完整藏文原文 · 德格版页 当前仅加载第 37 函德格 137a 版页；藏文 NFD、目录标记与异常页序保留在来源切片中，重复版页行以稳定序号区分。
ནི་ཐེག་པ་ཆེན་པོ་ལ་ཡང་དག་པར་ཞུགས་པ་བསམ་གྱིས་མི་ཁྱབ་པའི་ཐེག་པ་ལ་གནས་པའི་བྱང་ཆུབ་སེམས་དཔའ་སེམས་དཔའ་ཆེན་པོ་རྣམས་མ་གཏོགས་པར་གཞན་གྱི་དོན་དུ་དེ་བཞིན་གཤེགས་པ་སྟོན་པ་མི་མཛད་དོ། །
D44.037.0137a01.01ཆོས་ཀྱི་རྣམ་གྲངས་རྣམ་པ་འདི་ལྟ་བུ་དག་ནི་བྱང་ཆུབ་སེམས་དཔའ་སེམས་དཔའ་ཆེན་པོ་མ་གཏོགས་པར་སེམས་ཅན་གཞན་གྱི་ལག་ཏུ་ཕྱིན་པར་མི་འགྱུར་རོ། །ཀྱེ་རྒྱལ་བའི་སྲས་འདི་ལྟ་སྟེ་དཔེར་ན། འཁོར་ལོས་སྒྱུར་བའི་རྒྱལ་པོ་རིན་པོ་ཆེ་གང་གིས་
D44.037.0137a02.01འཁོར་ལོས་སྒྱུར་བའི་རྒྱལ་པོར་བརྗོད་པའི་རིན་པོ་ཆེ་གང་ཡང་རུང་སྟེ། རིན་པོ་ཆེ་དེ་དག་ནི་འཁོར་ལོས་སྒྱུར་བའི་རྒྱལ་པོ་དེའི་བུ་ཐུ་བོ་གཞོན་ནུ་བཙུན་མོ་དམ་པ་ལས་བྱུང་བ་འཁོར་ལོས་སྒྱུར་བའི་མཚན་དང་ལྡན་པ་མ་གཏོགས་པར་སེམས་ཅན་གཞན་གྱི་ལག་
D44.037.0137a03.01ཏུ་ཕྱིན་པར་མི་འགྱུར་རོ། །ཀྱེ་རྒྱལ་བའི་སྲས་འཁོར་ལོས་སྒྱུར་བའི་རྒྱལ་པོའི་བུ་འཁོར་ལོས་སྒྱུར་བའི་མཚན་དང་ལྡན་པ་དེ་ལྟ་བུ་མེད་ན་ནི་འཁོར་ལོས་སྒྱུར་བའི་རྒྱལ་པོ་དུས་བྱས་ནས་ཞག་བདུན་ལོན་པ་དང་ནོར་བུ་རིན་པོ་ཆེ་དེ་དག་མ་ལུས་པར་ནུབ་པར་འགྱུར་ཏེ་
D44.037.0137a04.01མི་འཁོད་དོ། །ཀྱེ་རྒྱལ་བའི་སྲས་དེ་བཞིན་དུ་མདོ་སྡེ་རིན་པོ་ཆེ་རྣམ་པ་འདི་ལྟ་བུ་འདི་དག་ཀྱང་དེ་བཞིན་གཤེགས་པ་རྣམས་ཀྱི་སྲས་ཀྱི་ཐུ་བོ་དེ་བཞིན་གཤེགས་པའི་རིགས་སུ་བྱུང་བ་དེ་བཞིན་གཤེགས་པ་རྣམས་ལ་དགེ་བའི་རྩ་བ་བསྐྱེད་པ་རྣམས་མ་གཏོགས་པར་སེམས་
D44.037.0137a05.01ཅན་གཞན་གྱི་ལག་ཏུ་ཕྱིན་པར་མི་འགྱུར་རོ། །ཀྱེ་རྒྱལ་བའི་སྲས་སྐྱེས་བུ་དམ་པ་དེ་ལྟ་བུ་དག་མེད་དུ་ཟིན་ན་ནི་རིང་པོར་མི་ཐོགས་པར་མདོ་སྡེ་རྣམ་པ་འདི་ལྟ་བུ་དེ་བཞིན་གཤེགས་པའི་གསང་བ་ཆེན་པོ་ཆོས་ཀྱི་རྣམ་གྲངས་དེ་བཞིན་གཤེགས་པའི་ཚུལ་རྒྱུན་མི་འཆད་པར་བྱེད་
D44.037.0137a06.01པ་རྣམས་ཀྱང་། ཐམས་ཅད་ཀྱི་ཐམས་ཅད་དུ་ནུབ་པར་འགྱུར་ཏེ་མི་འཁོད་དོ། །དེ་ཅིའི་ཕྱིར་ཞེ་ན། ཉན་ཐོས་དང་རང་སངས་རྒྱས་ཐམས་ཅད་ལ་ནི་ཆོས་ཀྱི་རྣམ་གྲངས་རྣམ་པ་འདི་ལྟ་བུ་དག་མཉན་པའི་མཐུ་འང་མེད་ན། གཟུང་བ་འམ་བཅང་བ་
D44.037.0137a07.01