完整藏文原文 · 德格版页 当前仅加载第 37 函德格 127b 版页；藏文 NFD、目录标记与异常页序保留在来源切片中，重复版页行以稳定序号区分。
དེ་ཅིའི་ཕྱིར་ཞེ་ན། དེ་ནི་འདི་ལྟར་བྱང་ཆུབ་ལ་མཚན་ཉིད་མེད་པས། གང་ལ་མཚན་ཉིད་མེད་པ་དེ་ནི་མངོན་པར་རྫོགས་པའི་བྱང་ཆུབ་ལ་འགྲིབ་པ་མེད་དོ། །དེའི་མངོན་པར་རྫོགས་པའི་བྱང་ཆུབ་ལ་འཕེལ་བ་མེད་དོ། །ཀྱེ་རྒྱལ་བའི་སྲས་དེ་ལྟར་
D44.037.0127b01.01བྱང་ཆུབ་སེམས་དཔའ་སེམས་དཔའ་ཆེན་པོས་དེ་བཞིན་གཤེགས་པ་དགྲ་བཅོམ་པ་ཡང་དག་པར་རྫོགས་པའི་སངས་རྒྱས་རྣམས་ཀྱི་མངོན་པར་རྫོགས་པའི་བྱང་ཆུབ་ཁོང་དུ་ཆུད་པར་བྱའོ། །ཀྱེ་རྒྱལ་བའི་སྲས་དེ་བཞིན་གཤེགས་པ་རྣམས་མངོན་པར་
D44.037.0127b02.01སངས་རྒྱས་ནས་ཀྱང་། སྐད་ཅིག་ཡུད་ཙམ་ཐང་ཅིག་གིས་བློ་ཤིན་ཏུ་རྣམ་པར་སངས་རྒྱས་པའི་ཏིང་ངེ་འཛིན་ལ་སྙོམས་པར་འཇུག་སྟེ། དེ་དག་ཏིང་ངེ་འཛིན་དེ་ལ་སྙོམས་པར་ཞུགས་མ་ཐག་ཏུ་མངོན་པར་རྫོགས་པར་བྱང་ཆུབ་པའི་སྐུ་འབྱམ་
D44.037.0127b03.01ཀླས་པ་གཅིག་ལས། སྐུ་སེམས་ཅན་མ་ལུས་པ་ཐམས་ཅད་དང་མཉམ་པ་ཀུན་ནས་གནས་པར་འགྱུར་ཏེ། མངོན་པར་རྫོགས་པར་བྱང་ཆུབ་པའི་སྐུ་འབྱམ་ཀླས་པ་གཅིག་ལས་ཇི་ལྟ་བ་དེ་བཞིན་དུ་མངོན་པར་རྫོགས་པར་བྱང་ཆུབ་པའི་སྐུ་མ་ལུས་
D44.037.0127b04.01པ་ཐམས་ཅད་ཀྱི་སྒོ་ནས་ཀྱང་། སྐུ་སེམས་ཅན་མ་ལུས་པ་ཐམས་ཅད་དང་། མཉམ་པ་རེ་རེ་ཀུན་ནས་གནས་པར་འགྱུར་རོ། །ཀྱེ་རྒྱལ་བའི་སྲས་དེ་ལྟར་ན་མངོན་པར་རྫོགས་པའི་བྱང་ཆུབ་ཀྱི་སྒོ་ཡང་ཚད་མེད་པས། དེ་བཞིན་གཤེགས་
D44.037.0127b05.01པའི་སྐུའི་དབྱིབས་ཀྱང་ཚད་མེད་པ་ཉིད་དུ་ཤེས་པར་བྱ་སྟེ། དེའི་ཕྱིར་ན་དེ་བཞིན་གཤེགས་པའི་དབྱིངས་ཚད་མེད་ཅེས་བྱ། སེམས་ཅན་གྱི་ཁམས་ཚད་དུ་མ་བྱས་པ་ཞེས་བྱའོ། །ཀྱེ་རྒྱལ་བའི་སྲས་དེ་ལྟར་ན་བྱང་ཆུབ་སེམས་དཔའ་སེམས་
D44.037.0127b06.01དཔའ་ཆེན་པོས་དེ་བཞིན་གཤེགས་པ་དགྲ་བཅོམ་པ་ཡང་དག་པར་རྫོགས་པའི་སངས་རྒྱས་རྣམས་ཀྱི། མངོན་པར་རྫོགས་པར་བྱང་ཆུབ་ཁོང་དུ་ཆུད་པར་བྱ་སྟེ། སྐྲའི་རྩེ་མོ་གཅིག་ལ་ཡང་བྱང་ཆུབ་སེམས་དཔའ་སེམས་དཔའ་ཆེན་པོ་
D44.037.0127b07.01