲས་དེ་ལ་ཇི་སྙམ་དུ་སེམས། །རྒྱ་མཚོ་ཆེན་པོ་དེ་ཚད་མེད་མོད། བྱང་ཆུབ་སེམས་དཔའ་དེ་བཞིན་གཤེགས་པའི་རིགས་སུ་བྱུང་བའི་དཔལ་གྱིས་སྨྲས་པ། ཀྱེ་རྒྱལ་བའི་སྲས་རྒྱ་
D44.037.0122b05.01མཚོ་ཆེན་པོ་དེ་ནི་དཔེས་བརྗོད་པར་ཡང་དཀའ་བ་ཙམ་དུ་རྒྱ་ཆེའོ། །བྱང་ཆུབ་སེམས་དཔའ་ཀུན་ཏུ་བཟང་པོས་སྨྲས་པ། ཀྱེ་རྒྱལ་བའི་སྲས་དེ་ལྟར་རྒྱ་མཚོ་ཆེན་པོ་ཚད་མེད་པ་དེས། དེ་བཞིན་གཤེགས་པའི་ཡེ་ཤེས་རྒྱ་མཚོ་ཡུལ་ཚད་མེད་པའི་
D44.037.0122b06.01བརྒྱའི་ཆར་ཡང་ཉེ་བར་མི་འགྲོ། །སྟོང་གི་ཆར་ཡང་ཉེ་བར་མི་འགྲོ་བ་ནས་རྒྱུར་བྱ་བའི་བར་དུ་ཡང་ཉེ་བར་མི་འགྲོའོ། །ཀྱེ་རྒྱལ་བའི་སྲས་འོན་ཀྱང་བསམ་པ་ཇི་ལྟ་བ་བཞིན་དུ་སེམས་ཅན་གྱིས། རྣམ་པར་རིག་པར་བྱ་བ་ཉེ་བར་བཟུང་སྟེ། རྒྱ་མཚོ་ཆེན་
D44.037.0122b07.01