完整藏文原文 · 德格版页 当前仅加载第 37 函德格 25a 版页；藏文 NFD、目录标记与异常页序保留在来源切片中，重复版页行以稳定序号区分。
གཤེགས་པ་དང་སླར་བཞུད་པ་དང་། བཞེངས་པ་དང་། འཆག་པ་དང་། བཞུགས་པ་དང་། གཟིམས་པས་ཀྱང་སེམས་ཅན་རྣམས་ལ་སངས་རྒྱས་ཀྱི་ཕྲིན་ལས་མཛད་དོ། །ཆོས་བསྟན་པ་དང་། མི་གསུང་བར་
D44.037.0025a01.01བཞུགས་པས་ཀྱང་སེམས་ཅན་རྣམས་ལ་སངས་རྒྱས་ཀྱི་ཕྲིན་ལས་མཛད་དོ། །རྫུ་འཕྲུལ་གྱི་ཆོ་འཕྲུལ་དང་། ཡོངས་སུ་བསྟན་པའི་ཆོ་འཕྲུལ་དང་། རྗེས་སུ་བསྟན་པའི་ཆོ་འཕྲུལ་གྱིས་ཀྱང་སངས་རྒྱས་བཅོམ་ལྡན་འདས་རྣམས་འཇིག་རྟེན་གྱི་
D44.037.0025a02.01ཁམས་ཀྱི་ཡུལ་སེམས་ཅན་བསམ་པ་སྣ་ཚོགས་རྒྱ་མཚོ་དང་ལྡན་པ་འཇིག་རྟེན་གྱི་སྤྱོད་པ་ཐམས་ཅད་རྒྱུ་ཞིང་འབྱུང་བ་དང་ལྡན་པ་དགེ་བའི་རྩ་བ་ཆེན་པོས་ཤིན་ཏུ་བརྟན་པ། སངས་རྒྱས་རྗེས་སུ་དྲན་པ་དང་ལྡན་པ། སྔོན་འགྲོགས་འགྲོགས་པའི་བྱང་
D44.037.0025a03.01ཆུབ་སེམས་དཔའ་དང་གནས་པའི་སེམས་ཅན་རྣམས་ལ་སངས་རྒྱས་ཀྱི་ཕྲིན་ལས་མཛད་དོ། །ཡང་དག་པར་རྫོགས་པའི་སངས་རྒྱས་རྣམས་ནི་སྐུ་གཟུགས་བལྟ་ན་མི་ངོམས་པའོ་ཞེས་བྱ་བར་གཞོལ་བ་དང་། སངས་རྒྱས་རྣམས་སྐྱེ་བར་དཀོན་ནོ་
D44.037.0025a04.01ཞེས་བྱ་བར་ཡིད་ཆེས་པར་བྱེད་པ་དང་། དེ་བཞིན་གཤེགས་པ་མཐོང་ཞིང་། དེ་བཞིན་གཤེགས་པའི་གསུང་ཐོས་པ་ནི་བསོད་ནམས་ཀྱི་ཆོས་དཀར་པོའི་འབྱུང་གནས་སུ་གྱུར་པའོ། །ཞེས་སངས་རྒྱས་ཀྱི་སྤྱོད་པ་ཡིད་ལ་བྱེད་པ་དང་། འཇིག་
D44.037.0025a05.01རྟེན་ཐམས་ཅད་རྣམ་པར་དག་པ་ནི། དེ་བཞིན་གཤེགས་པ་སྐྱེ་བ་ཡིན་ནོ་ཞེས་བྱ་བར་ཁོང་དུ་ཆུད་པར་བྱེད་པ་དང་། །སངས་རྒྱས་ཀྱི་ཡོན་ཏན་བསྔགས་པ་ནི་མཐའ་ཡས་པའོ་ཞེས་བྱ་བར་ཡང་དག་པར་ལྟ་བ་དང་། མ་བྱོན་པའི་སངས་རྒྱས་འབྱུང་
D44.037.0025a06.01བའི་དེ་བཞིན་གཤེགས་པའི་རིགས་ཡང་དག་པར་བསྒྲུབ་པ་དང་། དགེ་བའི་རྩ་བ་དང་མོས་པའི་ཚུལ་ཐམས་ཅད་ཀྱིས་སངས་རྒྱས་བཅོམ་ལྡན་འདས་རྣམས་མཉེས་པར་བྱེད་པ་དང་། དེ་བཞིན་གཤེགས་པ་རྣམས་ནི་ཡོན་ཏན་མཐའ་ཡས་པའོ། །
D44.037.0025a07.01