完整藏文原文 · 德格版页 当前仅加载第 37 函德格 45b 版页；藏文 NFD、目录标记与异常页序保留在来源切片中，重复版页行以稳定序号区分。
མཆེད་པ་དང་། རིན་པོ་ཆེའི་སྤྲིན་གྱི་སྒྲོན་མའི་སྤྲིན་ཅེས་བྱ་བ་མངའ་བ་དང་། དེ་བཞིན་གཤེགས་པའི་དབུ་ལ་དེ་བཞིན་གཤེགས་པའི་མཚན་ཡེ་ཤེས་ཀུན་ཏུ་ཡངས་པའི་སངས་རྒྱས་ཀྱི་ས་དང་། བྱང་ཆུབ་སེམས་དཔའི་འཁོར་གྱི་དཀྱིལ་
D44.037.0045b01.01འཁོར་དང་། ཆོས་རྒྱ་མཚོའི་ལམ་ཚད་མང་པ་དང་། ཞིང་གི་དཀྱིལ་འཁོར་དང་། བྱང་ཆུབ་སེམས་དཔའི་བསྔོ་བ་སེམས་ཅན་གྱི་རྒྱུད་ཐམས་ཅད་ཀྱི་བསམ་པ་ཇི་བཞིན་དུ་སངས་རྒྱས་ཀྱི་སྤྱོད་ཡུལ་གྱིས་ཞུགས་པ་དང་། བྱང་ཆུབ་སེམས་དཔའ་ཀུན་ཏུ་བཟང་
D44.037.0045b02.01པོའི་སྨོན་ལམ་དང་སྤྱོད་པའི་ང་རོས་སངས་རྒྱས་ཀྱི་ཡེ་ཤེས་གཞི་ཀུན་གྱིས་མཐར་ཐུག་ཅིང་ཐམས་ཅད་མངོན་པར་མཁྱེན་པས་ཆོས་ཀྱི་དབྱིངས་ཀྱི་གཞི་ཀུན་ཏུ་ཐུག་པར་འབྱུང་བའི་སྤྲིན་ཅེས་བྱ་བ་མངའ་བ་དང་། དེ་བཞིན་གཤེགས་པའི་དབུ་ལ་དེ་བཞིན་གཤེགས་པའི་
D44.037.0045b03.01མཚན་ཆོས་ཀྱི་དབྱིངས་དང་ནམ་མཁའི་དབྱིངས་ཐམས་ཅད་དུ་རིན་པོ་ཆེ་སྣང་བའི་སྤྲིན་ཡིད་དུ་འོང་བ། །སྙིང་པོ་བྱང་ཆུབ་ཀྱི་གཟུགས་བརྙན་ཡོངས་སུ་སྟོན་པར་མངོན་པར་འཕགས་པས་བྱང་ཆུབ་སེམས་དཔའ་དང་། དེ་བཞིན་གཤེགས་པའི་སྐུ་ཡང་དག་པར་
D44.037.0045b04.01སྟོན་པའི་སྤྲིན་ཀུན་ཏུ་བཀྱེ་བས་འཇིག་རྟེན་གྱི་ཁམས་རྒྱ་མཚོ་ཐམས་ཅད་དུ་སྤྲིན་གྱི་འོད་དུ་གནས་པ་ཞེས་བྱ་བ་མངའ་བ་དང་། དེ་བཞིན་གཤེགས་པའི་དབུ་ལ་དེ་བཞིན་གཤེགས་པའི་མཚན་གཙུག་ཏོར་འོད་ཀུན་ཏུ་སྣང་བ་ཚད་མེད་པ་སྟོན་པས། བྱང་ཆུབ་སེམས་དཔའ་དང་
D44.037.0045b05.01དེ་བཞིན་གཤེགས་པའི་འོད་རྣམ་པར་དག་པ་དང་། དེ་བཞིན་གཤེགས་པའི་འོད་རྣམ་པར་གནོན་པ་དང་། གཟི་ཆེན་པོས་ཆོས་ཀྱི་དབྱིངས་ཀྱི་གཞི་ཀུན་ཏུ་སྣང་བའི་རིན་པོ་ཆེའི་རྒྱལ་པོ་ལྟར་འོད་ཀུན་ནས་འབྱུང་བ་ཡོངས་སུ་གྲུབ་སྟེ། ཆོས་ཀྱི་དབྱིངས་ཐམས་ཅད་དུ་འོད་ཟེར་གྱི་སྤྲིན་དང་།
D44.037.0045b06.01འོད་ཀྱི་རྒྱན་ཕྱོགས་ཐམས་ཅད་སྣང་བས་རྣམ་པར་སྣང་བར་བྱུང་ཞིང་། བྱང་ཆུབ་སེམས་དཔའ་རྒྱ་མཚོ་དང་། དེ་བཞིན་གཤེགས་པའི་སྟོབས་ཤིན་ཏུ་འཕེལ་བའི་མཐུ་དང་། སངས་རྒྱས་ཀྱི་རྣམ་པར་གནོན་པའི་སྤྲིན་གྱིས། ཕྱོགས་བཅུའི་ཞིང་གི་དྲ་བ་དང་།
D44.037.0045b07.01