完整藏文原文 · 德格版页 当前仅加载第 37 函德格 120a 版页；藏文 NFD、目录标记与异常页序保留在来源切片中，重复版页行以稳定序号区分。
བཅིངས་མ་གྲོལ་བ་དེ་བཞིན་དུ་དེ་བཞིན་གཤེགས་པའི་ཡུལ་ཡང་ཚད་མེད་ཅིང་། མུ་མེད་དེ་མ་བཅིངས་མ་གྲོལ་བའོ། །དེ་ཅིའི་ཕྱིར་ཞེ་ན། འདི་ལྟར་སེམས་དེ་ནི་ཇི་ལྟ་ཇི་ལྟར་བསམས་ཤིང་རྣམ་པར་བརྟགས་པ་དེ་ལྟ་དེ་ལྟར་ཚད་
D44.037.0120a01.01མེད་པར་རྣམ་པར་དགོད་པ་ཡིན་ཏེ། ཀྱེ་རྒྱལ་བའི་སྲས་འདི་ལྟ་སྟེ་དཔེར་ན། ཀླུ་རྣམས་ནི་སེམས་ཀྱི་ཁྱད་པར་གྱིས་ཆར་པའི་རྒྱུན་ཆེན་པོ་འབེབས་ཏེ། ཆར་པའི་རྒྱུན་དེ་ཡང་ཀླུ་རྣམས་ཀྱི་ནང་ནས་བྱུང་བ་འང་མ་ཡིན། ཕྱི་རོལ་ནས་བྱུང་བ་འང་མ་ཡིན་ནོ། །
D44.037.0120a02.01ཀྱེ་རྒྱལ་བའི་སྲས་དེ་བཞིན་དུ་དེ་བཞིན་གཤེགས་པའི་ཡུལ་ཡང་རྣམ་པ་ཇི་ལྟ་ཇི་ལྟ་བུར་བསམས་ཏེ། རྣམ་པར་བརྟགས་པ་དེ་ལྟ་དེ་ལྟ་བུར་བསམ་གྱིས་མི་ཁྱབ་པར་རྣམ་པར་དགོད་པར་འགྱུར་ཏེ། དེ་ནི་ཕྱོགས་ན་གནས་པའང་མ་ཡིན། ཡུལ་ན་གནས་པའང་མ་ཡིན་ནོ། །
D44.037.0120a03.01ཀྱེ་རྒྱལ་བའི་སྲས་གཞན་ཡང་འདི་ལྟ་སྟེ་དཔེར་ན། རྒྱ་མཚོ་ཆེན་པོ་ལ་ཆུའི་ཕུང་པོ་ཚད་མེད་པ་གང་ཇི་སྙེད་ཡོད་པ་དེ་དག་ཐམས་ཅད་ཀླུ་རྣམས་ཀྱི་སེམས་ཀྱི་ཁྱད་པར་ལས་བྱུང་བའོ། །ཀྱེ་རྒྱལ་བའི་སྲས་དེ་བཞིན་དུ་ཐམས་ཅད་མཁྱེན་པ་ཉིད་ཀྱི་རྒྱ་མཚོ་ལ་ཆོས་ཀྱི་རྒྱུད་ཚད་མེད་པ་གང་ཇི་
D44.037.0120a04.01སྙེད་ཡོད་པ་དེ་དག་ཐམས་ཅད་སྔོན་གྱི་དགོངས་པའི་སྨོན་ལམ་མངོན་པར་བསྒྲུབས་པའི་ཁྱད་པར་གྱིས་བྱུང་བའོ། །བྱང་ཆུབ་སེམས་དཔའ་དེ་བཞིན་གཤེགས་པའི་རིགས་སུ་བྱུང་བའི་དཔལ་གྱིས་སྨྲས་པ། ཀྱེ་རྒྱལ་བའི་སྲས་རྒྱ་མཚོ་ཆེན་པོ་ནི་ཇི་ཙམ་ཞིག་ཏུ་ཚད་མེད་
D44.037.0120a05.01ཐམས་ཅད་མཁྱེན་པའི་ཡེ་ཤེས་ཀྱི་རྒྱ་མཚོ་ནི་ཇི་ཙམ་ཞིག་ཏུ་ཚད་མེད། བྱང་ཆུབ་སེམས་དཔའ་ཀུན་ཏུ་བཟང་པོས་སྨྲས་པ། ཀྱེ་རྒྱལ་བའི་སྲས་གནས་འདི་བསྟན་པ་ནི་བསམ་གྱིས་མི་ཁྱབ་པ་སྟེ། འོན་ཀྱང་དཔེ་ཙམ་ཞིག་བསྟན་གྱིས་དེ་ཉོན་ཅིག །ཀྱེ་རྒྱལ་
D44.037.0120a06.01བའི་སྲས་རྒྱ་མཚོ་ཆེན་པོར་ནི་འཛམ་བུའི་གླིང་འདི་ནས། ཆུ་ཀླུང་སྟོང་ཕྲག་ཕྱེད་དང་གསུམ་འབབ་བོ། །ནུབ་ཀྱི་བན་ལང་སྤྱོད་ཀྱི་གླིང་ནས་ཆུ་ཀླུང་སྟོང་ཕྲག་ལྔ་འབབ་བོ། །ཤར་གྱི་ལུས་འཕགས་པོའི་གླིང་ནས་ཆུ་ཀླུང་སྟོང་ཕྲག་ཕྱེད་དང་བརྒྱད་འབབ་བོ། །བྱང་གི་
D44.037.0120a07.01