完整藏文原文 · 德格版页 当前仅加载第 37 函德格 12a 版页；藏文 NFD、目录标记与异常页序保留在来源切片中，重复版页行以稳定序号区分。
ལྡན་འདས་རྣམས་ནི་ཆོས་ཀྱི་དབྱིངས་མ་ལུས་པ་ཐམས་ཅད་ཀྱི་སྔོན་གྱི་མཐའ་དང་། ཕྱི་མའི་མཐའ་དང་། ད་ལྟར་བྱུང་བའི་མཐའ་ལ་ཆགས་པ་མི་མངའ་བར་རྣམ་པར་སྤྱོད་པ་ཡིན། སངས་རྒྱས་བཅོམ་ལྡན་འདས་རྣམས་
D44.037.0012a01.01ནི་ཆོས་ཀྱི་དབྱིངས་མ་ལུས་པ་ཐམས་ཅད་ཙམ་གྱི་འཁོར་གྱི་དཀྱིལ་འཁོར་ན་བཞུགས་ཀྱང་ཆགས་པ་མི་མངའ་བར་རྣམ་པར་སྤྱོད་པ་ཡིན། སངས་རྒྱས་བཅོམ་ལྡན་འདས་རྣམས་ནི་སེམས་ཅན་མ་ལུས་པ་ཐམས་ཅད་ཀྱི་སེམས་དང་སྤྱོད་པ་ལ་གཟིགས་ཤིང་།
D44.037.0012a02.01ཐུགས་ཀྱི་སྐད་ཅིག་གཅིག་ལ་ཆོ་འཕྲུལ་ཆེན་པོ་གསུམ་གྱིས་སེམས་ཅན་རྣམ་པར་འདུལ་ཡང་ཆགས་པ་{མྱི་,མི་}མངའ་བར་རྣམ་པར་སྤྱོད་པ་ཡིན། སངས་རྒྱས་བཅོམ་ལྡན་འདས་རྣམས་ནི་སྐུ་གཅིག་གིས་ཀྱང་ཚད་{མྱེད་,མེད་}པ་བསམ་གྱིས་མི་ཁྱབ་པའི་སངས་
D44.037.0012a03.01རྒྱས་ཀྱི་རྣམ་པར་སྤྱོད་པ་ཆེན་པོར་རྣམ་པར་སྤྱོད་ཀྱང་ཆགས་པ་{མྱི་,མི་}མངའ་བར་རྣམ་པར་སྤྱོད་པ་ཡིན། སངས་རྒྱས་བཅོམ་ལྡན་འདས་རྣམས་ནི་སེམས་ཅན་གྱི་ཁམས་འབྱམ་ཀླས་པ་མ་ལུས་པ་ཐམས་ཅད་དུ་དེ་བཞིན་གཤེགས་པའི་ཆོས་མ་ལུས་པ་ཐམས་
D44.037.0012a04.01ཅད་ཀྱི་མཐར་ཐུག་པ་བསམ་གྱིས་{མྱི་,མི་}ཁྱབ་པར་སྟོན་ཅིང་གསུང་ཡང་ཆགས་པ་མི་མངའ་བར་རྣམ་པར་སྤྱོད་པ་ཡིན་ཏེ། ཀྱེ་རྒྱལ་བའི་སྲས་བཅུ་པོ་དེ་དག་ནི་སངས་རྒྱས་བཅོམ་ལྡན་འདས་རྣམས་ཀྱི་སངས་རྒྱས་ཀྱི་རྣམ་པར་སྤྱོད་པ་ཆགས་པ་མེད་པའོ། །
D44.037.0012a05.01ཀྱེ་རྒྱལ་བའི་སྲས་བཅུ་པོ་འདི་དག་ནི་སངས་རྒྱས་བཅོམ་ལྡན་འདས་རྣམས་ཀྱི་སངས་རྒྱས་ཀྱི་རྒྱན་མཆོག་དམ་པ་བླ་ན་མེད་པ་རྣམས་ཏེ། བཅུ་གང་ཞེ་ན། སངས་རྒྱས་བཅོམ་ལྡན་འདས་རྣམས་ཀྱི་སྐུ་མཚན་དང་དཔེ་བྱད་བཟང་པོ་སྣ་ཚོགས་ཀྱིས་རྣམ་པར་བརྒྱན་པ་
D44.037.0012a06.01ནི། སངས་རྒྱས་བཅོམ་ལྡན་འདས་རྣམས་ཀྱི་སྐུའི་རྒྱན་མཆོག་དམ་པ་བླ་ན་མེད་པའོ། །སངས་རྒྱས་བཅོམ་ལྡན་འདས་རྣམས་ཀྱི་གསུང་ཡན་ལག་གི་མཆོག་དམ་པ་དྲུག་ཅུ་དང་ལྡན་ཞིང་། ཡན་ལག་ལྔ་བརྒྱས་ཡོངས་སུ་བཟུང་བ་དང་།
D44.037.0012a07.01