完整藏文原文 · 德格版页 当前仅加载第 37 函德格 8a 版页；藏文 NFD、目录标记与异常页序保留在来源切片中，重复版页行以稳定序号区分。
སངས་རྒྱས་བཅོམ་ལྡན་འདས་རྣམས་ཀྱི་ཤིན་ཏུ་རྣམ་པར་དག་པ་སྟེ། བཅུ་གང་ཞེ་ན། སངས་རྒྱས་བཅོམ་ལྡན་འདས་རྣམས་ནི། སངས་རྒྱས་ཀྱི་ཚངས་པའི་སྤྱོད་པ་རྣམ་པར་དག་པ་ལ་སྔོན་གྱི་སྨོན་ལམ་གྱིས་ཤིན་ཏུ་རྣམ་པར་དག་
D44.037.0008a01.01པ་ཡིན། །སངས་རྒྱས་བཅོམ་ལྡན་འདས་རྣམས་ནི་ཆགས་པ་མེད་པའི་ཚུལ་ཁྲིམས་ཀྱིས་ཤིན་ཏུ་རྣམ་པར་དག་པ་ཡིན། སངས་རྒྱས་བཅོམ་ལྡན་འདས་རྣམས་ནི་སེམས་ཅན་ཐམས་ཅད་ཀྱི་ཉོན་མོངས་པ་སེལ་བས་ཤིན་ཏུ་རྣམ་པར་དག་པ་ཡིན། སངས་རྒྱས་
D44.037.0008a02.01བཅོམ་ལྡན་འདས་རྣམས་ནི་སངས་རྒྱས་ཀྱི་ཞིང་གིས་ཤིན་ཏུ་རྣམ་པར་དག་པ་ཡིན། སངས་རྒྱས་བཅོམ་ལྡན་འདས་རྣམས་ནི་འཁོར་གྱིས་ཤིན་ཏུ་རྣམ་པར་དག་པ་ཡིན། སངས་རྒྱས་བཅོམ་ལྡན་འདས་རྣམས་ནི་རིགས་རྣམ་པར་དག་པས་ཤིན་ཏུ་རྣམ་པར་
D44.037.0008a03.01དག་པ་ཡིན། སངས་རྒྱས་བཅོམ་ལྡན་འདས་རྣམས་ནི་གཟུགས་ཀྱི་སྐུའི་མཚན་དང་། དཔེ་བྱད་བཟང་པོ་རྣམ་པར་དག་པས་ཤིན་ཏུ་རྣམ་པར་དག་པ་ཡིན། སངས་རྒྱས་བཅོམ་ལྡན་འདས་རྣམས་ནི་ཆོས་ཀྱི་སྐུ་རྙོག་པ་མེད་པས་ཤིན་ཏུ་རྣམ་པར་དག་པ་ཡིན།
D44.037.0008a04.01སངས་རྒྱས་བཅོམ་ལྡན་འདས་རྣམས་ནི་ཐམས་ཅད་མཁྱེན་པའི་ཡེ་ཤེས་ཀྱི་ཕུང་པོ་བསྒྲིབས་པ་མེད་པས་ཤིན་ཏུ་རྣམ་པར་དག་པ་ཡིན། སངས་རྒྱས་བཅོམ་ལྡན་འདས་རྣམས་ནི་སངས་རྒྱས་ཀྱི་རྣམ་པར་ཐར་པ་ཐམས་ཅད་ལ་མཐུ་ཆེན་པོ་བརྙེས་ཤིང་། ཕ་རོལ་ཏུ་
D44.037.0008a05.01ཕྱིན་པ་དམ་པ་བརྙེས་པས་ཤིན་ཏུ་རྣམ་པར་དག་པ་ཡིན་ཏེ། ཀྱེ་རྒྱལ་བའི་སྲས་བཅུ་པོ་དེ་དག་ནི་སངས་རྒྱས་བཅོམ་ལྡན་འདས་རྣམས་ཀྱི་ཤིན་ཏུ་རྣམ་པར་དག་པའོ། །ཀྱེ་རྒྱལ་བའི་སྲས་བཅུ་པོ་འདི་དག་ནི་སངས་རྒྱས་བཅོམ་ལྡན་འདས་རྣམས་ཀྱི་མཛད་པ་འཇིག་
D44.037.0008a06.01རྟེན་གྱི་ཁམས་ཐམས་ཅད་དུ་འབྱུང་ཞིང་དུས་ཐམས་ཅད་དུ་གནས་པ་སྟེ། བཅུ་གང་ཞེ་ན། སངས་རྒྱས་རྗེས་སུ་དྲན་པ་ཐོབ་པའི་སེམས་ཅན་རྣམས་ལ་དུས་ཐམས་ཅད་དུ་སངས་རྒྱས་བསྟན་པ་དང་། སེམས་ཅན་སེམས་ཅང་ཤེས་དང་ལྡན་པ་རྣམས་ལ།
D44.037.0008a07.01