完整藏文原文 · 德格版页 当前仅加载第 37 函德格 150b 版页；藏文 NFD、目录标记与异常页序保留在来源切片中，重复版页行以稳定序号区分。
དཔའ་རྣམས་ཀྱི་ལུང་བསྟན་པའོ། །དེ་བཞིན་གཤེགས་པ་ཐམས་ཅད་ཀྱི་བཀའ་ལ་གཅིག་ཏུ་ཆད་པར་མོས་ཤིང་ཡིད་ཆེས་ལ་མངོན་པར་དད་པ་ནི་བྱང་ཆུབ་སེམས་དཔའ་རྣམས་ཀྱི་ལུང་བསྟན་པའོ། །དགེ་བའི་རྩ་བ་ཐམས་ཅད་ཡང་དག་པར་སོགས་ཤིང་སྒྲུབ་
D44.037.0150b01.01པ་ནི་བྱང་ཆུབ་སེམས་དཔའ་རྣམས་ཀྱི་ལུང་བསྟན་པའོ། །སེམས་ཅན་ཐམས་ཅད་སངས་རྒྱས་ཀྱི་བྱང་ཆུབ་ལ་རབ་ཏུ་དགོད་པར་བརྩོན་པ་ནི་བྱང་ཆུབ་སེམས་དཔའ་རྣམས་ཀྱི་ལུང་བསྟན་པའོ། །དགེ་བའི་བཤེས་གཉེན་ཐམས་ཅད་དང་རྒྱུད་ཀྱི་ཚུལ་གཅིག་ཏུ་བྱེད་པ་
D44.037.0150b02.01ནི་བྱང་ཆུབ་སེམས་དཔའ་རྣམས་ཀྱི་ལུང་བསྟན་པའོ། །དགེ་བའི་བཤེས་གཉེན་ཐམས་ཅད་ལ་སྟོན་པར་འདུ་ཤེས་པ་ནི་བྱང་ཆུབ་སེམས་དཔའ་རྣམས་ཀྱི་ལུང་བསྟན་པའོ། །སྔོན་གྱི་བྱང་ཆུབ་ཀྱི་སྨོན་ལམ་རྗེས་སུ་བསྲུང་བ་ནི་བྱང་ཆུབ་སེམས་དཔའ་རྣམས་
D44.037.0150b03.01ཀྱི་ལུང་བསྟན་པའོ། །ཀྱེ་རྒྱལ་བའི་སྲས་བཅུ་པོ་དེ་དག་ནི་བྱང་ཆུབ་སེམས་དཔའ་རྣམས་ཀྱི་ལུང་བསྟན་པ་སྟེ། ལུང་བསྟན་པ། དེ་དག་གིས་ལུང་བསྟན་པའི་བྱང་ཆུབ་སེམས་དཔའ་རྣམས་ནི་བདག་ཅག་ལུང་བསྟན་ཏོ་ཞེས་བྱ་བར་ཤེས་སོ། །ཀྱེ་རྒྱལ་བའི་
D44.037.0150b04.01སྲས་བཅུ་པོ་འདི་དག་ནི་བྱང་ཆུབ་སེམས་དཔའ་རྣམས་ཀྱི་བྱང་ཆུབ་སེམས་དཔའ་ལ་འཇུག་པ་སྟེ། བཅུ་གང་ཞེ་ན་འདི་ལྟར་སྔོན་གྱི་སྨོན་ལམ་ལ་འཇུག་པ་དང་། སྤྱོད་པ་ལ་འཇུག་པ་དང་། ཡང་དག་པར་བསྒྲུབ་པ་ལ་འཇུག་པ་དང་། ཕ་རོལ་ཏུ་ཕྱིན་པ་ལ་འཇུག་པ་
D44.037.0150b05.01དང་། བསྒྲུབ་པ་ལ་འཇུག་པ་དང་། སྨོན་ལམ་རྣམ་པ་ཐ་དད་པ་ལ་འཇུག་པ་དང་། མོས་པ་ཐ་དད་པ་ལ་འཇུག་པ་དང་། ཞིང་གི་རྒྱན་ལ་འཇུག་པ་དང་། རྫུ་འཕྲུལ་གྱིས་རྣམ་པར་འཕྲུལ་པ་ལ་འཇུག་པ་དང་། སྐྱེ་བ་བསྟན་པ་ལ་འཇུག་པའོ། །ཀྱེ་རྒྱལ་བའི་
D44.037.0150b06.01སྲས་བཅུ་པོ་དེ་དག་ནི་བྱང་ཆུབ་སེམས་དཔའ་རྣམས་ཀྱི་བྱང་ཆུབ་སེམས་དཔའ་ལ་འཇུག་པ་སྟེ། འཇུག་པ་དེ་དག་གིས་ནི་འདས་པ་དང་མ་འོངས་པ་དང་། ད་ལྟར་བྱུང་བའི་བྱང་ཆུབ་སེམས་དཔའ་ཐམས་ཅད་ལ་འཇུག་པ་དག་གོ །ཀྱེ་རྒྱལ་བའི་སྲས་བཅུ་པོ་འདི་དག་ནི་བྱང་ཆུབ་སེམས་
D44.037.0150b07.01