完整藏文原文 · 德格版页 当前仅加载第 37 函德格 18b 版页；藏文 NFD、目录标记与异常页序保留在来源切片中，重复版页行以稳定序号区分。
པའི་མཐར་ཐུག་པ་སྟེ། དོར་བ་མེད་པའི་ཆོས་ཀྱི་གནས་ཀྱི་ཕ་རོལ་ཏུ་ཕྱིན་པ་ལ། བགྲང་བའི་ཚུལ་ལས་རྣམ་པར་འདས་ཀྱང་ཚུལ་དེས་བ་མེད་པའི་མཛོད་དུ་གྱུར་ཅིང་། བགྲང་བ་དང་མངོན་པར་བསྒྲུབ་པ་མཐའ་ཡས་པ་དང་། འཇིག་རྟེན་པ་དང་།
D44.037.0018b01.01འཇིག་རྟེན་ལས་འདས་པ་རྣམ་པ་སྣ་ཚོགས་ཐ་དད་པའི་གྲངས་ཀྱི་ཚུལ་ཐུགས་སུ་ཆུད་པ་ཡེ་ཤེས་བསྒྲིབས་པ་མེད་པས་གཟིགས་པ་རྣམས་ཏེ། ཆོས་ཀྱི་དབྱིངས་མ་ལུས་པ་ཐམས་ཅད་ཀྱི་སེམས་ཅན་གདུལ་བ་རྣམ་པར་དམིགས་པ་ལ། རྫུ་འཕྲུལ་སྣ་ཚོགས་
D44.037.0018b02.01ཚད་མེད་མུ་མེད་པར་མངོན་པར་སྒྲུབ་པར་མཛད་པ་འདི་ནི་སངས་རྒྱས་བཅོམ་ལྡན་འདས་རྣམས་ཀྱི་ཐབས་མཁས་པ་ལྔ་པའོ། །ཆོས་ཐམས་ཅད་ལྟ་བ་མེད་པས་ཐ་མི་དད་པ་དང་བྱེ་བྲག་མེད་པ་དང་། འབྱུང་བ་མེད་པ་དང་མཚན་ཉིད་མེད་པ་དང་། སྣ་ཚོགས་
D44.037.0018b03.01མེད་པ་དང་། བླང་བ་མེད་པ་དང་། དོར་བ་མེད་པ་དང་། རང་བཞིན་མེད་པར་རབ་ཏུ་མཁྱེན་ཀྱང་། ཆོས་ཀྱི་རྒྱུད་ཤིན་ཏུ་ངེས་པ་ཡང་དག་པར་སྒྲུབ་ཅིང་། འཇིག་རྟེན་གྱི་ཚུལ་དང་འགལ་བ་མེད་པ་དང་། རང་བཞིན་མེད་པ་ཡང་ཡང་དག་པར་གཟིགས་
D44.037.0018b04.01པས་ཐམས་ཅད་མཁྱེན་པ། ཐམས་ཅད་གཟིགས་པ་མཁྱེན་པར་བྱ་བ་ཐམས་ཅད་མ་ལུས་པར་གཟིགས་པས་ཆོས་ལ་མངའ་བསྒྱུར་བ་ཐམས་ཅད་ཀྱང་རབ་ཏུ་སྟོན་ལ། དེ་བཞིན་ཉིད་ཀྱི་རང་བཞིན་ལས་ཀྱང་མི་ཉམས་པ་འདི་ནི་སངས་རྒྱས་བཅོམ་
D44.037.0018b05.01ལྡན་འདས་རྣམས་ཀྱི་སངས་རྒྱས་ཀྱི་ཐབས་མཁས་པ་དྲུག་པའོ། །སངས་རྒྱས་བཅོམ་ལྡན་འདས་རྣམས་ནི་ཐུགས་སུ་ཆུད་པའི་རྣམ་པ་གཅིག་གིས་གཞན་དང་གཞན་མཁྱེན་པར་བྱ་བ་ཆོས་དེའི་སྐྱོན་མེད་པ་ལས་རྣམ་པར་མ་འདས་པ་གནས་མེད་པ་དགེ་
D44.037.0018b06.01བའི་རྩ་བ་རྣམ་པར་དག་པ་མཉམ་པ་ཉིད་ཀྱི་ཆོས་སྐྱོན་མེད་པས། དུས་ཐམས་ཅད་དུ་གནས་པ་རབ་ཏུ་མཁྱེན་ཏེ། དེ་ལ་ཡང་ཉི་མ་གཅིག་གམ། ཟླ་བ་ཕྱེད་དམ། ལོ་གཅིག་གམ། ལོ་བརྒྱ་འམ། བསྐལ་པ་འཇིག་པ་དང་། འདུ་
D44.037.0018b07.01