完整藏文原文 · 德格版页 当前仅加载第 37 函德格 184b 版页；藏文 NFD、目录标记与异常页序保留在来源切片中，重复版页行以稳定序号区分。
ལྟ་བུ་དྲུག་པའོ། །ཀྱེ་རྒྱལ་བའི་སྲས་གཞན་ཡང་བྱང་ཆུབ་སེམས་དཔའ་མ་འོངས་པའི་བསྐལ་པ་ལ་འཇུག་ཅིང་། རྣམ་པར་དཔྱོད་ལ་སེམས་ཤིང་རྟོག་སྟེ། མ་འོངས་པའི་དུས་ཀྱི་བསྐལ་བ་གང་དང་གང་ནི་སངས་རྒྱས་དང་བཅས་པར་འགྱུར། །བསྐལ་པ་གང་དང་
D44.037.0184b01.01གང་ནི་སངས་རྒྱས་མི་བཞུགས་པར་འགྱུར། །བསྐལ་པ་དེ་དག་ལ་འང་སངས་རྒྱས་བཅོམ་ལྡན་འདས་ནི་ཇི་སྙེད་ཅིག་འབྱུང་། །དེ་བཞིན་གཤེགས་པ་དེ་དག་གི་མཚན་ནི་ཅི་ཞེས་བྱ་བར་འགྱུར། །འཇིག་རྟེན་གྱི་ཁམས་ནི་གང་དུ་མིང་ནི་ཅི་ཞེས་བྱ་བ་ཞིག་ཏུ་སེམས་ཅན་ནི་ཇི་
D44.037.0184b02.01སྙེད་ཅིག་ཡོངས་སུ་སྨིན་པར་མཛད་པར་འགྱུར། །དེ་བཞིན་གཤེགས་པ་དེ་དག་ནི་སྐུ་ཚེའི་ཚད་ཇི་ཙམ་དང་ལྡན་པ་ཞིག་ཏུ་འགྱུར་ཞེས་བསྐལ་པ་གཅིག་ནས་གཅིག་ཏུ་བརྒྱུད་པ་དང་། གཅིག་ནས་གཅིག་ཏུ་འབྲེལ་བ་ཐམས་ཅད་ལ་རྟོག་སྟེ། དེ་ལྟར་འཇུག་ཅིང་རྟོག་
D44.037.0184b03.01པས་བསྐལ་པ་བརྗོད་དུ་མེད་པ་ཟད་པར་བྱེད་ཀྱང་ཕྱི་མའི་མཐའི་མུར་ཐུག་པའི་དུས་ལ་འཇུག་པས་ངོམས་པར་མི་འགྱུར་བ་འདི་ནི་བླ་ན་མེད་པ་ཡང་དག་པར་རྫོགས་པའི་བྱང་ཆུབ་ཏུ་ཡེ་ཤེས་གྱིས་འཇུག་པ་རྒྱ་མཚོ་ལྟ་བུ་བདུན་པའོ། །ཀྱེ་རྒྱལ་བའི་སྲས་གཞན་ཡང་བྱང་
D44.037.0184b04.01ཆུབ་སེམས་དཔའ་ད་ལྟར་བྱུང་བའི་དུས་ལ་འཇུག་ཅིང་རྟོག་སྟེ། ཕྱོགས་སྣ་ཚོགས་ལ་འཇུག་པར་བྱ་བ་དང་། ཕྱོགས་བཅུ་རྣམ་པར་གནས་པ་དང་། ཕྱོགས་ཀྱི་རྒྱུད་བསྟན་པ་མཐའ་ཡས་པ་དང་། ཕྱོགས་ཀྱི་དྲ་བ་དང་། ཕྱོགས་ཀྱི་དྲ་བའི་རྒྱུད་རྣམ་པར་
D44.037.0184b05.01ཐ་དད་པ་ཐམས་ཅད་བསྟན་པ་དག་ཏུ་སངས་རྒྱས་བཅོམ་ལྡན་འདས་དག་བླ་ན་མེད་པ་ཡང་དག་པར་རྫོགས་པའི་བྱང་ཆུབ་ཏུ་མངོན་པར་སངས་རྒྱས་པ་དང་། མངོན་པར་འཚང་རྒྱ་བ་དང་། མངོན་པར་རྒྱ་བར་འགྱུར་བ་དང་། སྙིང་པོ་བྱང་ཆུབ་ཀྱི་ཤིང་དྲུང་དུ་
D44.037.0184b06.01གཤེགས་པ་དང་། བྱང་ཆུབ་ཀྱི་གཞི་ལ་ཉུག་པ་དང་། བཞུགས་པ་དང་། བདུད་ཀྱི་དཀྲུགས་མ་རབ་ཏུ་ཕམ་པར་མཛད་པ་དང་། རྣམ་པར་འཚང་རྒྱ་བ་དང་། བཞེངས་པ་དང་། གྲོང་རྡལ་ཏུ་གཤེགས་པ་དང་། ལྷའི་གནས་སུ་ཆོས་སྟོན་པ་དང་། ཆོས་ཀྱི་
D44.037.0184b07.01