完整藏文原文 · 德格版页 当前仅加载第 37 函德格 180a 版页；藏文 NFD、目录标记与异常页序保留在来源切片中，重复版页行以稳定序号区分。
ཞིང་ཐམས་ཅད་དང་། འགྲོ་བ་ཐམས་ཅད་དང་། དུས་ཐམས་ཅད་དང་། ནམ་མཁའི་ཁམས་ཐམས་ཅད་དང་སྤྱོད་པར་གཏོགས་པའི་ཁམས་ཐམས་ཅད་དང་། མྱ་ངན་ལས་འདས་པའི་ཁམས་ཞི་བ་གང་ཇི་སྙེད་པ་ཐམས་ཅད་
D44.037.0180a01.01དང་། ཆོས་ཐ་དད་པ་དེ་དག་ཐམས་ཅད་སེམས་སྐད་ཅིག་གཅིག་དང་ལྡན་པའི་ཤེས་རབ་ཀྱིས་ཤེས་པར་བྱ། རྟོགས་པར་བྱ། མངོན་པར་རྫོགས་པར་འཚང་རྒྱ་བར་བྱ། བལྟ་བར་བྱ། ཁོང་དུ་ཆུད་པར་བྱ། བསྒོམ་པར་བྱ། རྣམ་པར་བསྒོམ་པར་བྱ།
D44.037.0180a02.01མངོན་པར་ཤེས་པར་བྱ། ཡོངས་སུ་ཤེས་པར་བྱ། རབ་ཏུ་སྤང་བར་བྱ། །མངོན་ཏུ་བྱ་སྟེ། དེ་དག་ཐམས་ཅད་ལ་མ་བརྟགས་རྣམ་པར་མ་བརྟགས་སྣ་ཚོགས་སུ་མ་བྱས། རྣམ་པ་ཐ་དད་དུ་མ་བྱས། ཆེད་དུ་བསྐྱོད་པར་མ་བྱས། དམིགས་པར་མ་བྱས་བསྒོམ་པར་མ་བྱས་
D44.037.0180a03.01རྣམ་པར་བསྒོམ་པར་མ་བྱས། གཅིག་ཏུ་མ་བྱས་གཉིས་སུ་མ་བྱས་པའི་ཡེ་ཤེས་མི་གཉིས་པ་གཉིས་པོ་ཐམས་ཅད་རབ་ཏུ་ཤེས་པ་དང་། མཚན་ཉིད་མེད་པའི་ཡེ་ཤེས་དང་། མཚན་ཉིད་ཐམས་ཅད་རབ་ཏུ་ཤེས་པ་དང་། རྟོགས་པ་མེད་པའི་ཡེ་ཤེས། རྟོག་
D44.037.0180a04.01པ་ཐམས་ཅད་རབ་ཏུ་ཤེས་པ་དང་། སྣ་ཚོགས་སུ་གྱུར་པ་མེད་པའི་ཡེ་ཤེས། སྣ་ཚོགས་ཐམས་ཅད་རབ་ཏུ་ཤེས་པ་དང་། རྣམ་པར་ཐ་དད་པར་གྱུར་པ་མེད་པའི་ཡེ་ཤེས་རྣམ་པ་ཐ་དད་པ་ཐམས་ཅད་རབ་ཏུ་ཤེས་པ་དང་། འཇིག་རྟེན་དུ་གྱུར་བ་མེད་པའི་
D44.037.0180a05.01ཡེ་ཤེས་འཇིག་རྟེན་ཐམས་ཅད་རབ་ཏུ་ཤེས་པ་དང་། འཇིག་རྟེན་གྱི་ཁམས་སུ་ཕྱིན་པ་མེད་པའི་ཡེ་ཤེས་འཇིག་རྟེན་གྱི་ཁམས་ཐམས་ཅད་དུ་རབ་ཏུ་ཤེས་པ་དང་། དུས་སུ་གྱུར་པ་མེད་པའི་ཡེ་ཤེས་དུས་ཐམས་ཅད་རབ་ཏུ་ཤེས་པ་དང་། སེམས་ཅན་གྱི་
D44.037.0180a06.01སར་གྱུར་པ་མེད་པའི་ཡེ་ཤེས་སེམས་ཅན་གྱི་ཁམས་ཐམས་ཅད་རབ་ཏུ་ཤེས་པ་དང་། མངོན་པར་ཤེས་པ་ཐམས་ཅད་ལས་གྱེན་དུ་འཕགས་པའི་ཡེ་ཤེས་མངོན་པར་ཆགས་པའི་སྤྱོད་ཡུལ་གྱི་མཐར་ཐུག་པ་དང་། གནས་མེད་པ་ལ་གཞོལ་པའི་ཡེ་ཤེས་
D44.037.0180a07.01