完整藏文原文 · 德格版页 当前仅加载第 37 函德格 153b 版页；藏文 NFD、目录标记与异常页序保留在来源切片中，重复版页行以稳定序号区分。
མི་ཁྱབ་པ་ལ་འཇུག་པའི་ཕྱིར་དབྱངས་ཀྱི་དཀྱིལ་འཁོར་ལ་འཇུག་པའི་གཟུངས་དང་། འདས་པ་དང་མ་བྱོན་པ་དང་། ད་ལྟར་བྱུང་བའི་སངས་རྒྱས་ཀྱི་ཆོས་བསམ་གྱིས་མི་ཁྱབ་པ་ཤིན་ཏུ་སྟོན་པའི་ཕྱིར་དུས་གསུམ་གྱི་གཟུངས་དང་། སངས་རྒྱས་ཀྱི་ཆོས་
D44.037.0153b01.01མཐའ་དང་དབུས་མེད་པ་རྣམ་པ་ཐ་དད་པ་ཐམས་ཅད་ཤིན་ཏུ་སྟོན་པའི་ཕྱིར་རྣམ་པ་སྣ་ཚོགས་སུ་སྤོབས་པའི་གཟུངས་དང་། སངས་རྒྱས་བྱུང་བ་བརྗོད་དུ་མེད་པ་ཐམས་ཅད་དུ་རྣ་བའི་དབང་པོས་ཁྱབ་པར་བྱེད་པའི་ཕྱིར་ཐོགས་པ་མེད་པའི་རྣ་བ་མངོན་པར་བསྒྲུབ་པའི་གཟུངས་དང་།
D44.037.0153b02.01དེ་བཞིན་གཤེགས་པའི་སྟོབས་བཅུ་དང་། མི་བསྙེངས་པ་ལ་རབ་ཏུ་དགོད་པའི་ཕྱིར་སངས་རྒྱས་ཀྱི་ཆོས་ཐམས་ཅད་ཀྱི་གཟུངས་སོ། །ཀྱེ་རྒྱལ་བའི་སྲས་བཅུ་པོ་དེ་དག་ནི་བྱང་ཆུབ་སེམས་དཔའ་རྣམས་ཀྱི་གཟུངས་ཏེ། དེ་དག་ཐོབ་པར་བྱ་བའི་ཕྱིར་བྱང་ཆུབ་སེམས་དཔའ་
D44.037.0153b03.01རྣམས་ཀྱི་བརྩོན་པར་བྱ་བ་དག་གོ །ཀྱེ་རྒྱལ་བའི་སྲས་བཅུ་པོ་འདི་དག་ནི་བྱང་ཆུབ་སེམས་དཔའ་རྣམས་ཀྱི་སངས་རྒྱས་བསྟན་པ་རྗེས་སུ་རྟོགས་པར་བྱ་བ་སྟེ། བཅུ་གང་ཞེ་ན་འདི་ལྟར་མངོན་པར་བྱང་ཆུབ་པའི་སངས་རྒྱས་དང་། སྨོན་ལམ་གྱི་སངས་རྒྱས་དང་།
D44.037.0153b04.01ལས་རྣམ་པར་སྨྱིན་པའི་སངས་རྒྱས་དང་། བྱིན་གྱིས་བརླབས་པའི་སངས་རྒྱས་དང་། སྤྲུལ་པའི་སངས་རྒྱས་དང་། ཆོས་ཀྱི་དབྱིངས་ཀྱི་སངས་རྒྱས་དང་། སེམས་ཀྱི་སངས་རྒྱས་དང་། ཏིང་ངེ་འཛིན་གྱི་སངས་རྒྱས་དང་། རང་བཞིན་གྱི་སངས་རྒྱས་དང་། བསམ་པ་ཇི་ལྟ་བའི་
D44.037.0153b05.01སངས་རྒྱས་སོ། །ཀྱེ་རྒྱལ་བའི་སྲས་བཅུ་པོ་དེ་དག་ནི་བྱང་ཆུབ་སེམས་དཔའ་རྣམས་ཀྱི་སངས་རྒྱས་བསྟན་པ་རྗེས་སུ་རྟོགས་པར་བྱ་བ་རྣམས་སོ། །ཀྱེ་རྒྱལ་བའི་སྲས་བཅུ་པོ་འདི་དག་ནི་བྱང་ཆུབ་སེམས་དཔའ་རྣམས་ཀྱི་ཀུན་ཏུ་བཟང་པོའི་སེམས་བསྐྱེད་
D44.037.0153b06.01པ་སྟེ། བཅུ་གང་ཞེ་ན་འདི་ལྟར་སེམས་བསྐྱེད་པ་དེ་ནི་འགྲོ་བ་ཐམས་ཅད་ཡོངས་སུ་སྐྱོབ་པའི་ཕྱིར་བྱམས་པ་ཆེན་པོ་དང་ལྡན་པའོ། །སེམས་བསྐྱེད་པ་དེ་ནི་འགྲོ་བ་ཐམས་ཅད་ཀྱི་སྡུག་བསྔལ་གྱི་ཕུང་པོ་རང་གི་ལུས་ཀྱིས་ལེན་པའི་ཕྱིར་སྙིང་རྗེ་ཆེན་པོ་དང་ལྡན་
D44.037.0153b07.01