完整藏文原文 · 德格版页 当前仅加载第 37 函德格 109b 版页；藏文 NFD、目录标记与异常页序保留在来源切片中，重复版页行以稳定序号区分。
རྒྱལ་བའི་གསུང་ནི་སྐྱེ་མཆེད་འགག་པ་མི་དམིགས་སོ། །དེ་ཡི་སྒྲ་ཐོས་སེམས་ཅན་བྱང་ཆུབ་འཐོབ་པར་འགྱུར། །ལྷ་ཡི་དབང་པོ་དབང་བསྒྱུར་ལྷ་རྫས་རྩེ་བའི་ཚེ། །ལྷ་མོའི་ཁ་དབུགས་གཅིག་ཀྱང་ཡན་ལག་མང་ལྡན་པས། །ཁ་དབུགས་སྒྲ་དབྱངས་
D44.037.0109b01.01གཅིག་ལས་སྣ་ཚོགས་སྒྲ་མང་འབྱུང་། །སྒྲ་དབྱངས་བརྒྱ་སྟོང་མང་པོ་འབྱུང་ཡང་དེ་ལ་རྣམ་རྟོག་མེད། །དེ་བཞིན་སྟོབས་བཅུ་མངའ་བའི་གསུང་གཅིག་བསྒྲག་པ་ལས། །སེམས་ཅན་སྙེད་ཀྱི་གསུང་གི་ཡན་ལག་དུས་གཅིག་འབྱུང་། །སེམས་ཅན་ཇི་
D44.037.0109b02.01བཞིན་ཇི་ལྟར་མོས་པར་གསུང་ཉན་ཅིང་། །ཐོས་ནས་ཉོན་མོངས་སྤོང་བྱེད་སྒྲ་ལ་རྟོག་པ་མེད། །ཇི་ལྟར་ཚངས་པ་ཚངས་པའི་སྟན་ལས་མ་གཡོས་པར། །སྒྲ་དབྱངས་གཅིག་བརྗོད་ཚངས་པ་བསམ་ཡས་དགའ་བར་བྱེད། །འོན་ཀྱང་ཚངས་པའི་དབྱངས་
D44.037.0109b03.01དེ་འཁོར་གྱི་ཕྱིར་མི་འབྱུང་། །འཁོར་རྣམས་ཇི་སྙེད་ཐམས་ཅད་ཁོང་དུ་ཆུད་པར་བྱེད། །སྟོབས་བཅུའི་ལེགས་མངའ་ཚངས་པ་སངས་རྒྱས་གདན་བཞུགས་ཤིང་། །གསུང་གཅིག་ཆོས་དབྱིངས་མ་ལུས་བཀང་ཏེ་རབ་ཏུ་སྒྲོག །འཁོར་ལས་མི་འདའ་སངས་རྒྱས་
D44.037.0109b04.01སེར་སྣ་མངའ་བ་མིན། །སེམས་ཅན་དད་དང་བྲལ་བས་རྒྱལ་བའི་གསུང་མི་ཐོས། །ཇི་ལྟར་ཆུ་རྒྱུན་ཐམས་ཅད་རང་བཞིན་གཅིག་པ་སྟེ། །རོ་འཐུན་མི་རྟོག་དག་ཅིང་ཡན་ལག་བརྒྱད་དང་ལྡན། །ས་སྟེངས་སྣོད་ཀྱི་ཁྱད་པར་གཞན་དང་གཞན་གྱུར་པས། །
D44.037.0109b05.01རྐྱེན་དང་ཕྲད་གྱུར་ཆུ་ཡི་རྣམ་པ་ཐ་དད་འགྱུར། །དེ་བཞིན་རྒྱལ་སྲས་ཐམས་ཅད་མཁྱེན་གསུང་ཐམས་ཅད་ཀྱང་། །རོ་མཐུན་མི་རྟོག་སངས་རྒྱས་བྱང་ཆུབ་རང་བཞིན་ཡིན། །སེམས་ཅན་སྤྱོད་པའི་ཁྱད་ཀྱིས་རྣམ་པ་ཐ་དད་འགྱུར། །སེམས་ཅན་བདེ་
D44.037.0109b06.01གཤེགས་གསུང་ལ་གཞན་དང་གཞན་དུ་ཉན། །མ་དྲོས་ཀླུ་ནི་འཛམ་བུའི་གླིང་ཆེན་ཀུན་བཀང་ཞིང་། །ས་གཞི་ངོམས་པར་བྱ་ཕྱིར་ཆར་བའི་རྒྱུན་ཀྱང་གཏོང་། །ལོ་ཐོག་ནགས་ཚལ་ཆུ་ཀླུང་རིམ་གྱིས་སྐྱེ་བར་བྱེད། །འོན་ཀྱང་ཆུ་རྒྱུན་ལུས་ལས་མ་བྱུང་
D44.037.0109b07.01