完整藏文原文 · 德格版页 当前仅加载第 37 函德格 352a 版页；藏文 NFD、目录标记与异常页序保留在来源切片中，重复版页行以稳定序号区分。
ལྷའི་ལུས་ཀྱི་སྤྲིན་གྱི་མེ་ཏོག་དང་། ཕྲེང་བ་དང་། གདུགས་དང་། རྒྱལ་མཚན་དང་། ལྷའི་བ་དན་བསམ་གྱིས་མི་ཁྱབ་པའི་རྒྱན་དང་། ལྷའི་བུ་མོ་མང་པོའི་ལུས་ཀྱི་སྤྲིན་ཐལ་མོ་སྦྱར་ཏེ། གསེར་གྱི་མེ་ཏོག་སྙིམ་པས་འདོར་བ། དེ་བཞིན་གཤེགས་པ་
D44.037.0352a01.01ལ་ཡོན་ཏན་དང་། ལེགས་པ་ཐམས་ཅད་དུ་བསྟོད་པའི་སྤྲིན་གྱི་འབྲུག་སྒྲ་འབྱིན་ཅིང་ཆར་འབེབས་པ། བསམ་གྱིས་མི་ཁྱབ་པའི་རྒྱན་ནམ་མཁའི་དབྱིངས་ལ་བྱིན་གྱིས་རློབ་ཅིང་། སྤོས་ཀྱི་ཕུང་པོའི་སྤྲིན་རིན་པོ་ཆེ་ཐམས་ཅད་ཀྱི་ཁ་དོག་ཏུ་འདུག་པ་དང་། བདུག་
D44.037.0352a02.01སྤོས་ཀྱི་ན་བུན་དང་སྤྲིན་ཤིན་ཏུ་རྒྱ་ཆེ་བས་དེ་བཞིན་གཤེགས་པ་ཐམས་ཅད་ཀྱི་འཁོར་གྱི་དཀྱིལ་འཁོར་མངོན་པར་ཁེབས་པར་བྱ་བ་དང་། འཇིག་རྟེན་གྱི་ཁམས་འབྱམ་ཀླས་པ་ཐམས་ཅད་རབ་ཏུ་བརྒྱན་པ་དང་། སེམས་ཅན་ཐམས་ཅད་རབ་ཏུ་དགའ་བར་བྱ་བ་དང་།
D44.037.0352a03.01སངས་རྒྱས་ཐམས་ཅད་མཆོད་པས་སྐད་ཅིག་སྐད་ཅིག་ཏུ་ཆོས་ཀྱི་དབྱིངས་ཐམས་ཅད་རྒྱས་པར་འགེངས་པ་ཚོང་དཔོན་གྱི་བུ་ནོར་{བཟངས་ཀྱིས་,བཟང་གིས་}མཐོང་ངོ་། །མཐོང་ཀའི་དཔལ་གྱི་བེའུ་ནས་ལྷ་མ་ཡིན་གྱི་དབང་པོ་སངས་རྒྱས་ཀྱི་ཞིང་གྲངས་མེད་པའི་རྡུལ་ཤིན་
D44.037.0352a04.01ཏུ་ཕྲ་བ་སྙེད་བྱུང་སྟེ། ལྷ་མ་ཡིན་གྱི་སྒྱུས་རྣམ་པར་འཕྲུལ་པ་བསམ་གྱིས་མི་ཁྱབ་པ་རབ་ཏུ་སྟོན་ཅིང་ཆུ་འཛིན་ཆེན་པོ་ཡོངས་སུ་བསྐྱམ་པ་དང་། འཇིག་རྟེན་གྱི་ཁམས་བརྒྱ་སྟོང་རབ་ཏུ་བསྐྱོད་པ་དང་། རིའི་རྒྱལ་པོ་ཆེན་པོ་ཐམས་ཅད་འཐབ་པར་བྱ་བ་དང་།
D44.037.0352a05.01ལྷའི་གནས་ཐམས་ཅད་ཡོངས་སུ་བསྐྱོད་པ་དང་། བདུད་ཀྱི་དཀྱིལ་འཁོར་ཐམས་ཅད་ཟིལ་གྱིས་གནན་པ་དང་། བདུད་ཀྱི་སྡེ་ཐམས་ཅད་རབ་ཏུ་གདུལ་བ་དང་། ང་རྒྱལ་དང་རློམ་པ་དང་དྲེགས་པ་ཐམས་ཅད་རབ་ཏུ་གཞོམ་པ་དང་། གནོད་པར་སེམས་
D44.037.0352a06.01པའི་སེམས་བཟློག་ཅིང་དགའ་བར་བྱ་བ་དང་། འཐོ་འཚམ་པའི་སེམས་ཕྱིར་བཟློག་པར་བྱ་བ་དང་། སེམས་ཅན་རྣམས་ཀྱིས་མི་དགེ་བའི་ཆོས་རབ་ཏུ་ཞི་བར་བྱ་བ་དང་། ཉོན་མོངས་པའི་རི་རྣམ་པར་གཏོར་བ་དང་། ཉོན་མོངས་པའི་ཐབ་མོ་ཤིན་ཏུ་ཞི་བར་བྱ་བ་
D44.037.0352a07.01