完整藏文原文 · 德格版页 当前仅加载第 37 函德格 92b 版页；藏文 NFD、目录标记与异常页序保留在来源切片中，重复版页行以稳定序号区分。
ཉི་མའི་དཀྱིལ་འཁོར་འོད་མཉམ་དུ་གཏོང་ཞིང་འཆར་བ་ནི་མེད་པ་མ་ཡིན་ཏེ། ས་མཐོན་དམན་གྱི་ཁྱད་པར་གྱིས་མཐོ་མཐོ་ལ་སྔར་འཆར་རོ། །ཀྱེ་རྒྱལ་བའི་སྲས་དེ་བཞིན་དུ་དེ་བཞིན་གཤེགས་པ་དགྲ་བཅོམ་པ་ཡང་དག་པར་རྫོགས་པའི་སངས་རྒྱས་རྣམས་
D44.037.0092b01.01ཀྱི་ཡེ་ཤེས་ཀྱི་སྐུ་ཉི་མའི་དཀྱིལ་འཁོར་ཡང་ཆོས་ཀྱི་དབྱིངས་མཐའ་དང་དབུས་{མྱེད་,མེད་}པའི་རིགས་སུ་འཆར་བར་གྱུར་པའི་ཚེ། རྟག་ཏུ་རྒྱུན་མི་འཆད་པར་ཐོགས་པ་མེད་པའི་ཡེ་ཤེས་ཀྱི་འོད་ཟེར་སྣང་བ་འགྱེད་དེ། དེ་ཡོངས་སུ་བཀྱེ་བའི་ཚེ་ཡང་ཐོག་མ་
D44.037.0092b02.01ཉིད་དུ་ལྷག་པའི་བསམ་པ་རིའི་རྒྱལ་པོ་ཆེན་པོ་ལྟ་བུ་དང་ལྡན་པའི་སྐྱེས་བུ་དམ་པ་རྣམས་ལ། ཆོས་ཀྱི་སྣང་བ་ཆེན་པོ་ཡང་དག་པར་སྟོན་པའི་ཚུལ་དུ་འཆར་བར་འགྱུར་རོ། དེའི་འོག་ཏུ་ཉན་ཐོས་དང་། རང་སངས་རྒྱས་ཀྱི་ཐེག་པར་ཞུགས་པ་རྣམས་ལ་འཆར་
D44.037.0092b03.01བར་འགྱུར་རོ། །དེའི་འོག་ཏུ་དགེ་བའི་རྩ་བ་ངེས་པ་དང་ལྡན་པའི་སེམས་ཅན་རྣམས་ལ་བསམ་པའི་སྣོད་ཇི་ལྟ་བ་བཞིན་དུ་ཡེ་ཤེས་ཀྱི་སྣང་བ་ཆེན་པོ་ཡང་དག་པར་བསྟན་པའི་ཚུལ་གྱིས་འཆར་བར་འགྱུར་རོ། །དེའི་འོག་ཏུ་ཆུང་ངུ་ན་ལོག་པར་ངེས་པའི་སེམས་
D44.037.0092b04.01ཅན་ཡན་ཆད། སེམས་ཅན་ཐམས་ཅད་ལའང་དེ་བཞིན་གཤེགས་པའི་ཡེ་ཤེས་ཀྱི་འོད་ཟེར་ཆེན་པོ་འཆར་བར་འགྱུར་རོ། །དེ་ལྟར་ཤར་ནས་ཀྱང་སེམས་ཅན་རྣམས་ལ་ཤིན་ཏུ་ཕན་པར་འགྱུར་ཏེ། མ་འོངས་པའི་རྒྱུ་ཡང་ཡོངས་སུ་སྨིན་པར་
D44.037.0092b05.01མཛད་ཅིང་། དགེ་བའི་ཆོས་ཀྱིས་རྣམ་པར་འཕེལ་བར་མཛད་ཀྱང་། དེ་བཞིན་གཤེགས་པའི་ཡེ་ཤེས་ཀྱི་སྐུ་ཉི་མའི་འོད་ཟེར་དེ་དག་ནི་སེམས་ཅན་འདི་རྣམས་ལ། བདག་ཅག་གིས་ཐོག་མ་ཉིད་དུ་ཐེག་པ་ཆེན་པོས་སྣང་བར་བྱས་ཏེ། དེའི་འོག་ཏུ་བསམ་པ་
D44.037.0092b06.01འབྲིང་དང་ལྡན་པ་རྣམས་ལ། ཉན་ཐོས་དང་། རང་སངས་རྒྱས་ཀྱི་ཐེག་པས་རྣམ་པར་དག་པར་བྱ་བའི་ཕྱིར་སྣང་བར་བྱའོ། །དེའི་འོག་ཏུ་སེམས་ཅན་དགེ་བའི་བསམ་པ་ཅན་མོས་པའི་ཐེག་པ་དང་ལྡན་པ་རྣམས་ལ་བསམ་པ་ཇི་ལྟ་བ་བཞིན་དུ་ཡོངས་སུ་སྨིན་པར་
D44.037.0092b07.01