完整藏文原文 · 德格版页 当前仅加载第 37 函德格 81b 版页；藏文 NFD、目录标记与异常页序保留在来源切片中，重复版页行以稳定序号区分。
དེ་བཞིན་གཤེགས་པའི་ཡེ་ཤེས་ཀྱི་རླུང་གི་དཀྱིལ་འཁོར་ཆེན་པོ་ཡོངས་སུ་བསྔོ་བ་ལ་མཁས་པ་ཞེས་བྱ་བ་ཡོད་དེ། །དེ་ནི་དགེ་བའི་རྩ་བ་ཐམས་ཅད་ཡོངས་སུ་བསྔོ་བའི་ཕྱིར་ལྡང་ངོ་། །དེ་བཞིན་གཤེགས་པའི་ཡེ་ཤེས་ཀྱི་རླུང་གི་དཀྱིལ་འཁོར་ཆེན་པོ་སྤྲུལ་
D44.037.0081b01.01བའི་རྒྱན་རྣམ་པར་བཀོད་པ་རྣམ་པར་འབྱེད་ཅིང་རྣམ་པར་འགོད་པ་ཞེས་བྱ་བ་ཡོད་དེ། །དེ་ནི་སེམས་ཅན་སྔོན་ཡོངས་སུ་སྨིན་པར་བྱས་པ་རྣམས་ཀྱི་རྐྱེན་དུ་བྱུང་བའི་དགེ་བའི་རྩ་བ་ཡོངས་སུ་དག་པ་དང་། དེ་བཞིན་གཤེགས་པའི་དགེ་བའི་རྩ་བ་ཟག་པ་མེད་
D44.037.0081b02.01པའི་སྟོབས་དང་ཤུགས་ཀྱི་ཕྱིར་ལྡང་ངོ་། །ཀྱེ་རྒྱལ་བའི་སྲས་དག་དེ་དག་ལ་{སྩོགས་,སོགས་}པའི་རྣམ་པ་ཚད་མེད་པ་དང་། ཡང་དག་པར་བསྒྲུབས་པ་ཚད་མེད་པས། དེ་བཞིན་གཤེགས་པ་དགྲ་བཅོམ་པ་ཡང་དག་པར་རྫོགས་པའི་སངས་རྒྱས་རྣམས་ཆོས་ཉིད་
D44.037.0081b03.01རབ་ཏུ་ཐོབ་པའི་ཕྱིར་འབྱུང་བར་འགྱུར་ཏེ། དེ་ལ་འབྱུང་བར་བྱེད་པའམ་སྐྱེ་བར་བྱེད་པ་གང་ཡང་མེད་དེ། འབྱུང་ཡང་མེད་པའང་མ་ཡིན་ནོ། །དེ་ལྟར་རྒྱལ་བའི་སྲས་དག་དཔེའི་སྒོ་དང་པོས་ཁོང་དུ་ཆུད་པར་བྱ་བ་འདིས། བྱང་ཆུབ་སེམས་དཔའ་སེམས་དཔའ་
D44.037.0081b04.01ཆེན་པོས་དེ་བཞིན་གཤེགས་པ་དགྲ་བཅོམ་པ་ཡང་དག་པར་རྫོགས་པའི་སངས་རྒྱས་སྐྱེ་བ་འབྱུང་བ་ཁོང་དུ་ཆུད་པར་བྱའོ། །ཀྱེ་རྒྱལ་བའི་སྲས་དག་གཞན་ཡང་འདི་ལྟ་སྟེ་དཔེར་ན། སྟོང་གསུམ་གྱི་སྟོང་ཆེན་པོའི་འཇིག་རྟེན་གྱི་ཁམས་ཡོངས་སུ་འབྱུང་བར་
D44.037.0081b05.01འགྱུར་བའི་ཚེ། །གཅིག་ཏུ་སྟུག་ཅིང་ཐ་མི་དད་པ་ཞེས་བྱ་བའི་སྤྲིན་ཆེན་པོའི་ཆར་འབབ་སྟེ། དེ་ནི་སྟོང་གསུམ་གྱི་སྟོང་ཆེན་པོ་ཡོངས་སུ་གྲུབ་པའི་རླུང་གི་དཀྱིལ་འཁོར་མ་གཏོགས་པར་སའི་ཕྱོགས་གཞན་གྱིས་གཟུང་བའམ་བཟོད་པར་མི་ནུས་སོ། །
D44.037.0081b06.01ཀྱེ་རྒྱལ་བའི་སྲས་དག་དེ་བཞིན་དུ་དེ་བཞིན་གཤེགས་པ་དགྲ་བཅོམ་པ་ཡང་དག་པར་རྫོགས་པའི་སངས་རྒྱས་རྣམས་འབྱུང་བའི་ཚེ། དེ་བཞིན་གཤེགས་པའི་རིགས་ཐ་མི་དད་པ་ཞེས་པའི་ཆོས་ཀྱི་སྤྲིན་ཆེན་པོའི་ཆར་འབབ་སྟེ། དེ་ནི་བྱང་ཆུབ་སེམས་དཔའ་
D44.037.0081b07.01