完整藏文原文 · 德格版页 当前仅加载第 37 函德格 97a 版页；藏文 NFD、目录标记与异常页序保留在来源切片中，重复版页行以稳定序号区分。
འཁོར་དེ་ལས་སེམས་ཅན་བདེ་བར་བྱེད་པ་ཞེས་པའི་ནོར་བུ་རིན་པོ་ཆེའི་ཆར་འབབ་པར་འགྱུར་ཏེ། དེས་སེམས་ཅན་དེ་དག་ཀྱང་རབ་ཏུ་བདེ་བར་འགྱུར་ལ་སྡུག་བསྔལ་ཡང་རྒྱུན་ཆད་པར་འགྱུར་རོ། །ཀྱེ་རྒྱལ་བའི་སྲས་ལྟོས་དང་། ནོར་བུ་
D44.037.0097a01.01རིན་པོ་ཆེ་དེ་ཆོས་ཅི་ལ་ཡང་མི་རྟོག་ན་འོན་ཀྱང་དོན་ཆེན་པོ་རབ་ཏུ་སྒྲུབ་བོ། །ཀྱེ་རྒྱལ་བའི་སྲས་དེ་བཞིན་དུ་དེ་བཞིན་གཤེགས་པ་ལ་ཡང་སྐུ་རིན་པོ་ཆེ་ཆེན་པོ་བསོད་ནམས་ཐམས་ཅད་ཡོངས་སུ་བསྡུས་པས། ཡེ་ཤེས་ཆེན་པོའི་སྙིང་པོ་དང་ལྡན་པ་མངའ་སྟེ། དེ་བཞིན་
D44.037.0097a02.01གཤེགས་པའི་སྐུ་རིན་པོ་ཆེའི་ཡེ་ཤེས་ཀྱི་འོད་ཟེར་དེ་དག་གིས་སེམས་ཅན་ཇི་སྙེད་ལ་རེག་པར་གྱུར་པ་དེ་དག་ཐམས་ཅད་ཀྱང་འདི་ལྟ་སྟེ། དེ་བཞིན་གཤེགས་པའི་སྐུའི་ཁ་དོག་ཏུ་ཁ་དོག་གཅིག་པར་འགྱུར་རོ། །སེམས་ཅན་གང་གིས་དེ་བཞིན་གཤེགས་པའི་སྐུ་མཐོང་བར་
D44.037.0097a03.01གྱུར་པ་དེ་དག་གི་ཆོས་ཀྱི་མིག་ཀྱང་རྣམ་པར་དག་པར་འགྱུར་རོ། །དེ་བཞིན་གཤེགས་པའི་སྐུ་རིན་པོ་ཆེའི་འོད་ཟེར་གྱི་དྲ་བའི་དཀྱིལ་འཁོར་གྱིས། སེམས་ཅན་ཇི་སྙེད་ལ་རེག་པ་དེ་དག་ཐམས་ཅད་ཀྱང་དབུལ་བ་དང་ཡོངས་སུ་བྲལ་བར་འགྱུར་ཏེ། བྱང་
D44.037.0097a04.01ཆུབ་ཀྱི་སྒོའི་བར་གྱི་དེ་བཞིན་གཤེགས་པའི་བདེ་བའང་རབ་ཏུ་འཐོབ་པར་འགྱུར་རོ། །ཀྱེ་རྒྱལ་བའི་སྲས་ལྟོས་དང་། དེ་བཞིན་གཤེགས་པའི་སྐུ་ཆོས་གང་ལ་ཡང་རྟོག་པ་མི་མངའ་སྟེ། སྤྲོས་པ་མི་མངའ་ཡང་འགྲོ་བ་ཐམས་ཅད་ཀྱི་དོན་ཡོངས་སུ་འཐོབ་
D44.037.0097a05.01པར་མཛད་དོ། །ཀྱེ་རྒྱལ་བའི་སྲས་བྱང་ཆུབ་སེམས་དཔའ་སེམས་དཔའ་ཆེན་པོས་ཁོང་དུ་ཆུད་པར་བྱ་བའི་སྒོ་དགུ་པ་འདིས་ཀྱང་། དེ་བཞིན་གཤེགས་པའི་སྐུ་བལྟར་ཡོད་པར་ཤེས་པར་བྱའོ། །ཀྱེ་རྒྱལ་བའི་སྲས་གཞན་ཡང་འདི་ལྟ་སྟེ་དཔེར་ན། རྒྱ་མཚོ་
D44.037.0097a06.01ཆེན་པོའི་ནང་ན་རིན་པོ་ཆེའི་རྒྱལ་པོ་ཆེན་པོ་ཡིད་བཞིན་གྱི་ནོར་བུ་འགྲོ་བ་ཐམས་ཅད་ཀྱི་རྒྱན་གྱི་སྙིང་པོ་ཞེས་བྱ་བ་ཡོད་དེ། རིན་པོ་ཆེའི་རྒྱལ་པོ་དེ་ནི་ཡོན་ཏན་བརྒྱ་སྟོང་ཕྲག་བཅུ་དང་ལྡན་པ་སྟེ། ནོར་བུ་རིན་པོ་ཆེའི་རྒྱལ་པོ་དེ་གང་ན་འདུག་པ་དེ་འཁོར་གྱི་སེམས་ཅན་ཀུན་
D44.037.0097a07.01