完整藏文原文 · 德格版页 当前仅加载第 37 函德格 104a 版页；藏文 NFD、目录标记与异常页序保留在来源切片中，重复版页行以稳定序号区分。
ཞེ་ན། ཀྱེ་རྒྱལ་བའི་སྲས་ཀླུའི་རྒྱལ་པོ་ཆེན་པོ་ཡིད་དུ་འོང་བ་ནི་མི་འཚེ་བའི་ངང་ཚུལ་དང་ལྡན་པ་སྟེ། ཞག་བདུན་འདས་ནས་ཆར་གྱི་རྒྱུན་ཤིན་ཏུ་ཕྲ་བས་ས་ཐམས་ཅད་ཡོངས་སུ་ངོམས་པར་བྱེད་དོ། །ཀྱེ་རྒྱལ་བའི་སྲས་དེ་བཞིན་དུ་དེ་
D44.037.0104a01.01བཞིན་གཤེགས་པ་དགྲ་བཅོམ་པ་ཡང་དག་པར་རྫོགས་པའི་སངས་རྒྱས་ཆོས་ཀྱི་རྒྱལ་པོ་ཆེན་པོ་ཡང་། ཐུགས་རྗེ་ཆེན་པོའི་སྤྲིན་བསྡུས་ཏེ། ནམ་ཆོས་ཀྱི་ཆར་ཆེན་པོ་དབབ་པར་དགྱེས་པ་དེའི་ཚེ། ཤེས་རབ་དང་ཐབས་མཁས་པས་སེམས་ཅན་ཡོངས་
D44.037.0104a02.01སུ་སྨིན་པར་མཛད་དོ། །སེམས་ཅན་རྣམས་ཀྱི་དབང་པོ་ཡོངས་སུ་མི་སྨིན་གྱི་བར་དུ་ནི། བདུད་རྩིའི་ཆར་སྔར་འབེབས་པར་མི་མཛད་དེ་ནམ་སེམས་ཅན་རྣམས་ཡོངས་སུ་སྨིན་པར་གྱུར་པ་དེའི་ཚེ། གཟོད་ཆོས་ཀྱི་ཆར་ཆེན་པོ་བདུད་རྩིའི་རོ་དང་ལྡན་པ་འབེབས་
D44.037.0104a03.01སོ། ཕྲ་ཞིང་ཟབ་ལ་མཁས་པས་ཤེས་པར་བྱ་བའི་ཆོས་རྗོད་ཅིང་སེམས་ཅན་རྣམས་འཇིག་པར་མ་གྱུར་བར་རིམ་གྱིས་ཐམས་ཅད་མཁྱེན་པ་ཉིད་ཀྱི་ཆོས་ཀྱི་རོ་བླ་ན་མེད་པས་ཡོངས་སུ་ངོམས་པར་མཛད་དོ། །ཀྱེ་རྒྱལ་བའི་སྲས་ཁོང་དུ་ཆུད་པར་བྱ་
D44.037.0104a04.01བའི་སྒོ་བརྒྱད་པ་འདིས་ཀྱང་། དེ་བཞིན་གཤེགས་པའི་གསུང་ཁོང་དུ་ཆུད་པར་བྱའོ། །ཀྱེ་རྒྱལ་བའི་སྲས་འདི་ལྟ་སྟེ་དཔེར་ན། རྒྱ་མཚོ་ཆེན་པོའི་ནང་ན་ལག་གིས་འགྲོ་བའི་བདག་པོ་རྒྱན་ཆེན་པོ་ཞེས་བྱ་བ་ཡོད་དེ། དེ་འདོད་ན་རྒྱ་མཚོ་ཆེན་པོའི་
D44.037.0104a05.01ནང་དུ་རྒྱན་གཅིག་དང་ལྡན་པའི་ཆར་རབ་ཏུ་འབེབས་སོ། །དེ་འདོད་ན་རྒྱན་བཅུ་དང་ལྡན་པའི་ཆར་རབ་ཏུ་འབེབས་སོ། །དེ་འདོད་ན་རྒྱན་བརྒྱ་དང་ལྡན་པའི་ཆར་རབ་ཏུ་འབེབས་སོ། །དེ་འདོད་ན་རྒྱན་སྟོང་དང་ལྡན་པའི་ཆར་རབ་ཏུ་འབེབས་སོ། །དེ་འདོད་
D44.037.0104a06.01ན་རྒྱན་བརྒྱ་ཕྲག་སྟོང་དང་ལྡན་པའི་ཆར་རབ་ཏུ་འབེབས་ཀྱང་། ཀྱེ་རྒྱལ་བའི་སྲས་ཆར་པ་དེ་དག་ལ་རྣམ་པར་རྟོག་པ་གང་ཡང་མེད་དེ། འོན་ཀྱང་ཀླུའི་རྒྱལ་པོ་དེའི་ཁྱུ་མཆོག་གི་མཐུ་ཕྱུང་བ། བསམ་གྱིས་མི་ཁྱབ་པ་རྣམ་པར་ཕྱེ་བའི་བྱིན་གྱིས་རྣམ་པར་དགོད་
D44.037.0104a07.01