完整藏文原文 · 德格版页 当前仅加载第 37 函德格 200b 版页；藏文 NFD、目录标记与异常页序保留在来源切片中，重复版页行以稳定序号区分。
འཇུག་པའི་ཡེ་ཤེས་ལ་རྣམ་པར་འཕྲུལ་པ་དང་། སེམས་ཅན་གཅིག་གི་སྒྲ་དབྱངས་ཀྱིས་སྒྲ་ཐམས་ཅད་ལ་འཇུག་པ་ཡོངས་སུ་སྟོན་པའི་ཡེ་ཤེས་ལ་རྣམ་པར་འཕྲུལ་པ་སྟེ། ཀྱེ་རྒྱལ་བའི་སྲས་བཅུ་པོ་དེ་དག་ནི་བྱང་ཆུབ་སེམས་དཔའ་རྣམས་ཀྱི་ཡེ་
D44.037.0200b01.01ཤེས་ལ་རྣམ་པར་འཕྲུལ་པའོ། །ཀྱེ་རྒྱལ་བའི་སྲས་བཅུ་པོ་འདི་དག་ནི་བྱང་ཆུབ་སེམས་དཔའ་རྣམས་ཀྱི་མངོན་པར་ཤེས་པ་ལ་རྣམ་པར་འཕྲུལ་པ་སྟེ། བཅུ་གང་ཞེ་ན། འདི་ལྟར་འཇིག་རྟེན་གྱི་ཁམས་ཐམས་ཅད་དུ་ལུས་ཡོངས་སུ་སྟོན་
D44.037.0200b02.01ཀྱང་ལུས་གཅིག་ཏུ་དམིགས་པའི་མངོན་པར་ཤེས་པ་ལ་རྣམ་པར་འཕྲུལ་པ་དང་། དེ་བཞིན་གཤེགས་པ་གཅིག་གི་འཁོར་གྱི་དཀྱིལ་འཁོར་དུ་དེ་བཞིན་གཤེགས་པ་ཐམས་ཅད་ཀྱི་འཁོར་གྱི་དཀྱིལ་འཁོར་དང་། ཆོས་བསྟན་པ་དང་
D44.037.0200b03.01ཡོངས་སུ་འཛིན་པའི་མངོན་པར་ཤེས་པ་ལ་རྣམ་པར་འཕྲུལ་པ་དང་། སེམས་ཅན་གཅིག་གི་སེམས་ལ་དམིགས་པས་བྱང་ཆུབ་ཀྱི་རྒྱུད་བརྗོད་དུ་མེད་པ་རྣམ་པར་འཚང་རྒྱ་ཞིང་སེམས་ཅན་ཐམས་ཅད་ཀྱི་སེམས་ཀྱིས་གོ་བར་བྱེད་པའི་མངོན་པར་
D44.037.0200b04.01ཤེས་པ་ལ་རྣམ་པར་འཕྲུལ་པ་དང་། དབྱངས་གཅིག་གིས་འཇིག་རྟེན་གྱི་ཁམས་ཐམས་ཅད་དུ་གོ་བར་བྱེད་ཅིང་སྒྲ་རྣམ་པ་ཐ་དད་པ་ཐམས་ཅད་དུ་ཤེས་པར་བྱེད་པས། སེམས་ཅན་གཞན་གྱི་སེམས་ཀྱི་རྒྱུད་དུ་ཕྱིན་པར་བྱེད་པའི་མངོན་པར་ཤེས་
D44.037.0200b05.01པ་ལ་རྣམ་པར་འཕྲུལ་པ་དང་། འགྲོ་བ་ཐམས་ཅད་ཀྱི་སྔོན་གྱི་མཐའི་མུར་ཐུག་པའི་བསྐལ་པ་སེམས་ཀྱི་སྐད་ཅིག་གཅིག་གིས་རྗེས་སུ་དྲན་ཞིང་ཤེས་པས་ལས་ཀྱི་འབྲས་བུ་རྣམ་པར་སྨིན་པ་ཅི་ལྟ་བ་བཞིན་དུ་མངོན་སུམ་དུ་སྟོན་ཅིང་སེམས་ཅན་གྱིས་
D44.037.0200b06.01གོ་བར་བྱེད་པའི་མངོན་པར་ཤེས་པ་ལ་རྣམ་པར་འཕྲུལ་པ་དང་། འཇིག་རྟེན་གྱི་ཁམས་ཐམས་ཅད་བརྒྱན་པར་བྱ་བ་འདི་མངོན་པར་ཤེས་པ་ལ་རྣམ་པར་འཕྲུལ་པ་དང་། དུས་ཐམས་ཅད་མཉམ་པ་ཉིད་དུ་འཇུག་པའི་མངོན་པར་ཤེས་པ་ལ་
D44.037.0200b07.01