完整藏文原文 · 德格版页 当前仅加载第 37 函德格 115b 版页；藏文 NFD、目录标记与异常页序保留在来源切片中，重复版页行以稳定序号区分。
པའི་བསམ་པ་ཡོད་པ་དེ་ཙམ་དུ་དེ་བཞིན་གཤེགས་པའི་ཡེ་ཤེས་སྨན་གྱི་རྒྱལ་པོ་ཆེན་པོ་དེ་རྣམ་པར་སྐྱེ་བའི་ཆོས་ཅན་དུ་འགྱུར་རོ། །ཀྱེ་རྒྱལ་བའི་སྲས་ལྟོས་དང་། དེ་བཞིན་གཤེགས་པའི་ཡེ་ཤེས་ལ་འཕེལ་ཞིང་འགྲིབ་པ་མེད་ལ་རྩ་བ་གྲུབ་པ་མེད་ཀྱང་གཏན་
D44.037.0115b01.01ཏུ་རྒྱུན་མི་ཆད་པར་སྣང་བ་ཡིན་ཏེ། ཀྱེ་རྒྱལ་བའི་སྲས་ཁོང་དུ་ཆུད་པར་བྱ་བའི་སྒོ་བདུན་པ་འདིས་ཀྱང་བྱང་ཆུབ་སེམས་དཔའ་སེམས་དཔའ་ཆེན་པོས་དེ་བཞིན་གཤེགས་པ་དགྲ་བཅོམ་པ་ཡང་དག་པར་རྫོགས་པའི་སངས་རྒྱས་རྣམས་ཀྱི་ཐུགས་སྐྱེ་བ་ཁོང་དུ་ཆུད་
D44.037.0115b02.01པར་བྱའོ། །ཀྱེ་རྒྱལ་བའི་སྲས་འདི་ལྟ་སྟེ་དཔེར་ན། མེས་འཇིག་པའི་བསྐལ་པ་བྱུང་བའི་ཚེ། སྟོང་གསུམ་གྱི་སྟོང་ཆེན་པོའི་འཇིག་རྟེན་གྱི་ཁམས་ཉི་མ་བདུན་ཤར་ཅིང་འཚིག་པ་དང་འབར་བ་དང་། རབ་ཏུ་འབར་བ་དང་མེའི་ཕུང་པོ་ཆེན་པོར་གྱུར་ཏེ།
D44.037.0115b03.01གཅིག་ཏུ་འབར་བར་གྱུར་ནས། རྩྭ་དང་གེལ་པ་དང་། སྨན་དང་ནགས་ཚལ་ཡན་ཅད་ཁོར་ཡུག་དང་ཁོར་ཡུག་ཆེན་པོའི་བར་དུ་ཚིག་ཅིང་ཐལ་བའང་མི་མངོན་པར་འགྱུར་བ་དེའི་ཚེ། མི་ལ་ལ་ཞིག་གིས་རྩྭ་སྐམ་པོ་དུད་པ་རླན་གྱིས་བག་མེད་པ། ཁུར་ཆེན་པོ་
D44.037.0115b04.01གཅིག་ཅིག་བཀུར་བཀུར་ཏེ་བཅུག་ན། ཀྱེ་རྒྱལ་བའི་སྲས་དེ་ལ་ཇི་སྙམ་དུ་སེམས། རྩྭ་ཁུར་གཅིག་པོ་དེ་ལས་ཆུང་ངུ་ན་རྩྭའི་ཟེགས་མ་གཅིག་ཀྱང་མ་ཚིག་པ་ཡོད་དམ། སྨྲས་པ། ཀྱེ་རྒྱལ་བའི་སྲས་མ་ཡིན་ཏེ། མ་ཚིག་པ་ཡོད་པར་འགྱུར་བ་ནི་གནས་མེད་
D44.037.0115b05.01སྐབས་མེད་དོ། སྨྲས་པ། ཀྱེ་རྒྱལ་བའི་སྲས་མེའི་ཕུང་པོ་ཆེན་པོ་དེའི་ནང་གི་རྩྭའི་ཟེགས་མ་འགའ་ཞིག་མ་ཚིག་པ་ནི་ཡོད་ཀྱང་སྲིད་ཀྱི། དེ་བཞིན་གཤེགས་པའི་ཡེ་ཤེས་ཀྱིས་ནི་དུས་གསུམ་ན་ཡོད་པའི་སེམས་ཅན་འགྲངས་པ་དང་། ཞིང་འགྲངས་པ་དང་། བསྐལ་པ་འགྲངས་པ་
D44.037.0115b06.01དང་། ཆོས་འགྲངས་པ་གང་ཡང་ཐུགས་སུ་མ་ཆུད་པ་རྙེད་པར་མི་རུང་སྟེ། དེ་ནི་གནས་མ་ཡིན་ནོ། །ཀྱེ་རྒྱལ་བའི་སྲས་དེ་ཅིའི་ཕྱིར་ཞེ་ན། དེ་བཞིན་གཤེགས་པ་དགྲ་བཅོམ་པ་ཡང་དག་པར་རྫོགས་པའི་སངས་རྒྱས་རྣམས་ཀྱི་ཐ་མི་དད་པའི་ཡེ་ཤེས་ཐུགས་སུ་ཆུད་པའི་ཕྱིར་རོ། །ཀྱེ་རྒྱལ་བའི་སྲས་
D44.037.0115b07.01