完整藏文原文 · 德格版页 当前仅加载第 37 函德格 124a 版页；藏文 NFD、目录标记与异常页序保留在来源切片中，重复版页行以稳定序号区分。
མཐའ་ནས་བྱུང་བ་མ་ཡིན། ཕྱི་མའི་མཐའ་ནས་འཕོས་པ་མ་ཡིན། ད་ལྟར་བྱུང་བས་མངོན་པར་བསྒྲུབས་པ་མ་ཡིན་པ་དེ་བཞིན་དུ་དེ་བཞིན་གཤེགས་པའི་སྤྱོད་ཡུལ་ཡང་མ་སྐྱེས་མ་འཕོས་མངོན་པར་གྲུབ་པ་མེད་པར་ཁོང་དུ་
D44.037.0124a01.01ཆུད་པར་བྱའོ། །ཀྱེ་རྒྱལ་བའི་སྲས་ཆོས་ཀྱི་དབྱིངས་ལ་ལུས་མེད་པས་ཆོས་ཀྱི་དབྱིངས་དེ་ནི་ཚད་ཡོད་པའང་མ་ཡིན། །ཚད་མེད་པའང་མ་ཡིན་ནོ། །ཀྱེ་རྒྱལ་བའི་སྲས་དེ་བཞིན་དུ་དེ་བཞིན་གཤེགས་པའི་སྤྱོད་ཡུལ་ལ་ལུས་མེད་པས་དེ་བཞིན་གཤེགས་
D44.037.0124a02.01པའི་སྤྱོད་ཡུལ་དེ་ཡང་ཚད་ཡོད་པ་ཡང་མ་ཡིན། ཚད་མེད་པ་ཡང་མ་ཡིན་ནོ། །ཀྱེ་རྒྱལ་བའི་སྲས་འདི་ལྟ་སྟེ་དཔེར་ན། འདབ་ཆགས་བྱ་ནི་ནམ་མཁའ་ལས་ལྡིང་སྟེ། འགྲོ་ན་ལོ་བརྒྱར་སོང་ཡང་ཇི་སྲིད་དུ་ཕྱིན་པ། དེ་སྲིད་ནི་མ་ཕྱིན་པའང་
D44.037.0124a03.01ཡོད་དེ། །ནམ་མཁའ་ལ་མཐའ་མེད་པས་སྔ་ཕྱི་ཁྱད་པར་མེད་དོ། །ཀྱེ་རྒྱལ་བའི་སྲས་དེ་བཞིན་དུ་དེ་བཞིན་གཤེགས་པའི་སྤྱོད་ཡུལ་ཡང་བསྐལ་པ་བྱེ་བ་ཁྲག་ཁྲིག་བརྒྱ་ཕྲག་སྟོང་དུ་བསྟན་ཀྱང་དེ་སྙེད་ནི་མ་བསྟན་པའང་ཡོད་དེ། དེ་ནི་དེ་བཞིན་
D44.037.0124a04.01གཤེགས་པའི་སྤྱོད་ཡུལ་ལ་མུ་མེད་པའི་ཕྱིར་རོ། །ཀྱེ་རྒྱལ་བའི་སྲས་དེ་ལྟ་བུའི་དེ་བཞིན་གཤེགས་པ་དགྲ་བཅོམ་པ་ཡང་དག་པར་རྫོགས་པའི་སངས་རྒྱས་རྣམས་ཀྱང་ཆགས་པ་མེད་པའི་སྤྱོད་ཡུལ་ལ་མི་གནས་པའི་ཚུལ་གྱིས་བཞུགས་ཤིང་སེམས་ཅན་ཐམས་
D44.037.0124a05.01ཅད་ལ་སྤྱོད་ཡུལ་དེའང་སྟོན་པ་མཛད་དོ། །སེམས་ཅན་ཆགས་པ་སྣ་ཚོགས་ལ་མངོན་པར་ཞེན་པ་རྣམས་ཀྱང་ཆགས་པའི་ལམ་དེ་དང་དེ་ནས་ཡོངས་སུ་ཟློ་བ་མཛད་དོ། །ཀྱེ་རྒྱལ་བའི་སྲས་འདི་ལྟ་སྟེ་དཔེར་ན། ནམ་མཁའ་ལྡིང་གི་རྒྱལ་པོ་ཆེན་
D44.037.0124a06.01པོའི་སྤྱོད་ཡུལ་ནི་ནམ་མཁའ་སྟེ། ནམ་མཁའ་ལ་གནས་ཤིང་རང་གི་མིག་ཡོངས་སུ་དག་པས་ཀླུའི་གནས་སུ་བལྟས་ཏེ། རྒྱ་མཚོ་ཆེན་པོའི་ཆུའི་ཕུང་པོ་ཆེན་པོ་ནམ་མཁའ་ལྡིང་གི་ཤུགས་དྲག་པོ་དང་། གཤོག་པའི་རླུང་ཆེན་པོའི་མཐུས་
D44.037.0124a07.01