完整藏文原文 · 德格版页 当前仅加载第 37 函德格 167b 版页；藏文 NFD、目录标记与异常页序保留在来源切片中，重复版页行以稳定序号区分。
ཀྱེ་རྒྱལ་བའི་སྲས་བཅུ་པོ་འདི་དག་ནི་བྱང་ཆུབ་སེམས་དཔའ་རྣམས་ཀྱིས་དགོངས་ཏེ་བཤད་པ་ལ་མཁས་པ་སྟེ། བཅུ་གང་ཞེ་ན་འདི་ལྟར་སངས་རྒྱས་ཀྱི་ཆོས་ཀྱི་རྣམ་གྲངས་ཐམས་ཅད་ལ་དགོངས་ཏེ་བཤད་པ་ལ་མཁས་པ་དང་། སྐྱེ་བའི་སྐྱེ་མཆེད་ཐམས་ཅད་ལ་དགོངས་
D44.037.0167b01.01ཏེ་བཤད་པ་ལ་མཁས་པ་དང་། བྱང་ཆུབ་སེམས་དཔའི་རྫུ་འཕྲུལ་དང་། རྣམ་པར་འཕྲུལ་པ་དང་། མངོན་པར་རྫོགས་པར་འཚང་རྒྱ་བ་ཐམས་ཅད་ལ་དགོངས་ཏེ་བཤད་པ་ལ་མཁས་པ་དང་། སེམས་ཅན་ཐམས་ཅད་ཀྱི་ལས་ཀྱི་རྣམ་པར་སྨིན་པར་འཇུག་པ་ཐམས་ཅད་
D44.037.0167b02.01ལ་དགོངས་ཏེ་བཤད་པ་ལ་མཁས་པ་དང་། སེམས་ཅན་ཐམས་ཅད་ཀྱི་ཀུན་ནས་ཉོན་མོངས་པ་དང་། རྣམ་པར་བྱང་བ་དང་། རྣམ་པར་ལྡང་བ་ལ་དགོངས་ཏེ་བཤད་པ་ལ་མཁས་པ་དང་། ཆོས་ཐམས་ཅད་ཆགས་པ་མེད་པའི་སྒོའི་མཐར་ཕྱིན་པ་ལ་བསྒྲིབས་པ་
D44.037.0167b03.01མེད་པའི་ཚུལ་གྱིས་དགོངས་ཏེ་བཤད་པ་ལ་མཁས་པ་སྟེ། འདི་ནི་དགོངས་ཏེ་བཤད་པ་ལ་མཁས་པ་དྲུག་པའོ། །ཀྱེ་རྒྱལ་བའི་སྲས་གཞན་ཡང་བྱང་ཆུབ་སེམས་དཔའ་ནམ་མཁའི་དབྱིངས་ཀྱི་ཕྱོགས་རེ་རེ་དང་། འཇིག་རྟེན་གྱི་ཁམས་ཀྱི་རྒྱུད་རེ་རེ་
D44.037.0167b04.01ན་ཡང་། འཇིག་རྟེན་གྱི་ཁམས་འགྲུབ་པ་དང་། འཇིག་རྟེན་གྱི་ཁམས་འཇིག་པ་རྒྱུན་མི་འཆད་ཅིང་མཚམས་མེད་པ་ཤེས་པ་འདི་ནི་དགོངས་ཏེ། བཤད་པ་ལ་མཁས་པ་བདུན་པའོ། །ཀྱེ་རྒྱལ་བའི་སྲས་གཞན་ཡང་བྱང་ཆུབ་སེམས་དཔའ་ཆོས་
D44.037.0167b05.01ཀྱི་དབྱིངས་ཐམས་ཅད་དུ་ཕྲ་བ་དང་ཡངས་པའི་འཇུག་པས་ཡོངས་སུ་འཇུག་པ་ཐམས་ཅད་གཟུང་བ་དང་། དེ་བཞིན་གཤེགས་པ་དགྲ་བཅོམ་པ་ཡང་དག་པར་རྫོགས་པའི་སངས་རྒྱས་རྣམས་སྐྱེ་བ་ནས་བཟུང་སྟེ། ཡོངས་སུ་མྱ་ངན་ལས་འདའ་བ་
D44.037.0167b06.01ཆེན་པོའི་བར་དུ་བཟུང་བ་རྒྱུན་འཆད་པ་མེད་པས་ཆོས་ཀྱི་དབྱིངས་ཐམས་ཅད་སངས་རྒྱས་ཀྱིས་ཡོངས་སུ་གང་བར་འཇུག་ཅིང་སངས་རྒྱས་སྐྱེ་བ་ཐམས་ཅད་ཀྱང་ཤིན་ཏུ་རྣམ་པར་ཕྱེ་བར་མཐོང་བ་འདི་ནི་དགོངས་ཏེ་བཤད་པ་ལ་མཁས་པ་བརྒྱད་པའོ། །
D44.037.0167b07.01