完整藏文原文 · 德格版页 当前仅加载第 37 函德格 175b 版页；藏文 NFD、目录标记与异常页序保留在来源切片中，重复版页行以稳定序号区分。
དེ་བཞིན་གཤེགས་པའི་ཡེ་ཤེས་ཆེན་པོས་རྣམ་པར་གཟིགས་པ་བླ་ན་མེད་པ་འཐོབ་པར་འགྱུར་བ་དག་གོ། །ཀྱེ་རྒྱལ་བའི་སྲས་བཅུ་པོ་འདི་དག་ནི་བྱང་ཆུབ་སེམས་དཔའ་རྣམས་ཀྱི་ཆོས་ཤིན་ཏུ་བསྟན་པ་སྟེ། བཅུ་གང་ཞེ་ན། འདི་ལྟར་ཆོས་ཐམས་ཅད་རྟེན་ཅིང་
D44.037.0175b01.01འབྲེལ་བར་འབྱུང་བར་བསྟན་པ་དང་། ཆོས་ཐམས་ཅད་སྒྱུ་མ་ལྟ་བུར་བསྟན་པ་དང་། ཆོས་ཐམས་ཅད་ཉོན་མོངས་པ་མེད་པར་བསྟན་པ་དང་། ཆོས་ཐམས་ཅད་མཐའ་དང་དབུས་མེད་པར་བསྟན་པ་དང་། ཆོས་ཐམས་ཅད་གནས་མེད་པར་བསྟན་པ་དང་། ཆོས་
D44.037.0175b02.01ཐམས་ཅད་རྡོ་རྗེ་ལྟ་བུར་བསྟན་པ་དང་། ཆོས་ཐམས་ཅད་དེ་བཞིན་གཤེགས་པར་བསྟན་པ་དང་། ཆོས་ཐམས་ཅད་རབ་ཏུ་ཞི་བར་བསྟན་པ་དང་། ཆོས་ཐམས་ཅད་འབྱུང་བའི་ལམ་དུ་བསྟན་པ་དང་། ཆོས་ཐམས་ཅད་དོན་གཅིག་པའི་རང་བཞིན་ཡོངས་སུ་མ་གྲུབ་
D44.037.0175b03.01པར་བསྟན་པའོ། །ཀྱེ་རྒྱལ་བའི་སྲས་བཅུ་པོ་དེ་དག་ནི་བྱང་ཆུབ་སེམས་དཔའ་རྣམས་ཀྱི་ཆོས་ཤིན་ཏུ་བསྟན་པ་སྟེ། དེ་དག་ལ་གནས་ཤིང་བྱང་ཆུབ་སེམས་དཔའ་རྣམས་ཆོས་ཐམས་ཅད་ཤིན་ཏུ་བསྟན་པ་ལ་མཁས་པ་འཐོབ་པར་འགྱུར་བ་དག་གོ །ཀྱེ་
D44.037.0175b04.01རྒྱལ་བའི་སྲས་བཅུ་པོ་འདི་དག་ནི་བྱང་ཆུབ་སེམས་དཔའ་རྣམས་ཀྱི་ཡོངས་སུ་དག་པ་སྟེ། བཅུ་གང་ཞེ་ན། འདི་ལྟར་ལྷག་པའི་བསམ་པ་ཡོངས་སུ་དག་པ་དང་། ཐེ་ཙོམ་དང་ཡིད་གཉིས་རྣམ་པར་འཐོར་བ་ཡོངས་སུ་དག་པ་དང་། ལྟ་བ་ཡོངས་སུ་དག་
D44.037.0175b05.01པ་དང་། སྤྱོད་ཡུལ་ཡོངས་སུ་དག་པ་དང་། ཐམས་ཅད་མཁྱེན་པ་ཉིད་ལ་མོས་པ་ཡོངས་སུ་དག་པ་དང་། སོ་སོ་ཡང་དག་པར་རིག་པ་ཡོངས་སུ་དག་པ་དང་། མི་འཇིགས་པ་ཡོངས་སུ་དག་པ་དང་། བྱང་ཆུབ་སེམས་དཔའ་ཐམས་ཅད་ཀྱི་ཡེ་
D44.037.0175b06.01ཤེས་ཀྱིས་རྣམ་པར་སྤྱོད་པ་ཡོངས་སུ་དག་པ་དང་། བྱང་ཆུབ་སེམས་དཔའི་ཡང་དག་པར་དམ་བཅས་པ་ཐམས་ཅད་ཡང་དག་པར་བསྒྲུབ་པ་ཡོངས་སུ་དག་པ་དང་། བསོད་ནམས་བརྒྱ་བའི་མཚན་གྱི་མི་ཆེན་པོའི་མཚན་སུམ་ཅུ་རྩ་གཉིས་དང་ལྡན་ཞིང་
D44.037.0175b07.01