完整藏文原文 · 德格版页 当前仅加载第 37 函德格 356b 版页；藏文 NFD、目录标记与异常页序保留在来源切片中，重复版页行以稳定序号区分。
སེམས་དཔའ་སངས་རྒྱས་ཀྱི་ཞིང་གྲངས་མེད་པའི་རྡུལ་ཤིན་ཏུ་ཕྲ་བ་སྙེད་བྱུང་ནས། བྱང་ཆུབ་སེམས་དཔའ་རྣམས་ཀྱི་རྗེས་སུ་དྲན་པའི་ལམ་ལ་སེམས་ཅན་ཐམས་ཅད་རབ་ཏུ་དགོད་ཅིང་སྒྲིབ་པ་དང་། བར་དུ་གཅོད་པ་དང་། རབ་རིབ་ཐམས་ཅད་རྣམ་
D44.037.0356b01.01པར་སེལ་བ་དང་། རློམ་པ་དང་བག་མེད་པ་ཐམས་ཅད་ལས་སེམས་ཅན་རྣམ་པར་བཟློག་པ་དང་། བག་ཡོད་པའི་ཆོས་ལ་རབ་ཏུ་དགོད་པ་དང་། ཁེངས་པ་འགྱིང་བ་དང་། ང་རྒྱལ་གྱི་རྒྱལ་མཚན་རབ་ཏུ་སྙོལ་བ་དང་། སངས་རྒྱས་ཀྱི་བསམ་
D44.037.0356b02.01གཏན་གྱི་ཡན་ལག་རྒྱ་མཚོ་བརྗོད་པ་དང་། འཇིག་རྟེན་རྣམས་ལ་བསམ་གཏན་གྱི་ཕ་རོལ་ཏུ་ཕྱིན་པ་ཡོངས་སུ་བསྔགས་པ་དང་། བ་སྤུའི་བུ་ག་ཐམས་ཅད་ནས་བསམ་གཏན་གྱི་ཕ་རོལ་ཏུ་ཕྱིན་པ་དང་ལྡན་པའི་སྔོན་གྱི་ཚུལ་མང་པོའི་སྤྲིན་རབ་ཏུ་དགྱེ་
D44.037.0356b03.01བ་དང་། སེམས་ལ་དབང་བསྒྱུར་བ་ལ་སེམས་ཅན་རབ་ཏུ་དགོད་པ་བྱེད་ཅིང་སྐད་ཅིག་རེ་རེ་ལ་ཆོས་ཀྱི་དབྱིངས་རྒྱས་པར་འགེངས་པ་མཐོང་ངོ་། །ཡང་བྱང་ཆུབ་སེམས་དཔའ་སངས་རྒྱས་ཀྱི་ཞིང་གྲངས་མེད་པའི་རྡུལ་ཤིན་ཏུ་ཕྲ་བ་སྙེད་
D44.037.0356b04.01བྱུང་སྟེ། བ་སྤུའི་བུ་ག་ཐམས་ཅད་ནས་སངས་རྒྱས་ཀྱི་ཆོས་ཡོངས་སུ་ཚོལ་བ་དང་ལྡན་པའི་སྔོན་གྱི་སྦྱོར་བ་མང་པོའི་སྤྲིན་རབ་ཏུ་དགྱེ་བ་དང་། དབྱངས་ཀྱི་ཡན་ལག་རྒྱ་མཚོའི་སྐད་ཐམས་ཅད་ཀྱིས་ཤེས་རབ་ཀྱི་ཕ་རོལ་ཏུ་ཕྱིན་པའི་སྤྲིན་གྱི་འབྲུག་སྒྲ་སྒྲོག་པ་དང་།
D44.037.0356b05.01ཡང་དག་པར་ལྟ་བའི་གློག་རབ་ཏུ་འགྱེད་པ་དང་། ཆོས་ཀྱི་རང་བཞིན་གྱི་སྒྲ་དབྱངས་རབ་ཏུ་བསྒྲག་པ་དང་། སེམས་ཅན་རྣམས་ཀྱི་བདག་ཏུ་ལྟ་བའི་རིའི་ལྷུན་རབ་ཏུ་གཞིག་པ་དང་། ལྟ་བ་ཐམས་ཅད་ཀྱི་ཟུག་རྔུ་དབྱུང་བ་དང་། ཐེ་ཙོམ་དང་ཡིད་
D44.037.0356b06.01གཉིས་དང་ནེམ་ནུར་གྱི་རབ་རིབ་རྣམ་པར་བསྩལ་བ་དང་། ཡེ་ཤེས་ཀྱི་དབང་ཡང་དག་པར་བསྔགས་པ་བྱེད་ཅིང་། སེམས་ཀྱི་སྐད་ཅིག་རེ་རེ་ལ་ཆོས་ཀྱི་དབྱིངས་རྒྱས་པར་འགེངས་པ་མཐོང་ངོ་། །ཡང་བྱང་ཆུབ་སེམས་དཔའ་སངས་རྒྱས་ཀྱི་ཞིང་
D44.037.0356b07.01