完整藏文原文 · 德格版页 当前仅加载第 37 函德格 265a 版页；藏文 NFD、目录标记与异常页序保留在来源切片中，重复版页行以稳定序号区分。
བཟང་པོས་སངས་རྒྱས་ཀྱི་བྱིན་གྱི་རླབས་ཀྱིས་ཕྱོགས་བཅུར་བལྟས་ཏེ། འཁོར་གྱི་དཀྱིལ་འཁོར་ཐམས་ཅད་ལ་བལྟས་ནས། ཆོས་ཀྱི་དབྱིངས་ཐམས་ཅད་ལ་བལྟས་ཏེ། དེའི་ཚེ་ཚིགས་སུ་བཅུད་པ་འདི་དག་སྨྲས་སོ། །གང་རྣམས་དེ་དག་བསྐལ་པ་བྱེ་བ་ཁྲག་
D44.037.0265a01.01ཁྲིག་སྟོང་དུ་བརྟུལ་ཞུགས་དཀའ་སྤྱད་པ། །གང་རྣམས་དེ་དག་སངས་རྒྱས་བྱེ་བ་ཁྲག་ཁྲིག་སྟོང་ལས་བྱུང་བའི་ཆོས་ཀྱི་སྲས། །གང་རྣམས་དེ་དག་སེམས་ཅན་བྱེ་བ་ཁྲག་ཁྲིག་སྟོང་རྣམས་བྱང་ཆུབ་རབ་འགོད་པ། །དཔེ་ཟླ་{མྱེད་,མེད་}པ་དེ་དགེ་རྣམས་ཀྱི་སྤྱོད་པ་བཤད་ཀྱིས་རྩེ་གཅིག་མཉན་པར་
D44.037.0265a02.01བྱོས། །གང་དག་སངས་རྒྱས་ཁྲག་ཁྲིག་མཐའ་ཡས་མཆོད་ཀྱང་བདག་ནི་སངས་རྒྱས་{མྱི་,མི་}གནས་པ། །གང་དག་ཉོན་མོངས་བཅིངས་པའི་འགྲོ་བ་ཐར་བྱེད་སེམས་ཅན་འདུ་ཤེས་མི་གནས་དང་། །གང་རྣམས་དེ་དག་སངས་རྒྱས་ཡོན་ཏན་རྟག་ཏུ་ཚོལ་ཡང་ཡོན་ཏན་{མྱི་,མི་}གནས་པ། །དེ་
D44.037.0265a03.01དག་འཇིག་རྟེན་རབ་ཏུ་དགའ་བར་བྱེད་པའི་སྤྱོད་མཆོག་མཛེས་པ་བརྗོད་པར་བྱ། །གང་རྣམས་དེ་དག་སྲིད་པ་གསུམ་ན་ལས་དང་ཉོན་མོངས་བདུད་ཀྱི་དབང་སོང་སྣང་། །གང་རྣམས་དེ་དགའ་འཕགས་པའི་ཡོན་ཏན་ལྡན་ཞིང་ཁྱུ་མཆོག་སྤྱོད་པ་སྟོན་པ་པོ། །གང་རྣམས་དེ་དག་གཏི་མུག་ཉོན་མོངས་
D44.037.0265a04.01ཉེས་བྲལ་བསམ་པ་ཞི་ཞིང་རབ་ཞི་བ། །འགྲོ་བ་རྣམས་ལ་སྤྱོད་པའི་རིམ་པ་སྟོན་པ་དེ་དག་ཡོན་ཏན་བརྗོད་པར་བྱ། །གང་རྣམས་དེ་དག་བདུད་གཡོ་འགྲོ་བ་ཀུན་ལས་རྒལ་ཏེ་ཐམས་ཅད་དབང་བྱེད་པ། །འགྲོ་བ་ཐམས་ཅད་བདག་ལ་སྤྲུལ་པ་སྣ་ཚོགས་ཐ་དད་མཐའ་ཡས་རབ་ཏུ་སྟོན། །སེམས་
D44.037.0265a05.01བསྐྱེད་གྱུར་མ་ཐག་ཏུ་གནས་དང་འཇིག་པའི་བྱ་བ་ཐམས་ཅད་སྟོན་བྱེད་པ། །དེ་དག་ཡོན་ཏན་སྣ་ཚོགས་མཛེས་པ་སེམས་ཅན་དགའ་བར་བྱེད་པ་བརྗོད་པར་བྱ། །སྲིད་པའི་རྒྱུད་ན་སེམས་ཅན་སྡུག་བསྔལ་ཉེན་ཅིང་སྐྱེ་དང་རྒ་བས་གཟིར་བ་དང་། །འཆི་དང་མྱ་ངན་དག་གིས་གཙེས་ཤིང་
D44.037.0265a06.01གནོད་བྱས་ཉོན་མོངས་ཀུན་ཏུ་གཟིར་མཐོང་ནས། །དེ་དག་ཐར་བར་བྱ་ཕྱིར་སྙིང་རྗེ་རྒྱ་ཆེར་བསྐྱེད་ནས་ཡེ་ཤེས་མཆོག་དགོད་པ། །དེ་དག་ཡོན་ཏན་ཤིན་ཏུ་དགེ་བ་ཕྱོགས་ཙམ་བཤད་ཀྱིས་རྩེ་གཅིག་མཉན་པར་བྱོས། །སྦྱིན་དང་ཚུལ་ཁྲིམས་བཟོད་པ་བརྩོན་འགྲུས་དགའ་བར་བསམ་
D44.037.0265a07.01