完整藏文原文 · 德格版页 当前仅加载第 37 函德格 28b 版页；藏文 NFD、目录标记与异常页序保留在来源切片中，重复版页行以稳定序号区分。
སུ་མྱོང་བར་འགྱུར་རོ། །ལོག་པར་ལྟུང་བ་མེད་པའི་ལམ་ཡོངས་སུ་རྫོགས་པར་འགྱུར་རོ། །སངས་རྒྱས་བྱུང་བ་དོན་ཡོད་པ་རབ་ཏུ་བསྒྲུབ་པར་འགྱུར་རོ། །ཆོས་དཀར་པོ་ལ་གནས་པ་ཡོངས་སུ་རྫོགས་པར་བྱེད་པར་འགྱུར་རོ། །ཁམས་གསུམ་
D44.037.0028b01.01པ་ལས་འབྱུང་བའི་ལམ་ཡོངས་སུ་སྦྱོང་བར་འགྱུར་རོ། །ཐེག་པ་གང་ལ་དད་པའི་སྨོན་ལམ་གྱིས་ངེས་པར་འབྱུང་བར་འགྱུར་རོ། །དེ་བཞིན་གཤེགས་པ་དེ་དང་དེ་དག་ལ་དྲིན་དུ་གཟོ་བ་རབ་ཏུ་འཐོབ་པར་འགྱུར་རོ། །སངས་རྒྱས་བཅོམ་ལྡན་འདས་
D44.037.0028b02.01རྣམས་ལ་རྟེན་པ་དང་། སྐྱབས་བཙལ་བ་དང་། མགོན་བཙལ་བ་དང་། དཔུང་གཉེན་བཙལ་བའི་སེམས་བསྐྱེད་པར་འགྱུར་ཏེ། དེ་ལྟར་སངས་རྒྱས་བཅོམ་ལྡན་འདས་རྣམས་ནི་ཡོངས་སུ་མྱ་ངན་ལས་འདས་ཀྱང་ཡོན་བསམ་གྱིས་མི་ཁྱབ་
D44.037.0028b03.01པར་སྦྱོང་བ། བསོད་ནམས་ཟད་མི་ཤེས་པའི་ཡོན་གྱི་གནས་དག་སྟེ། སངས་རྒྱས་བཅོམ་ལྡན་འདས་རྣམས་ནི་འཇིག་རྟེན་དུ་བྱུང་ན་དེ་ལྟར་སེམས་ཅན་རྣམས་ཀྱི་དགེ་བའི་རྩ་བ་རྣམ་པ་མང་པོ་རབ་ཏུ་བསྩགས་པས་བསོད་ནམས་ཀྱི་ཚོགས་
D44.037.0028b04.01རབ་ཏུ་རྫོགས་པར་འགྱུར་ཏེ། འདི་ནི་སངས་རྒྱས་བཅོམ་ལྡན་འདས་རྣམས་ཀྱི་སངས་རྒྱས་ཀྱི་ཕྲིན་ལས་བཅུ་པའོ། །ཀྱེ་རྒྱལ་བའི་སྲས་བཅུ་པོ་དེ་དག་ནི་སངས་རྒྱས་བཅོམ་ལྡན་འདས་རྣམས་ཀྱི་སངས་རྒྱས་ཀྱི་ཕྲིན་ལས་རྒྱ་ཆེན་པོ་ཚད་མེད་པ་བསམ་གྱིས་མི་ཁྱབ་པ་
D44.037.0028b05.01རྣམས་སོ། །དེ་དག་ནི་སངས་རྒྱས་ཀྱི་བྱིན་རླབས་མ་གཏོགས་པར་ལྷ་དང་བཅས་པའི་འཇིག་རྟེན་གྱིས་ཚད་གཟུང་བར་མི་ནུས་པའོ། །འདས་པ་དང་མ་འོངས་པ་དང་། ད་ལྟར་བྱུང་བའི་ཉན་ཐོས་དང་། རང་སངས་རྒྱས་ཐམས་ཅད་ཀྱིས་འཇུག་
D44.037.0028b06.01པར་མི་ནུས་པའོ། །ཀྱེ་རྒྱལ་བའི་སྲས་བཅུ་པོ་འདི་དག་ནི་སངས་རྒྱས་བཅོམ་ལྡན་འདས་རྣམས་ཀྱི་གཉིས་སུ་མེད་པར་སྤྱོད་ཅིང་། དངོས་པོ་རྣམ་པ་གཉིས་སུ་མེད་པའི་ཆོས་ཀྱི་དབང་ཕྱུག་གི་ཆོས་རྣམས་ཏེ། བཅུ་གང་ཞེ་ན། འདི་ལྟ་སྟེ། སངས་
D44.037.0028b07.01