完整藏文原文 · 德格版页 当前仅加载第 37 函德格 16a 版页；藏文 NFD、目录标记与异常页序保留在来源切片中，重复版页行以稳定序号区分。
ཞིར་བསྒྲུབ་པས་སངས་རྒྱས་ཀྱི་ཕྲིན་ལས་བསྒྲུབ་པ་ལ་མངའ་ཆེ་བ་སྟེ། འདི་ནི་སངས་རྒྱས་བཅོམ་ལྡན་འདས་རྣམས་ཀྱི་སངས་རྒྱས་ཀྱི་མངའ་ཆེན་པོས་མངའ་བསྒྱུར་བའི་ཆོས་བརྒྱད་པའོ། །སངས་རྒྱས་བཅོམ་ལྡན་འདས་རྣམས་ནི་རང་གི་སྐུའི་
D44.037.0016a01.01བ་སྤུའི་བུ་ག་གཅིག་གི་ནང་དུ་སེམས་ཅན་གྱི་ཁམས་མ་ལུས་པ་ཐམས་ཅད་གཟུད་པ་མཛད་ཅིང་ཁོངས་སུ་ཆུད་པར་མཛད་པ་དང་། སེམས་ཅན་རེ་རེ་ཞིང་ཡང་ལུས་སངས་རྒྱས་ཀྱི་ཞིང་བརྗོད་དུ་མེད་པ་ཙམ་དུ་ཡངས་པར་མཛད་ཀྱང་སེམས་ཅན་དེ་དག་ལ་གནོད་པ་དང་
D44.037.0016a02.01མི་བདེ་བར་མི་འགྱུར་བ་དང་། དེ་དག་ཏུ་ཡང་སེམས་ཅན་རེ་རེ་ཞིང་འཇིག་རྟེན་གྱི་ཁམས་གཅིག་ཏུ་བརྒྱུད་པས་བསྐལ་པ་གྲངས་མེད་པ་ཟད་པར་གནས་པར་བྱ་བ་དང་། འཇིག་རྟེན་གྱི་ཁམས་གྲངས་མེད་པར་གོམ་པ་གཅིག་གིས་ཕྱིན་པས། འཇིག་རྟེན་གྱི་
D44.037.0016a03.01ཁམས་དེ་དག་ཏུ་སངས་རྒྱས་བྱུང་བ་རྣམས་ཀྱི་སྤྱན་སྔར་འགྲོ་བར་བྱ་བ་དང་། སངས་རྒྱས་དེ་དག་བྱུང་བའི་ཚེ་ཡང་བརྗོད་དུ་མེད་པའི་འཇིག་རྟེན་གྱི་ཁམས་ཀྱི་རྒྱུད་དང་། གླིང་དེ་དག་ན་སེམས་ཅན་གྱི་གཙོ་བོ་བརྗོད་དུ་མེད་པའི་ཡང་བརྗོད་དུ་མེད་པའི་ཆོས་ཀྱི་
D44.037.0016a04.01འཁོར་ལོ་བསྐོར་བར་བྱ་བ་དང་། བ་སྤུའི་བུ་ག་དེ་ནས་སངས་རྒྱས་གཅིག་ནས་གཅིག་ཏུ་བརྒྱུད་པ་བརྗོད་དུ་མེད་པའི་ཡང་བརྗོད་དུ་མེད་པ་འབྱུང་བར་བྱ་བ་དང་། སེམས་ཅན་གཅིག་ནས་གཅིག་ཏུ་བརྒྱུད་པ་བརྗོད་དུ་མེད་པའི་ཡང་བརྗོད་དུ་མེད་པ་འབྱུང་བར་
D44.037.0016a05.01བྱ་བ་དང་། ཆོས་ཀྱི་འཁོར་ལོ་གཅིག་ནས་གཅིག་ཏུ་བརྒྱུད་པ་བརྗོད་དུ་མེད་པའི་ཡང་བརྗོད་དུ་མེད་པ་བསྐོར་བར་བྱ་བ་དང་། ཆོས་ཀྱི་དབྱིངས་བསྟན་པ་གཅིག་ནས་གཅིག་ཏུ་བརྒྱུད་པ་བརྗོད་དུ་མེད་པའི་ཡང་བརྗོད་དུ་མེད་པ་ཤིན་ཏུ་བསྟན་པར་བྱ་བ་དང་། འདས་པ་གཅིག་ནས་
D44.037.0016a06.01གཅིག་ཏུ་བརྒྱུད་པ་བརྗོད་དུ་མེད་པ་དང་། མ་འོངས་པ་གཅིག་ནས་གཅིག་ཏུ་བརྒྱུད་པ་བརྗོད་དུ་མེད་པ་དང་། ད་ལྟར་བྱུང་བ་གཅིག་ནས་གཅིག་ཏུ་བརྒྱུད་པ་བརྗོད་དུ་མེད་པ་ཡོངས་སུ་རྫོགས་པར་བྱ་བ་དང་། ནམ་མཁའི་དབྱིངས་མཐའ་དང་དབུས་མེད་པར་
D44.037.0016a07.01